ਐਗਜ਼ਿਟ ਪੋਲ 'ਚ ਬਿਹਾਰ 'ਚੋਂ ਨਿਤੀਸ਼ ਸਰਕਾਰ ਜਾਂਦੀ ਦਿਖਾਈ ਦੇ ਰਹੀ ਹੈ

ਮੱਧ ਪ੍ਰਦੇਸ਼ 'ਚ ਵੀ ਕਾਂਗਰਸ ਤੇ ਭਾਜਪਾ ਵਿਚਾਲੇ ਕਾਂਟੇ ਦੀ ਟੱਕਰ
 

ਪਟਨਾ, 7 ਨਵੰਬਰ :  ਬਿਹਾਰ ਵਿਧਾਨ ਸਭਾ ਚੋਣਾਂ ਦੇ ਤੀਜੇ ਅਤੇ ਅੰਤਮ ਪੜਾਅ 'ਚ 15 ਜ਼ਿਲ੍ਹਿਆਂ 'ਚ 78 ਸੀਟਾਂ 'ਤੇ ਵੋਟਿੰਗ ਖ਼ਤਮ ਹੋ ਗਈ ਹੈ। ਤੀਜੇ ਪੜਾਅ ਵਿਚ ਵੋਟਰਾਂ ਨੇ ਈਵੀਐਮ ਦੀਆਂ 78 ਸੀਟਾਂ 'ਤੇ 1204 ਉਮੀਦਵਾਰਾਂ ਦੀ ਕਿਸਮਤ ਦਾ ਫ਼ੈਸਲਾ ਕੀਤਾ।
ਅੰਕੜਿਆਂ ਅਨੁਸਾਰ ਸ਼ਾਮ 5 ਵਜੇ ਤਕ 55.22 ਫ਼ੀ ਸਦੀ ਵੋਟਿੰਗ ਹੋ ਚੁੱਕੀ ਹੈ ਅਤੇ ਲੋਕਾਂ ਨੂੰ ਵੋਟ ਪਾਉਣ ਲਈ ਚੰਗਾ ਉਤਸ਼ਾਹ ਮਿਲਿਆ ਹੈ। ਬਿਹਾਰ ਵਿਚ ਮਤਦਾਨ ਦੇ ਤੀਜੇ ਪੜਾਅ ਦੇ ਖ਼ਤਮ ਹੋਣ ਤੋਂ ਬਾਅਦ ਐਗਜ਼ਿਟ ਪੋਲ ਦੇ ਅੰਕੜੇ ਸਾਹਮਣੇ ਆਏ ਹਨ। ਹੁਣ ਤਕ ਤਿੰਨ ਚੈਨਲਾਂ ਦੇ ਅੰਕੜੇ ਸਾਹਮਣੇ ਆਏ ਹਨ। ਚੈਨਲਾਂ ਦਾ ਐਗਜ਼ਿਟ ਪੋਲ ਬਿਹਾਰ 'ਚ ਨਿਤੀਸ਼ ਸਰਕਾਰ ਜਾਂਦੀ ਦਿਖਾ ਰਿਹਾ ਹੈ ਕਿਉਂਕਿ ਇਸ ਪੋਲ 'ਚ ਮਹਾਂ ਗਠਜੋੜ ਨੂੰ 130 ਤੋਂ ਉਪਰ ਸੀਟਾਂ ਮਿਲਦੀਆਂ ਦਿਖਾਈ ਦੇ ਰਹੀਆਂ ਹਨ। ਇਸੇ ਤਰ੍ਹਾਂ ਮੱਧ ਪ੍ਰਦੇਸ਼ ਅੰਦਰ ਵੀ ਕਾਂਗਰਸ ਤੇ ਭਾਜਪਾ ਵਿਚਾਲੇ ਕਾਂਟੇ ਦੀ ਟੱਕਰ ਦਿਖਾਈ ਦੇ ਰਹੀ ਹੈ। ਜੇਕਰ ਥੋੜ੍ਹਾ ਜਿਹਾ ਰੁਝਾਨ ਬਦਲਿਆ ਤਾਂ ਸ਼ਿਵਰਾਜ ਸਰਕਾਰ ਜਾ ਵੀ ਸਕਦੀ ਹੈ ਪਰ ਇਕ ਵਾਰ ਸ਼ਿਵਰਾਜ ਸਰਕਾਰ ਬਚਦੀ ਨਜ਼ਰ ਆ ਰਹੀ ਹੈ ਕਿਉਂਕਿ ਭਾਜਪਾ ਨੂੰ 13-16 ਸੀਟਾਂ ਤੇ ਕਾਂਗਰਸ ਨੂੰ 10-13 ਸੀਟਾਂ ਮਿਲਦੀਆਂ ਦਿਖਾਈ ਦੇ ਰਹੀਆਂ ਹਨ।
ਸੀ ਵੋਟਰ-ਏਬੀਪੀ ਅਤੇ ਸੀ ਵੋਟਰ-ਟਾਈਮਜ਼ ਨਾਉ ਅਨੁਸਾਰ ਬਿਹਾਰ 'ਚ ਤਿਕੋਣੀ ਵਿਧਾਨ ਸਭਾ ਬਣਨ ਦੀ ਸੰਭਾਵਨਾ ਹੈ। ਉਥੇ ਹੀ, 'ਜਨ ਕੀ ਬਾਤ-ਗਣਤੰਤਰ ਟੀਵੀ' ਦੇ ਸਰਵੇਖਣ ਵਿਚ ਤੇਜੱਸਵੀ ਸਰਕਾਰ ਬਣ ਸਕਦੀ ਹੈ। ਹਾਲਾਂਕਿ, ਐਨਡੀਏ ਅਤੇ ਮਹਾਂਗਠਜੋੜ ਵਿਚਕਾਰ ਸੀਟਾਂ ਦਾ ਅੰਤਰ ਬਹੁਤ ਘੱਟ ਹੋਵੇਗਾ।
ਏਬੀਪੀ ਅਨੁਸਾਰ, ਐਨਡੀਏ ਨੂੰ 104 ਤੋਂ 128, ਮਹਾਂਗਠਜੋੜ ਨੂੰ 108 ਤੋਂ 131 ਅਤੇ ਹੋਰਾਂ ਨੂੰ 5 ਤੋਂ 11 ਸੀਟਾਂ ਮਿਲ ਸਕਦੀਆਂ ਹਨ। ਉਥੇ ਹੀ, ਟਾਈਮਜ਼ ਨਾਉ  ਅਨੁਸਾਰ, ਐਨਡੀਏ 116 ਅਤੇ ਮਹਾਂਗਠਜੋੜ ਨੂੰ 120 ਸੀਟਾਂ ਪ੍ਰਾਪਤ ਹੋ ਸਕਦੀ ਹੈ ਜਦਕਿ 7 ਸੀਟਾਂ ਦੂਜਿਆਂ ਦੇ ਖਾਤੇ ਵਿਚ ਜਾ ਸਕਦੀਆਂ ਹਨ। ਜਨ ਕੀ ਬਾਤ-ਗਣਤੰਤਰ ਟੀਵੀ ਦੇ ਸਰਵੇਖਣ 'ਚ, ਐਨਡੀਏ 91 ਤੋਂ 117 ਸੀਟਾਂ, ਮਹਾਂਗਠਜੋੜ ਨੂੰ 118 ਤੋਂ 138 ਸੀਟਾਂ ਮਿਲ ਸਕਦੀਆਂ ਹਨ ਅਤੇ ਹੋਰਾਂ ਨੂੰ 8 ਤੋਂ 14 ਸੀਟਾਂ ਮਿਲਣ ਦਾ ਅਨੁਮਾਨ ਹੈ।       (ਏਜੰਸੀ)
image