ਪੇਟਾ ਦੇ ਕਾਰਜਕਰਤਾ ਗੁੰਜਨ ਸਿੱਕਾ ਨੇ ਕਿਹਾ, "ਮੈਂ ਸ਼ੀਸ਼ੇ ਦਾ ਪ੍ਰਯੋਗ ਕਰ ਕੇ ਪਤੋਗ ਅਤੇ ਡੋਰ ਦੇ ਖਿਲਾਫ਼ ਪ੍ਰਦਰਸ਼ਨ ਕਰ ਰਹੀ ਹਾਂ
ਅੰਮ੍ਰਿਤਸਰ (ਗੁਰਪ੍ਰੀਤ ਸਿੰਘ)- ਪਤੰਗ ਦੀ ਡੋਰ ਦੁਆਰਾ ਹਰ ਸਾਲ ਹਜ਼ਾਰਾਂ ਪੰਛੀ ਜ਼ਖਮੀ ਹੁੰਦੇ ਹਨ ਅਤੇ ਉਨ੍ਹਾਂ ਵਿੱਚੋਂ ਬਹੁਤ ਸਾਰੇ ਮਰ ਵੀ ਜਾਂਦੇ ਹਨ। ਪੇਟਾ ਦੇ ਇਕ ਕਾਰਜਕਰਤਾ ਨੇ ਇਸ ਮੁੱਦੇ ਨੂੰ ਪ੍ਰਦਰਸ਼ਤ ਕਰਨ ਦਾ ਵਿਲੱਖਣ ਤਰੀਕਾ ਅਪਣਾਇਆ ਹੈ। ਪੇਟਾ ਵਰਕਰ ਨੇ ਆਪਣੇ ਆਪ ਨੂੰ ਡੋਰ ਨਾਲ ਕੱਟੇ ਖੂਨ ਵਗਣ ਵਾਲੇ ਪੰਛੀ ਵਾਂਗ ਸਜਾਇਆ ਸੀ।
File Photo
ਪੇਟਾ ਦੇ ਕਾਰਜਕਰਤਾ ਗੁੰਜਨ ਸਿੱਕਾ ਨੇ ਕਿਹਾ, "ਮੈਂ ਸ਼ੀਸ਼ੇ ਦਾ ਪ੍ਰਯੋਗ ਕਰ ਕੇ ਪਤੋਗ ਅਤੇ ਡੋਰ ਦੇ ਖਿਲਾਫ਼ ਪ੍ਰਦਰਸ਼ਨ ਕਰ ਰਹੀ ਹਾਂ। ਦੱਸ ਦਈਏ ਕਿ ਲੋਹੜੀ ਦਾ ਤਿਉਹਾਰ ਨੇੜੇ ਆਉਂਦਿਆਂ ਹੀ ਪਤੰਗਾਂ ਦੀ ਰੁੱਤ ਸ਼ੁਰੂ ਹੋ ਜਾਂਦੀ ਹੈ। ਲੋਕਾਂ ਅਤੇ ਬੇਜ਼ੁਬਾਨ ਪੰਛੀਆਂ ਲਈ ਖਤਰਨਾਕ ਸਾਬਤ ਹੋਣ ਵਾਲੀ ਪਲਾਸਟਿਕ ਡੋਰ ਖਿਲਾਫ਼ ਪਿਛਲੇ ਕਈ ਸਾਲਾਂ ਤੋਂ ਸਮਾਜ ਸੇਵੀ ਸੰਸਥਾਵਾਂ ਨੇ ਮੁਹਿੰਮ ਚਲਾਈ ਹੋਈ ਹੈ
File Photo
ਪਰ ਇਸ ਦੇ ਬਾਵਜੂਦ ਸ਼ਹਿਰ ਵਿਚ ਚਾਈਨੀਜ਼ ਡੋਰ ਦੀ ਵਿਕਰੀ 'ਚ ਕੋਈ ਕਮੀ ਨਹੀਂ ਆਈ। ਤੁਸੀਂ ਜਾਂ ਤੁਹਾਡੇ ਬੱਚੇ ਪਤੰਗ ਉਡਾ ਰਹੇ ਹੋ ਤਾਂ ਜ਼ਰਾ ਦੇਖ ਲਓ ਕਿ ਡੋਰ ਨੂੰ ਮਾਂਜਾ ਕਿਸ ਚੀਜ਼ ਦਾ ਲੱਗਾ ਹੈ। ਅਸਲ ਵਿਚ ਸ਼ਹਿਰ 'ਚ ਵਿਕ ਰਹੀ ਚਾਈਨੀਜ਼ ਡੋਰ ਨੂੰ ਮਜ਼ਬੂਤ ਬਣਾਉਣ ਲਈ ਮਾਂਜੇ 'ਚ ਧਾਤੂ ਦੇ ਛੋਟੇ-ਛੋਟੇ ਟੁਕੜੇ ਵਰਤੇ ਜਾਂਦੇ ਹਨ। ਇਹ ਡੋਰ ਬਿਜਲੀ ਦੀਆਂ ਤਾਰਾਂ ਵਿਚ ਉਲਝ ਕੇ ਕਰੰਟ ਦਾ ਝਟਕਾ ਦੇ ਸਕਦੀ ਹੈ,
File Photo
ਕਿਸੇ ਦੇ ਗਲੇ 'ਚ ਫਸ ਕੇ ਉਸ ਨੂੰ ਜ਼ਖ਼ਮੀ ਵੀ ਕਰ ਸਕਦੀ ਹੈ। ਦੱਸ ਦਈਏ ਕਿ ਅੰਮ੍ਰਿਤਸਰ ਵਿਚ ਡੋਰ ਦਾ ਲੰਗਰ ਸਮਾਜ ਸੇਵੀ ਲੋਕਾਂ ਵੱਲੋਂ ਲਗਾਇਆ ਗਿਆ ਹੈ ਜਿਸ ਵਿੱਚ ਭਾਰੀ ਮਾਤਰਾ 'ਚ ਦੇਸੀ ਡੋਰ ਦੇ ਨਾਲ ਪਤੰਗ ਵੀ ਵੰਡੇ ਗਏ ਹਨ। ਇਸ ਲੰਗਰ ਦਾ ਮੁੱਖ ਮੰਤਵ ਇਹੀ ਹੈ ਕਿ ਬੱਚੇ ਚਾਇਨਾ ਡੋਰ ਦਾ ਇਸਤੇਮਾਲ ਨਾ ਕਰਨ ਕਿਉਂਕਿ ਇਸ ਨਾਲ ਕਿੰਨੇ ਹੀ ਲੋਕਾਂ ਦੀ ਜਾਨ ਜਾ ਚੁੱਕੀ ਹੈ।
Kite
ਵਾਤਾਵਰਨ ਤੇ ਪੰਛੀਆਂ ਨੂੰ ਧਿਆਨ ਵਿਚ ਰੱਖਦਿਆਂ ਹੋਇਆ ਸਮਾਜ ਸੇਵੀ ਲੋਕਾਂ ਵੱਲੋਂ ਆਮ ਲੋਕਾਂ ਦੇ ਨਾਲ ਮਿਲ ਕੇ ਦੇਸੀ ਡੋਰ ਦਾ ਲੰਗਰ ਲਗਾਇਆ ਗਿਆ ਹੈ ਇਸਦੇ ਨਾਲ ਹੀ ਬੱਚਿਆਂ ਨੂੰ ਚਾਇਨਾ ਡੋਰ ਨਾਲ ਹੋਣ ਵਾਲੀਆਂ ਘਟਨਾਵਾਂ ਬਾਰੇ ਦੱਸ ਕੇ ਜਾਗਰੁਕ ਵੀ ਕੀਤਾ ਗਿਆ ਹੈ। ਦੱਸ ਦਈਏ ਕਿ ਪਿਛਲੇ ਕੁੱਝ ਸਮੇਂ ਤੋਂ ਚਾਇਨਾ ਡੋਰ ਨਾਲ ਹੋਣ ਵਾਲੇ ਹਾਦਸਿਆਂ 'ਚ ਲਗਾਤਾਰ ਵਾਧਾ ਹੁੰਦਾ ਆਇਆ ਹੈ
File Photo
ਜਿਸਨੂੰ ਧਿਆਨ 'ਚ ਰੱਖਦਿਆਂ ਲਗਾਤਾਰ ਸਮਾਜ ਦੇ ਨਰ ਵਰਗ ਵੱਲੋਂ ਲੋਕਾਂ ਨੂੰ ਇਸ ਪ੍ਰਤੀ ਜਾਗਰੁਕ ਕੀਤਾ ਜਾ ਰਿਹਾ ਹੈ ਤਾ ਜੋ ਪੰਛੀਆਂ ਦੇ ਨਾਲ ਹੀ ਰਾਹ ਤੇ ਆਣ-ਜਾਣ ਵਾਲੇ ਲੋਕਾਂ ਦੀ ਜਾਨ ਵੀ ਬੱਚ ਸਕੇ।
