ਫ਼ਸਲ ਉਗਾਉਣ ਵਾਲੇ ਅੰਨਦਾਤਾਵਾਂ ਨੂੰ ਮਿਲੇ ਇਨਸਾਫ਼ : ਪ੍ਰਿਯੰਕਾ ਗਾਂਧੀ
ਲਖਨਊ, 14 ਜਨਵਰੀ: ਖੇਤੀ ਕਾਨੂੰਨਾਂ ਵਿਰੁਧ ਕਿਸਾਨਾਂ ਦਾ ਅੰਦੋਲਨ 50 ਦਿਨਾਂ ਤੋਂ ਲਗਾਤਾਰ ਜਾਰੀ ਹੈ। ਇਸ ਵਿਚ ਕਿਸਾਨ ਅੰਦੋਲਨ ਦਾ ਸਮਰਥਨ ਕਰਦੇ ਹੋਏ ਉੱਤਰ ਪ੍ਰਦੇਸ਼ ਦੀ ਇੰਚਾਰਜ ਅਤੇ ਕਾਂਗਰਸ ਦੀ ਜਨਰਲ ਸਕੱਤਰ ਪ੍ਰਿਯੰਕਾ ਗਾਂਧੀ ਵਾਡਰਾ ਨੇ ਟਵੀਟ ਕੀਤਾ ਹੈ।
ਵੀਰਵਾਰ ਨੂੰ ਪ੍ਰਿਯੰਕਾ ਗਾਂਧੀ ਨੇ ਅਪਣੇ ਅਧਿਕਾਰਤ ਟਵਿੱਟਰ ਹੈਂਡਲ ਤੋਂ ਟਵੀਟ ਕਰਦੇ ਹੋਏ ਲਿਖਿਆ ਕਿ ਸਾਰੇ ਦੇਸ਼ ਵਾਸੀਆਂ ਨੂੰ ਮਕਰ ਸੰਕ੍ਰਾਂਤੀ, ਪੋਂਗਲ, ਬਿਹੂ ਅਤੇ ਭੋਗੀ ਦੀਆਂ ਹਾਰਦਿਕ ਸ਼ੁੱਭਕਾਮਨਾਵਾਂ। ਫ਼ਸਲਾਂ ਨਾਲ ਜੁੜੇ ਇਨ੍ਹਾਂ ਤਿਉਹਾਰਾਂ ਦੀ ਖ਼ੁਸ਼ੀ ਵਿਚਕਾਰ ਈਸ਼ਵਰ ਤੋਂ ਮੇਰੀ ਪ੍ਰਾਰਥਨਾ ਹੈ ਕਿ ਫ਼ਸਲ ਉਗਾਉਣ ਵਾਲੇ ਅੰਨਦਾਤਾਵਾਂ ਨੂੰ ਨਿਆਂ ਮਿਲੇ।
ਇਸ ਤੋਂ ਪਹਿਲਾਂ ਉਨ੍ਹਾਂ ਨੇ ਲਿਖਿਆ ਕਿ ਲੋਹੜੀ ਸਾਡੇ ਅੰਨਦਾਤਾਵਾਂ ਦੀ ਫ਼ਸਲ ਨਾਲ ਜੁੜਿਆ ਹੋਇਆ ਤਿਉਹਾਰ ਹੈ।
ਅੱਜ ਹਜ਼ਾਰਾਂ ਕਿਸਾਨ ਅਪਣੇ ਘਰਾਂ ਤੋਂ ਦੂਰ ਇਸ ਹੱਡ ਕੰਬਾਉਣ ਵਾਲੀ ਠੰਢ ’ਚ ਅਪਣੀ ਫ਼ਸਲ ਦੇ ਹੱਕ ਲਈ ਬੈਠੇ ਹੋਏ ਹਨ। ਆਉ ਅਪਣੇ ਅੰਨਦਾਤਾਵਾਂ ਦੇ ਹੱਕ ਦੀ ਲੜਾਈ ’ਚ ਉਨ੍ਹਾਂ ਦਾ ਸਾਥ ਦੇ ਕੇ ਉਨ੍ਹਾਂ ਨੂੰ ਇਸ ਲੋਹੜੀ ਦੀਆਂ ਸ਼ੁੱਭਕਾਮਨਾਵਾਂ ਦੇਈਏ। (ਏਜੰਸੀ)
