ਪੰਚਕੂਲਾ ਦੇ ਸੈਕਟਰ-4 ਸਥਿਤ ਹਰਿਆਣਾ ਰਾਜ ਮਹਿਲਾ ਕਮਿਸ਼ਨ ਦੇ ਦਫ਼ਤਰ ਵਿਚ ਅੱਜ ਸੈਂਡਲ ਕਾਂਡ ਨਾਲ ਸਬੰਧਤ
ਪੰਚਕੂਲਾ, 11 ਜੂਨ (ਪੀ. ਪੀ. ਵਰਮਾ): ਪੰਚਕੂਲਾ ਦੇ ਸੈਕਟਰ-4 ਸਥਿਤ ਹਰਿਆਣਾ ਰਾਜ ਮਹਿਲਾ ਕਮਿਸ਼ਨ ਦੇ ਦਫ਼ਤਰ ਵਿਚ ਅੱਜ ਸੈਂਡਲ ਕਾਂਡ ਨਾਲ ਸਬੰਧਤ ਹਰਿਆਣਾ ਮਾਰਕੀਟਿੰਗ ਕਮੇਟੀ ਹਿਸਾਰ ਦਾ ਸਕੱਤਰ ਸੁਲਤਾਨ ਸਿੰਘ ਅਪਣਾ ਪੱਖ ਰੱਖਣ ਲਈ ਪੇਸ਼ ਹੋਇਆ। ਉਸ ਨੇ ਅਯੋਗ ਦੇ ਸਾਹਮਣੇ ਦਸਿਆ ਕਿ ਉਸ ਦਾ ਕੋਈ ਕਸੂਰ ਨਹੀਂ। ਉਸ ਨੇ ਅਪਣਾ ਪੱਖ ਕਮਿਸ਼ਨ ਦੀ ਚੇਅਰਪਰਸਨ ਨੂੰ ਜ਼ੁਬਾਨੀ ਦਸਿਆ ਅਤੇ ਲਿਖਤੀ ਤੌਰ ’ਤੇ ਵੀ ਬਿਆਨ ਦਰਜ ਕਰਵਾਇਆ। ਸੁਲਤਾਨ ਸਿੰਘ ਜੋ ਹਰਿਆਣਾ ਮਾਰਕੀਟਿੰਗ ਕਮੇਟੀ ਹਿਸਾਰ ਦਾ ਸਕੱਤਰ ਹੈ।
File Photo
ਪਿਛਲੇ ਦਿਨੀਂ ਭਾਜਪਾ ਮਹਿਲਾ ਆਗੂ ਸੋਨਾਲੀ ਫੋਗਾਟ ਨੇ ਇਕ ਮਾਮਲੇ ਸਬੰਧੀ ਉਸ ਨੂੰ ਕੁੱਟਣਾ ਸ਼ੁਰੂ ਕਰ ਦਿਤਾ ਸੀ ਜਿਸ ਤੋਂ ਬਾਅਦ ਦੋਹਾਂ ਧਿਰਾਂ ਵਲੋਂ ਪੁਲਿਸ ਥਾਣਾ ਹਿਸਾਰ ਵਿਚ ਰੀਪੋਰਟ ਦਰਜ ਕਰਵਾਈ ਗਈ। ਇਹ ਮਾਮਲਾ ਉਦੋਂ ਸਾਹਮਣੇ ਆਇਆ ਜਦੋਂ ਸੋਨਾਲੀ ਫੋਗਾਟ ਦਾ ਇਹ ਵੀਡੀਉ ਸੋਸ਼ਲ ਮੀਡੀਆ ਵਿਚ ਆਇਆ। ਇਸ ਮਾਮਲੇ ਨੂੰ ਲੈ ਕੇ ਹਰਿਆਣਾ ਮੰਡੀ ਬੋਰਡ ਦੇ ਮੁਲਾਜ਼ਮ ਸੋਨਾਲੀ ਫੋਗਾਟ ਦੀ ਗ੍ਰਿਫ਼ਤਾਰੀ ਦੀ ਮੰਗ ਕਰਦੇ ਹੋਏ ਸਾਰੇ ਹਰਿਆਣਾ ਦੀਆਂ ਸੜਕਾਂ ’ਤੇ ਆ ਗਏ ਸਨ। ਇਕ ਦਿਨ ਪਹਿਲਾਂ ਸੋਨਾਲੀ ਫੋਗਾਟ ਨੇ ਪੰਚਕੂਲਾ ਵਿਚ ਹਰਿਆਣਾ ਰਾਜ ਮਹਿਲਾ ਅਯੋਗ ਦੇ ਦਫ਼ਤਰ ਵਿਚ ਅਪਣਾ ਪੱਖ ਰਖਿਆ ਸੀ।
