Arvind Kejriwal
ਪੂਰਾ ਹਫ਼ਤਾ ਤਾਬੜਤੋੜ ਚੋਣ ਰੈਲੀਆਂ ਕਰ ਕੇ ਅਪਣਾ ਜਲਵਾ ਵਿਖਾਉਣਗੇ
ਚੰਡੀਗੜ੍ਹ, : ਚੋਣ ਪ੍ਰਚਾਰ ਦੇ ਆਖ਼ਰੀ ਹਫ਼ਤੇ ਅਪਣੀ ਯੋਜਨਾ ਤਹਿਤ ਆਮ ਆਦਮੀ ਪਾਰਟੀ ਪੰਜਾਬ ’ਚ ਅਪਣੀਆਂ ਧੂੰਆਂਧਾਰ ਚੋਣ ਮੁਹਿੰਮ ਚਲਾਉਣ ਲਈ ਤਿਆਰ ਹੈ। ਇਸੇ ਯੋਜਨਾ ਤਹਿਤ ਪਾਰਟੀ ਮੁਖੀ ਅਤੇ ਦਿੱਲੀ ਦੇ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੇ 14 ਫ਼ਰਵਰੀ ਨੂੰ ਭਾਜਪਾ ਦੇ ਚੋਣ ਪ੍ਰਚਾਰ ਲਈ ਆਉਣ ਤੋਂ ਪਹਿਲਾਂ ਹੀ ਪੰਜਾਬ ’ਚ ਪੱਕਾ ਡੇਰਾ ਲਾ ਰਹੇ ਹਨ।
Arvind Kejriwal
ਜਾਣਕਾਰੀ ਮੁਤਾਬਕ 12 ਫ਼ਰਵਰੀ ਨੂੰ ਕੇਜਰੀਵਾਲ ਪੰਜਾਬ ਪਹੁੰਚ ਰਹੇ ਹਨ ਅਤੇ ਚੋਣ ਪ੍ਰਚਾਰ ਖ਼ਤਮ ਹੋਣ ਦੀ ਤਾਰੀਕ 18 ਫ਼ਰਵਰੀ ਤਕ ਇਥੇ ਹੀ ਰਹਿ ਕੇ ਤਾਬੜਤੋੜ ਚੋਣ ਰੈਲੀਆਂ ਰਾਹੀਂ ਪ੍ਰਚਾਰ ਕਰਨਗੇ। 18 ਫ਼ਰਵਰੀ ਸ਼ਾਮ ਨੂੰ ਹੀ ਚੋਣ ਪ੍ਰਚਾਰ ਖ਼ਤਮ ਹੋਣਾ ਹੈ ਅਤੇ ਇਸ ਤਰ੍ਹਾਂ ਇਕ ਹਫ਼ਤਾ ਪੰਜਾਬ ’ਚ ਹੀ ਰਹਿ ਕੇ ਕੇਜਰੀਵਾਲ ਅਪਣਾ ਜਲਵਾ ਵਿਖਾਉਣਗੇ।
