image
ਉਡਦੇ ਜਹਾਜ਼ 'ਚ ਬੱਚੀ ਦਾ ਹੋਇਆ ਜਨਮ, ਚਾਲਕ ਦਲ ਦੇ ਮੈਂਬਰਾਂ ਨੇ ਡਿਲਿਵਰੀ 'ਚ ਕੀਤੀ ਮਦਦ
ਨਵੀਂ ਦਿੱਲੀ, 17 ਮਾਰਚ : ਇੰਡੀਗੋ ਦੀ ਬੈਂਗਲੁਰੂ-ਜੈਪੁਰ ਉਡਾਣ ਦੌਰਾਨ ਜਹਾਜ਼ ਵਿਚ ਬੁਧਵਾਰ ਨੂੰ ਇਕ ਮਹਿਲਾ ਨੇ ਬੱਚੀ ਨੂੰ ਜਨਮ ਦਿਤਾ | ਏਅਰ ਲਾਈਨ ਨੇ ਇਕ ਬਿਆਨ ਜਾਰੀ ਕਰ ਕੇ ਇਹ ਜਾਣਕਾਰੀ ਦਿਤੀ | ਬਿਆਨ 'ਚ ਕਿਹਾ ਗਿਆ ਕਿ ਬੈਂਗਲੁਰੂ ਤੋਂ ਜੈਪੁਰ ਜਾ ਰਹੀ ਉਡਾਨ 6ਈ-469 'ਚ ਇਕ ਬੱਚੀ ਨੇ ਜਨਮ ਲਿਆ | ਇਸ ਜਹਾਜ਼ ਵਿਚ ਸਵਾਰ ਡਾ. ਸੁਬਹਾਨਾ ਨਜ਼ੀਰ ਅਤੇ ਇੰਡੀਗੋ ਚਾਲਕ ਦਲ ਨੇ ਡਿਲਿਵਰੀ 'ਚ ਮਾਂ ਦੀ ਮਦਦ ਕੀਤੀ ਅਤੇ ਬੱਚੀ ਦਾ ਜਨਮ ਹੋਇਆ | ਬਿਆਨ ਵਿਚ ਕਿਹਾ ਗਿਆ ਕਿ ਜੈਪੁਰ ਹਵਾਈ ਅੱਡੇ ਨੂੰ ਡਾਕਟਰਾਂ ਅਤੇ ਐਂਬੂਲੈਂਸ ਤਿਆਰ ਰਖਣ ਦੀ ਸੂਚਨਾ ਦੇ ਦਿਤੀ ਗਈ | ਮਾਂ ਅਤੇ ਬੱਚੀ ਦੋਹਾਂ ਦੀ ਹਾਲਤ ਸਥਿਰ ਹੈ | ਜਹਾਜ਼ ਨੇ ਬੁਧਵਾਰ ਸਵੇਰੇ 5.45 ਵਜੇ ਬੈਂਗਲੁਰੂ ਤੋਂ ਉਡਾਨ ਭਰੀ ਸੀ ਅਤੇ 8 ਵਜੇ ਦੇ ਨੇੜੇ-ਤੇੜੇ ਇਹ ਜੈਪੁਰ ਪਹੁੰਚਿਆ ਸੀ | (ਪੀਟੀਆਈ)
image
