ਪੰਜਾਬੀ ਨੌਜਵਾਨ ਦੀ ਸਾਈਪਰਸ 'ਚ ਡੁੱਬਣ ਨਾਲ ਮੌਤ
ਕਾਹਨੂੰਵਾਨ, 10 ਜੁਲਾਈ (ਪਪ) : ਪੰਜਾਬ 'ਚੋਂ ਹਰ ਸਾਲ ਹਜ਼ਾਰਾਂ ਦੀ ਗਿਣਤੀ 'ਚ ਨੌਜਵਾਨ ਵਿਦੇਸ਼ਾਂ ਦੀ ਧਰਤੀ 'ਤੇ ਰੁਜ਼ਗਾਰ ਲਈ ਜਾਂਦੇ ਹਨ | ਜ਼ਿਕਰਯੋਗ ਹੈ ਕਿ ਇਕ ਮਾਮਲਾ ਬਲਾਕ ਕਾਹਨੂੰਵਾਨ ਦੇ ਪਿੰਡ ਕੋਟ ਖ਼ਾਨ ਮੁਹੰਮਦ ਵਿਚ ਸਾਹਮਣੇ ਆਇਆ ਹੈ | ਜਿਥੋਂ ਦੇ ਇਕ 30 ਸਾਲ ਨੌਜਵਾਨ ਦੀ ਸਾਈਪਰਸ 'ਚ ਸਮੁੰਦਰ ਵਿਚ ਡੁੱਬਣ ਕਾਰਨ ਮੌਤ ਹੋ ਗਈ ਹੈ | ਮੌਕੇ 'ਤੋਂ ਮਿ੍ਤਕ ਦੇ ਘਰ ਤੋਂ ਪ੍ਰਾਪਤ ਜਾਣਕਾਰੀ ਅਨੁਸਾਰ ਮਨਦੀਪ ਸਿੰਘ ਪੁੱਤਰ ਰਮੇਸ਼ ਸਿੰਘ 2018 ਦੇ ਵਿਚ ਸਾਈਪਰਸ ਰੁਜ਼ਗਾਰ ਲਈ ਗਿਆ ਸੀ | ਜਿਥੇ ਉਹ ਇਕ ਪੈਟਰੋਲ ਪੰਪ 'ਤੇ ਨੌਕਰੀ ਕਰਦਾ ਸੀ | ਸ਼ੁੱਕਰਵਾਰ ਦੀ ਸ਼ਾਮ ਨੂੰ ਮਨਦੀਪ ਸਿੰਘ ਅਪਣੇ ਸਾਥੀਆਂ ਸਮੇਤ ਇਕ ਬੀਚ 'ਤੇ ਨਹਾਉਣ ਗਿਆ ਸੀ | ਜਿਥੇ ਉਸ ਦੀ ਪਾਣੀ ਵਿਚ ਡੁੱਬਣ ਕਰ ਕੇ ਮੌਤ ਹੋ ਗਈ | ਉਸ ਦੇ ਸਾਥੀਆਂ ਦਾ ਕਹਿਣਾ ਹੈ ਕਿ ਨਹਾਉਂਦੇ ਸਮੇਂ ਮਨਦੀਪ ਨੂੰ ਅਚਾਨਕ ਕੋਈ ਦੌਰਾ ਪਿਆ ਸੀ, ਜਿਸ ਦੇ ਚਲਦਿਆਂ ਉਹ ਪਾਣੀ ਵਿਚ ਡੁੱਬ ਗਿਆ | ਅੱਜ ਮਿ੍ਤਕ ਦੇ ਮਾਪਿਆਂ ਨੇ ਬੜੇ ਬੜੇ ਗ਼ਮਗੀਨ ਮਾਹੌਲ ਵਿਚ ਦਸਿਆ ਕਿ ਮਿ੍ਤਕ ਸ਼ਾਦੀਸ਼ੁਦਾ ਸੀ ਅਤੇ ਉਸ ਦੀ ਇਕ ਤਿੰਨ ਸਾਲ ਦੀ ਬੇਟੀ ਵੀ ਹੈ |ਿ ਮ੍ਰਤਕ ਦੇ ਵਾਰਸਾਂ ਨੇ ਪੰਜਾਬ ਸਰਕਾਰ ਅਤੇ ਕੇਂਦਰ ਸਰਕਾਰ ਨੂੰ ਅਪੀਲ ਕੀਤੀ ਹੈ ਕਿ ਉਨ੍ਹਾਂ ਦੇ ਸਪੁੱਤਰ ਦੀ ਲਾਸ਼ ਦੀਆਂਅੰਤਮ ਰਸਮਾਂ ਲਈ ਜਲਦੀ ਤੋਂ ਜਲਦੀ ਪਿੰਡ ਕੋਟ ਖਾਨ ਮੁਹੰਮਦ ਵਿਚ ਭੇਜਿਆ ਜਾਵੇ |
ਫ਼ੋਟੋ : ਕਾਹਨੂੰਵਾਨ-ਐਕਸੀਡੈਂਟ
