ਭਾਰਤ ਨੇ ਪੋਲਰ ਰਾਕੇਟ ਤੋਂ ਨਵੀਨਤਮ ਸੰਚਾਰ ਉਪਗ੍ਰਹਿ ਸੀਐਮਐਸ-01 ਨੂੰ ਕੀਤਾ ਸਥਾਪਤ

ਸ੍ਰੀਹਰੀਕੋਟਾ (ਆਂਧਰਾ ਪ੍ਰਦੇਸ਼), 17 ਦਸੰਬਰ: ਭਾਰਤ ਨੇ ਕੋਵਿਡ-19 ਮਹਾਂਮਾਰੀ ਵਿਚਕਾਰ ਦੂਜੇ ਅਤੇ ਅੰਤਮ ਲਾਂਚ ਮਿਸ਼ਨ ਦੇ ਹਿੱਸੇ ਵਜੋਂ ਵੀਰਵਾਰ ਨੂੰ ਪੁਲਾੜ ਸਟੇਸ਼ਨ ਤੋਂ ਅਪਣੇ ਪੋਲਰ ਰਾਕੇਟ ਰਾਹੀਂ ਨਵੀਨਤਮ ਸੰਚਾਰ ਉਪਗ੍ਰਹਿ ਸੀ.ਐੱਮ.ਐੱਸ .01 ਨੂੰ ਸਫ਼ਲਤਾਪੂਰਵਕ ਲਾਂਚ ਕੀਤਾ | ਇਸਰੋ ਦੇ ਭਰੋਸੇਮੰਦ ਧਰੁਵੀ ਉਪਗ੍ਰਹਿ ਲਾਂਚ ਵਾਹਨ ਪੀਐਸਐਲਵੀ-ਸੀ50 ਨੇ ਸੈਟੇਲਾਈਟ ਨੂੰ ਸ੍ਰੀਹਰਿਕੋਟਾ ਦੇ ਪੁਲਾੜ ਕੇਂਦਰ ਤੋਂ ਲਾਂਚ ਕਰਨ ਵਾਲੀ ਥਾਂ ਤੋਂ ਰਵਾਨਾ ਹੋਣ ਤੋਂ 20 ਮਿੰਟ ਬਾਅਦ ਸੈਟੇਲਾਈਟ ਨੂੰ ਮਿਥੀ ਥਾਂ ਵਿਚ ਸਥਾਪਤ ਕਰ ਦਿਤਾ | 
ਸੀਐਮਐਸ-01 ਪੁਲਾੜ ਏਜੰਸੀ ਦਾ 42ਵਾਂ ਸੰਚਾਰ ਉਪਗ੍ਰਹਿ ਹੈ ਅਤੇ ਉਪਗ੍ਰਹਿ ਰਾਹੀਂ ਅੰਡੇਮਾਨ ਨਿਕੋਬਾਰ ਦੀਪ ਸਮੂਹ ਅਤੇ ਲਕਸ਼ਦਵੀਪ ਸਮੇਤ ਭਾਰਤ ਦੇ ਵੱਖ-ਵੱਖ ਹਿੱਸਿਆਂ ਵਿਚ ਬਾਰੰਬਾਰਤਾ ਸਪੈਕਟ੍ਰਮ ਦੇ ਵਧਾਏ ਸੀ ਬੈਂਡ ਦੀਆਂ ਸੇਵਾਵਾਂ ਪ੍ਰਦਾਨ ਕਰੇਗਾ | ਭਾਰਤੀ ਪੁਲਾੜ ਖੋਜ ਸੰਗਠਨ (ਇਸਰੋ) ਦੇ ਅਨੁਸਾਰ, ਉਪਗ੍ਰਹਿ ਦੀ ਉਮਰ ਸੱਤ ਸਾਲਾਂ ਤੋਂ ਵੱਧ ਰਹੇਗੀ | (ਪੀਟੀਆਈ)

ਪੀਐਸਐਲਵੀ-ਸੀ50 ਐਕਸਐਲ ਢਾਂਚੇ ਵਿਚ (ਛੇ ਸਟ੍ਰੈਪ-ਆਨ ਮੋਟਰਾਂ ਨਾਲ ਲੈਸ ਹੈ) ਵਿਚ ਪੀਐਸਐਲਵੀ ਦੀ 22ਵੀਂ ਉਡਾਣ ਹੈ ਅਤੇ ਸ੍ਰੀਹਰਿਕੋਟਾ ਤੋਂ 77ਵੀਂ ਲਾਂਚ ਵਾਹਨ ਨੂੰ ਸਥਾਪਤ ਕੀਤਾ ਹੈ | 
ਇਸ ਸਾਲ, ਕੋਵਿਡ-19 ਮਹਾਂਮਾਰੀ ਵਿਚਕਾਰ ਇਸਰੋ ਦੇ ਪਹਿਲੀ ਮੁਹਿੰਮ ਵਿਚ ਪੀਐਸਐਲਵੀ ਸੀ-49 (ਈਓਐਸ) ਧਰਤੀ ਆਬਜਰਵੇਸਨ ਸੈਟੇਲਾਈਟ ਅਤੇ 9 ਹੋਰ ਉਪਗ੍ਰਹਿ ਨੂੰ ਸੱਤ ਨਵੰਬਰ ਨੂੰ ਸਥਾਪਤ ਕੀਤਾ ਸੀ | ਇਸਰੋ ਲਈ ਅੱਜ ਦੀ ਲਾਂਚਿੰਗ 2020 ਦੀ ਅੰਤਮ ਮੁਹਿੰਮ ਹੈ | (ਪੀਟੀਆਈ)