ਕਿਸਾਨਾਂ ਨੇ ਚਿੱਲਾ ਬਾਰਡਰ ਦਾ ਦੂਜਾ ਰਸਤਾ ਵੀ ਬੰਦ ਕਰਨ ਦਾ ਕੀਤਾ ਐਲਾਨ, ਕਲ ਤੋਂ ਲਗਾਉਣਗੇ ਟੈਂਟ

ਦੂਜੇ ਸੂਬਿਆਂ ਦੇ ਕਿਸਾਨ ਵੀ ਦਿੱਲੀ ਧਰਨੇ 'ਚ ਪਹੰੁਚਣ ਲੱਗੇ
 

ਚੰਡੀਗੜ੍ਹ, 16 ਦਸੰਬਰ (ਸਪੋਕਸਮੈਨ ਸਮਾਚਾਰ ਸੇਵਾ): ਖੇਤੀ ਕਾਨੂੰਨਾਂ ਦੇ ਵਿਰੋਧ 'ਚ ਸਿੰਘੂ ਬਾਰਡਰ 'ਤੇ ਚੱਲ ਰਿਹਾ ਕਿਸਾਨਾਂ ਦਾ ਅੰਦੋਲਨ ਬੁੱਧਵਾਰ ਨੂੰ 21ਵੇਂ ਦਿਨ 'ਚ ਪ੍ਰਵੇਸ਼ ਕਰ ਗਿਆ ਹੈ | ਦਿੱਲੀ ਨਾਲ ਲਗਦੇ ਹਰਿਆਣਾ ਦੇ ਸਿੰਘੂ ਤੇ ਟਿਕਰੀ ਬਾਰਡਰ ਨਾਲ ਦਿੱਲੀ-ਯੂਪੀ ਗੇਟ 'ਤੇ ਹਜ਼ਾਰਾਂ ਕਿਸਾਨ ਧਰਨਾ-ਪ੍ਰਦਰਸ਼ਨ ਕਰ ਰਹੇ ਹਨ | ਇਸ ਦੌਰਾਨ ਪ੍ਰਦਰਸ਼ਨਕਾਰੀ ਕਿਸਾਨਾਂ ਨੇ ਨੋਇਡਾ-ਦਿੱਲੀ ਨੂੰ ਜੋੜਨ ਵਾਲੇ ਲਿੰਕ ਰੋਡ (ਚਿੱਲਾ ਬਾਰਡਰ) ਨੂੰ ਬੰਦ ਕਰ ਦਿਤਾ ਹੈ, ਜਿਸ ਕਾਰਨ ਵਾਹਨ ਇਥੇ ਖੜੇ ਹਨ | ਕੱੁਝ ਦੇਰ ਬਾਅਦ ਹੀ ਭਾਰਤੀ ਕਿਸਾਨ ਯੂਨੀਅਨ (ਅੰਬਾ ਵਤ) ਨੇ ਚਿੱਲਾ ਬਾਰਡਰ ਦਾ ਦੂਜਾ ਰਸਤਾ ਵੀ ਬੰਦ ਕਰਨ ਦਾ ਐਲਾਨ ਕੀਤਾ ਹੈ | ਉਨ੍ਹਾਂ ਕਿਹਾ ਕਿ ਬੁੱਧਵਾਰ ਨੂੰ ਦਿੱਲੀ ਤੋਂ ਆਉਣ ਵਾਲੇ ਮਾਰਗ 'ਤੇ ਟੈਂਟ ਲਗਾਏ | ਇਸ ਤੋਂ ਪਹਿਲਾਂ ਬੁੱਧਵਾਰ ਨੂੰ ਭਾਰਤੀ ਕਿਸਾਨ ਯੂਨੀਅਨ ਅੰਬਾਵਤ ਦਾ ਪ੍ਰਤੀਨਿਧੀ ਮੰਡਲ ਚਿੱਲਾ ਬਾਰਡਰ ਦਾ ਨਿਰੀਖਣ ਕਰਨ ਪਹੁੰਚਿਆ ਤੇ ਰਸਤਾ ਬੰਦ ਕਰ ਦਿਤਾ |
ਇਸ ਦੌਰਾਨ ਸਿੰਘੂ ਬਾਰਡਰ ਕਿਸਾਨਾਂ ਨੇ ਅਪਣੀ ਰਣਨੀਤੀ ਬਦਲ ਲਈ ਹੈ ਤੇ ਪੁਲਿਸ ਵਲੋਂ ਸੜਕ 'ਤੇ ਲਗਾਏ 
ਗਏ ਸੀਮੈਂਟ ਦੇ ਬੈਰੀਕੇਡ ਨੂੰ ਹਟਾ ਕੇ ਉਸੇ ਜਗ੍ਹਾ 'ਤੇ ਕਈ ਸਾਰੇ ਟਰੈਕਟਰਾਂ ਨੂੰ ਖੜ੍ਹਾ ਕਰ ਦਿਤਾ ਗਿਆ ਹੈ | ਇਸ ਤੋਂ ਪਹਿਲਾਂ ਸਿੰਘੂ ਬਾਰਡਰ 'ਤੇ ਦਿੱਲੀ ਵਲੋਂ ਧਰਨਾ ਦੇ ਰਹੇ ਕਿਸਾਨਾਂ ਨੇ ਸੋਮਵਾਰ ਨੂੰ ਨਾ ਸਿਰਫ਼ ਮੰਚ ਬਣਾ ਦਿਤਾ, ਬਲਕਿ ਠੰਢ ਤੇ ਬਾਰਸ਼ ਤੋਂ ਬਚਣ ਲਈ ਉਸ ਉਪਰ ਟੈਂਟ ਵੀ ਲਾ ਦਿਤਾ |  ਪੱਤਰਕਾਰਾਂ ਨਾਲ ਗੱਲਬਾਤ 'ਚ ਕਿਸਾਨ ਆਗੂ ਰਿਸ਼ੀਪਾਲ ਅੰਬਾਵਤਾ ਨੇ ਕਿਹਾ ਕਿ ਸਰਕਾਰ ਵਹਿਮ ਕਰਨ ਦੀ ਬਜਾਏ ਖੇਤੀ ਕਾਨੂੰਨ ਰੱਦ ਕਰੇ | ਉਥੇ ਹੀ ਕਿਸਾਨ ਜਗਜੀਤ ਸਿੰਘ ਨੇ ਕਿਹਾ ਕਿ ਉਨ੍ਹਾਂ ਦਾ ਸ਼ਾਂਤੀ ਪੂਰਨ ਅੰਦੋਲਨ ਜਾਰੀ ਰਹੇਗਾ |