ਬਾਡੀਵੁੱਡ ਦੀ ਪ੍ਰਸਿੱਧ ਗਾਇਕਾ ਕਨਿਕਾ ਕਪੂਰ ਦੀ ਰਿਪੋਰਟ ਵੀ ਆਈ ਪਾਜ਼ੀਟਿਵ
ਚੰਡੀਗੜ੍ਹ : ਚੀਨ ਤੋਂ ਸ਼ੁਰੂ ਹੋਇਆ ਕੋਰੋਨਾਵਾਇਰਸ ਹੁਣ ਤਕ ਦੁਨੀਆਂ ਦੇ ਜ਼ਿਆਦਾਤਰ ਦੇਸ਼ਾਂ ਅੰਦਰ ਅਪਣੀ ਹਾਜ਼ਰੀ ਲਗਵਾ ਚੁੱਕਾ ਹੈ। ਚੀਨ ਤੋਂ ਬਾਅਦ ਇਟਲੀ ਵਿਚ ਇਸ ਨੇ ਅਪਣਾ ਵਿਕਰਾਲ ਰੂਪ ਵਿਖਾਇਆ ਹੈ। ਹੁਣ ਭਾਰਤ ਅੰਦਰ ਵੀ ਇਸ ਤੋਂ ਪੀੜਤਾਂ ਦੀ ਗਿਣਤੀ ਦਿਨੋਂ ਦਿਨ ਵਧਦੀ ਜਾ ਰਹੀ ਹੈ।
Photo
ਦੇਸ਼ ਭਰ 'ਚ ਹੁਣ ਤਕ 195 ਮਾਮਲੇ ਸਾਹਮਣੇ ਆ ਚੁੱਕੇ ਹਨ। ਇਨ੍ਹਾਂ ਵਿਚੋਂ 20 ਦੇ ਕਰੀਬ ਵਿਅਕਤੀਆਂ ਨੂੰ ਠੀਕ 'ਚ ਸਫ਼ਲਤਾ ਵੀ ਹੱਥ ਲੱਗੀ ਹੈ। ਦੇਸ਼ ਭਰ 'ਚੋਂ ਮਹਾਰਾਸ਼ਟਰ ਅਜਿਹੇ ਸੂਬਾ ਹੈ ਜਿੱਥੇ ਕੋਰੋਨਾਵਾਇਰਸ ਤੋਂ ਪੀੜਤਾਂ ਦੀ ਗਿਣਤੀ ਅੱਧੇ ਸੈਂਕੜੇ ਨੂੰ ਛੂਹਣ ਨੇੜੇ ਪਹੁੰਚਣ ਵਾਲੀ ਹੈ। ਇੱਥੇ 47 ਵਿਅਕਤੀਆਂ ਦੀ ਰਿਪੋਰਟ ਪੋਜ਼ੀਟਿਵ ਆ ਚੁੱਕੀ ਹੈ।
Photo
ਕੋਰੋਨਾਵਾਇਰਸ ਦੀ ਲਪੇਟ ਵਿਚ ਆਉਣ ਵਾਲਿਆਂ ਵਿਚ ਕਈ ਪ੍ਰਸਿੱਧ ਹਸਤੀਆਂ ਵੀ ਸ਼ਾਮਲ ਹਨ, ਜਿਨ੍ਹਾਂ 'ਚ ਕੈਨੇਡਾ ਪ੍ਰਧਾਨ ਮੰਤਰੀ ਦੀ ਘਰਵਾਲੀ ਵੀ ਸ਼ਾਮਲ ਹੈ। ਇਸੇ ਤਰ੍ਹਾਂ ਇਰਾਨ ਦੇ ਇਕ ਮੰਤਰੀ ਦੇ ਵੀ ਕਰੋਨਾ ਤੋਂ ਪੀੜਤ ਹੋਣ ਦੀਆਂ ਖ਼ਬਰਾਂ ਮੀਡੀਆਂ 'ਚ ਆਈਆਂ ਹਨ।
Photo
ਹੁਣੇ ਹੁਣੇ ਬਾਡੀਵੁੱਡ ਦੀ ਪ੍ਰਸਿੱਧ ਗਾਇਕਾ ਕਨਿਕਾ ਕਪੂਰ ਦੇ ਵੀ ਕੋਰੋਨਾ ਤੋਂ ਪੀੜਤ ਹੋਣ ਦੀਆਂ ਖ਼ਬਰਾਂ ਸਾਹਮਣੇ ਆ ਚੁੱਕੀਆਂ ਹਨ। ਉਹ ਲੰਡਨ ਤੋਂ ਵਾਪਸ ਆਉਣ ਬਾਅਦ ਪਾਰਟੀਆਂ ਵਿਚ ਵੀ ਸ਼ਾਮਲ ਹੋਏ ਜਿੱਥੇ 500 ਤੋਂ ਵਧੇਰੇ ਲੋਕਾਂ ਦਾ ਇਕੱਠ ਮੌਜੂਦ ਸੀ। ਗਾਇਕਾ ਨੇ ਕਈਆਂ ਨਾਲ ਸੈਲਫ਼ੀਆ ਵੀ ਖਿਚਵਾਈਆਂ ਸਨ। ਇਸ ਪਾਰਟੀ ਵਿਚ ਉੱਤਰ ਪ੍ਰਦੇਸ਼ ਦੇ ਸਿਹਤ ਮੰਤਰੀ ਤਕ ਦੇ ਸ਼ਾਮਲ ਹੋਣ ਦੀਆਂ ਖ਼ਬਰਾਂ ਆ ਚੁੱਕੀਆਂ ਹਨ।
Photo
ਚੰਡੀਗੜ੍ਹ ਵਿਚ ਵੀ ਕੋਰੋਨਾਵਾਇਰਸ ਪੀੜਤਾਂ ਦੀ ਗਿਣਛੀ ਚਾਰ ਤਕ ਪਹੁੰਚ ਗਈ ਹੈ। ਪਹਿਲਾਂ ਚੰਡੀਗੜ੍ਹ 'ਚ ਇਕ ਲੜਕੀ ਦੇ ਕੋਰੋਨਾ ਤੋਂ ਪੀੜਤ ਹੋਣ ਦੀ ਪੁਸ਼ਟ ਹੋਈ ਸੀ, ਪਰ ਹੁਣ ਸੂਤਰਾਂ ਤੋਂ ਹਵਾਲੇ ਨਾਲ ਆ ਰਹੀਆਂ ਮੁਤਾਬਕ ਲੜਕੀ ਦੀ ਮਾਂ ਭੈਣ ਅਤੇ ਨੌਕਰ ਦੀ ਰਿਪੋਰਟ ਵੀ ਕੋਰੋਨਾ ਤੋਂ ਪਾਜ਼ੀਟਿਵ ਆਈ ਹੈ। ਭਾਵੇਂ ਇਸ ਬਾਰੇ ਅਜੇ ਅਧਿਕਾਰਤ ਪੁਸ਼ਟੀ ਹੋਣੀ ਬਾਕੀ ਹੈ ਪਰ ਫਿਰ ਵੀ ਜਿਸ ਤਰ੍ਹਾਂ ਕੋਰੋਨਾ ਵਾਇਰਸ ਦੇ ਪੀੜਤਾਂ ਦੀ ਗਿਣਤੀ 'ਚ ਵਾਧਾ ਹੋ ਰਿਹਾ ਹੈ, ਉਸ ਹਿਸਾਬ ਨਾਲ ਲੋਕਾਂ ਨੂੰ ਹੋਰ ਵਧੇਰੇ ਜਾਗਰੂਕ ਹੋਣ ਦੀ ਲੋੜ ਹੈ।
Photo
ਕੋਰੋਨਾਵਾਇਰਸ ਤੋਂ ਬਚਾਓ ਸਬੰਧੀ ਸੋਸ਼ਲ ਅਤੇ ਦੂਸਰੇ ਮੀਡੀਆ ਸਰੋਤਾਂ ਰਾਹੀਂ ਵੱਡੀ ਪੱਧਰ 'ਤੇ ਪ੍ਰਚਾਰ ਕੀਤਾ ਜਾ ਰਿਹਾ ਹੈ। ਪਰ ਚੰਡੀਗੜ੍ਹ ਦੀਆਂ ਸੜਕਾਂ 'ਤੇ ਘੁੰਮਿਆਂ ਮਹਿਸੂਸ ਹੀ ਨਹੀਂ ਹੁੰਦਾ ਕਿ ਇੱਥੇ ਕੋਰੋਨਾ ਵਾਇਰਸ ਨੂੰ ਲੈ ਕੇ ਐਮਰਜੰਸੀ ਹਾਲਾਤ ਬਣੇ ਹੋਏ ਹਨ। ਭੀੜ ਭਾਵੇਂ ਆਮ ਦਿਨਾਂ ਨਾਲੋਂ ਕੁੱਝ ਘੱਟ ਜ਼ਰੂਰ ਹੈ, ਪਰ ਉਹ ਵੀ ਵਿੱਦਿਅਕ ਅਦਾਰਿਆਂ ਅਤੇ ਕੁੱਝ ਕੰਮ ਥਾਵਾਂ ਬੰਦ ਹੋਣ ਕਾਰਨ ਹੀ ਘਟੀ ਜਾਪਦੀ ਹੈ।
Photo
ਪੀਜੀਆਈ ਵਰਗੇ ਸਿਹਤ ਅਦਾਰੇ ਜਿੱਥੇ ਓਪੀਡੀ ਤਕ ਬੰਦ ਕਰ ਦਿਤੀ ਗਈ ਹੈ, ਪਰ ਉਥੇ ਵੀ ਭੀੜ ਕਾਫ਼ੀ ਗਿਣਤੀ 'ਚ ਮੌਜੂਦ ਹੈ। ਇਨ੍ਹਾਂ ਭੀੜਾਂ ਵਿਚ ਮੂੰਹ 'ਤੇ ਮਾਸਕ ਬਗ਼ੈਰਾ ਲਾ ਕੇ ਚੱਲਣ ਵਾਲਿਆਂ ਦੀ ਗਿਣਤੀ ਕਾਫ਼ੀ ਘੱਟ ਹੈ ਜਦਕਿ ਜ਼ਿਆਦਾਤਰ ਲੋਕ ਆਮ ਵਾਂਗ ਹੀ ਵਿਚਰ ਰਹੇ ਹਨ। ਲੋਕਾਂ ਨੂੰ ਪੀਜੀਆਈ ਅੰਦਰ ਆਉਣ ਤੋਂ ਰੋਕਣ ਲਈ ਸਕਿਊਰਟੀ ਸਟਾਫ਼ ਨੂੰ ਭਾਰੀ ਮੁਸ਼ੱਕਤ ਕਰਨੀ ਪੈ ਰਹੀ ਹੈ।
file photo
ਪੀਜੀਆਈ ਵਿਚੋਂ ਵੱਡੀ ਗਿਣਤੀ ਮਰੀਜ਼ਾਂ ਜਿਨ੍ਹਾਂ ਦਾ ਘਰ ਅੰਦਰ ਵੀ ਇਲਾਜ ਹੋ ਸਕਦਾ ਹੈ, ਉਨ੍ਹਾਂ ਨੂੰ ਮੁਢਲੀ ਸਹਾਇਤਾ ਬਾਅਦ ਐਮਰਜੰਸੀ ਵਿਚੋਂ ਵਾਪਸ ਵੀ ਭੇਜਿਆ ਜਾ ਰਿਹਾ ਹੈ। ਪਰ ਇਸ ਨੂੰ ਲੈ ਕੇ ਵੀ ਕਈ ਲੋਕ ਸਟਾਫ਼ ਨਾਲ ਬਹਿਸ਼ਬਾਜ਼ੀ ਵੀ ਕਰਦੇ ਵੇਖੇ ਗਏ। ਕੋਰੋਨਾਵਾਇਰਸ ਦੇ ਵਧਦੇ ਪ੍ਰਕੋਪ ਨੂੰ ਠੱਲ੍ਹਣ ਲਈ ਲੋਕਾਂ 'ਚ ਹੋਰ ਜਾਗਰੂਕਤਾ ਦੀ ਲੋੜ ਹੈ, ਜਿਸ ਬਾਰੇ ਪ੍ਰਸ਼ਾਸਨ ਅਤੇ ਮੀਡੀਆ ਅਦਾਰੇ ਸਰਗਰਮ ਹਨ।
