Sunny Deol
ਆਪਣਾ ਹਲਕਾ ਛੱਡ ਸੰਨੀ ਦਿਓਲ ਪਹੁੰਚੇ ਹਰਸਿਮਰਤ ਦਾ ਚੋਣ ਪ੍ਰਚਾਰ ਕਰਨ
ਗੁਰਦਾਸਪੁਰ- ਗੁਰਦਾਸਪੁਰ ਤੋਂ ਭਾਜਪਾ ਉਮੀਦਵਾਰ ਸੰਨੀ ਦਿਓਲ ਆਪਣੇ ਹਲਕੇ ਵਿਚੋਂ ਨਾਦਾਰਦ ਹਨ, ਜਿਥੇ ਇਕ ਪਾਸੇ ਇਸ ਸੀਟ ਉੱਤੇ ਕਾਂਗਰਸੀ ਉਮੀਦਵਾਰ ਸੁਨੀਲ ਜਾਖੜ ਲਈ ਪ੍ਰਿਅੰਕਾ ਗਾਂਧੀ ਆਪ ਖੁਦ ਰੋਡ ਸ਼ੋਅ ਕੱਢ ਚੁੱਕੇ ਹਨ। ਉਥੇ ਹੀ ਸੰਨੀ ਦਿਓਲ ਆਪਣਾ ਚੋਣ ਪ੍ਰਚਾਰ ਛੱਡ ਬਠਿੰਡਾ ਵਿਚ ਹਰਸਿਮਰਤ ਬਾਦਲ ਨੂੰ ਜਿਤਾਉਣ ਲਈ ਰੋਡ ਸ਼ੋਅ ਕਰਦੇ ਨਜ਼ਰ ਆਏ।
ਦੂਜੇ ਪਾਸੇ ਵਿਰੋਧੀ ਉਮੀਦਵਾਰ ਸੁਨੀਲ ਜਾਖੜ ਨੇ ਸੰਨੀ ਦਿਓਲ 'ਤੇ ਆਰੋਪਾਂ ਦੀ ਝੜੀ ਲਗਾ ਦਿੱਤੀ ਹੈ। ਇੱਕ ਰੈਲੀ ਨੂੰ ਸੰਬੋਧਨ ਕਰਦਿਆਂ ਉਨ੍ਹਾਂ ਕਿਹਾ ਕਿ ਗੁਰਦਾਸਪੁਰ ਦੇ ਲੋਕ ਸਮਝਦਾਰ ਹਨ। ਉਹ ਕਿਸੇ ਬਾਹਰੀ ਨੂੰ ਆਪਣੇ ਹਲਕੇ ਦੀ ਵਾਗਡੋਰ ਨਹੀਂ ਸੌਂਪਣਗੇ, ਹੁਣ ਨਵਜੋਤ ਸਿੰਘ ਸਿੱਧੂ ਵੀ ਜਾਖੜ ਦੇ ਹੱਕ ਵਿਚ ਗੁਰਦਾਸਪੁਰ ਵਿਖੇ ਰੈਲੀ ਕਰ ਚੁੱਕੇ ਹਨ। ਇਨ੍ਹਾਂ ਸਾਰੇ ਸਮੀਕਰਨਾਂ ਨੂੰ ਦੇਖਦੇ ਹੋਏ ਇੰਜ ਜਾਪਦਾ ਹੈ ਕਿ ਜਿਵੇਂ ਸੰਨੀ ਦਿਓਲ ਦੇ ਦਿਲ ਵਿਚ ਆਪਣੀ ਜਿੱਤ ਨੂੰ ਲੈ ਕੇ ਕੋਈ ਸ਼ੰਕਾ ਪੈਦਾ ਹੋ ਗਈ ਹੋਵੇ।
