ਧੀ ਪੈਦਾ ਹੋਣ ਤੋਂ ਦੁਖੀ ਕਲਯੁਗੀ ਪਿਉ ਨੇ ਧੀਆਂ ਸਮੇਤ ਪਤਨੀ ਨੂੰ ਸੁਟਿਆ ਖੂਹ ’ਚ, ਇਕ ਧੀ ਦੀ ਮੌਤ
ਛਤਰਪੁਰ, 7 ਜੂਨ : ਮੱਧ ਪ੍ਰਦੇਸ ਦੇ ਛਤਰਪੁਰ ਜ਼ਿਲ੍ਹੇ ਤੋਂ ਇਨਸਾਨੀਅਤ ਨੂੰ ਸ਼ਰਮਸਾਰ ਕਰਨ ਵਾਲੀ ਘਟਨਾ ਸਾਹਮਣੇ ਆਈ ਹੈ। 42 ਸਾਲਾ ਵਿਅਕਤੀ ਨੇ ਕਥਿਤ ਤੌਰ ’ਤੇ ਪੁੱਤ ਨਾ ਹੋਣ ਕਾਰਨ ਅਪਣੀ ਪਤਨੀ ਅਤੇ ਦੋ ਧੀਆਂ ਨੂੰ ਖੂਹ ਵਿਚ ਸੁਟ ਦਿਤਾ, ਜਿਸ ਕਾਰਨ ਅੱਠ ਸਾਲ ਦੀ ਧੀ ਦੀ ਮੌਤ ਹੋ ਗਈ। ਜਦੋਂ ਕਿ ਪਿੰਡ ਵਾਸੀ ਔਰਤ ਦੀ ਆਵਾਜ਼ ਸੁਣ ਕੇ ਉਥੇ ਪਹੁੰਚੇ ਅਤੇ ਔਰਤ ਤੇ ਉਸ ਦੇ ੱਬੱਚੇ ਨੂੰ ਬਚਾਇਆ। ਇਹ ਇਹ ਘਟਨਾ ਛਤਰਪੁਰ ਜ਼ਿਲ੍ਹਾ ਹੈੱਡਕੁਆਰਟਰ ਤੋਂ ਲਗਭਗ 80 ਕਿਲੋਮੀਟਰ ਦੂਰ ਚਾਂਦਲਾ ਥਾਣਾ ਖੇਤਰ ਵਿਚ ਸਨਿਚਰਵਾਰ ਨੂੰ ਵਾਪਰੀ।
ਚਾਂਦਲਾ ਥਾਣੇ ਦੇ ਤਫ਼ਤੀਸ਼ੀ ਅਧਿਕਾਰੀ ਰਾਜੇਂਦਰ ਸਿੰਘ ਨੇ ਦਸਿਆ ਕਿ ਮਿ੍ਰਤਕ ਲੜਕੀ ਦੀ ਮਾਂ ਬਿੱਟੀ ਬਾਈ ਯਾਦਵ ਨੇ ਪੁਲਿਸ ਨੂੰ ਬਿਆਨ ਦਿਤਾ ਹੈ ਕਿ ਤਿੰਨ ਮਹੀਨੇ ਪਹਿਲਾਂ ਧੀ ਪੈਦਾ ਹੋਣ ਕਰ ਕੇ ਉਸ ਦਾ ਪਤੀ ਰਾਜਾ ਭਈਆ ਯਾਦਵ ਉਸ ਨੂੰ ਤੰਗ ਪ੍ਰੇਸਸ਼ਾਨ ਕਰਦਾ ਸੀ ਅਤੇ ਕੁੱਟਮਾਰ ਕਰਦਾ ਸੀ। ਜਿਸ ਕਾਰਨ ਉਹ ਇਕ ਮਹੀਨਾ ਪਹਿਲਾਂ ਅਪਣੀਆਂ ਧੀਆਂ ਨਾਲ ਅਪਣੇ ਪੇਕੇ ਘਰ ਚਲੀ ਗਈ ਸੀ। ਜਾਣਕਾਰੀ ਅਨੁਸਾਰ ਸਨੀਵਾਰ ਨੂੰ ਦੋਸੀ ਰਾਜਾ ਭਈਆ ਯਾਦਵ ਜੋ ਕਿ ਪਿੰਡ ਢਧਿਆ ਦਾ ਵਸਨੀਕ ਹੈ, ਅਪਣੀ ਪਤਨੀ ਵਾਪਸ ਘਰ ਲਿਆ ਰਿਹਾ ਸੀ ਪਰ ਰਸਤੇ ਵਿਚ ਨੇੜਲੇ ਪਿੰਡ ਦੇ ਖੂਹ ਵਿਚ ਉਸ ਨੇ ਅਪਣੀ ਪਤਨੀ ਅਤੇ ਧੀਆਂ ਨੂੰ ਧੱਕਾ ਦੇ ਦਿਤਾ, ਜਿਸ ਨਾਲ ਉਸ ਦੀ ਅੱਠ ਸਾਲ ਦੀ ਧੀ ਦੀ ਮੌਤ ਹੋ ਗਈ।
