image
118 ਸਾਲਾ ਬੇਬੇ ਨੇ ਲਗਵਾਇਆ ਕੋਰੋਨਾ ਟੀਕਾ
ੰਸਾਗਰ, 5 ਅਪ੍ਰੈਲ : ਮੱਧ ਪ੍ਰਦੇਸ਼ ਦੇ ਸਾਗਰ ਜ਼ਿਲ੍ਹੇ ਦੀ ਇਕ 118 ਸਾਲਾ ਔਰਤ ਤੁਲਸੀਬਾਈ ਨੇ ਕੋਵਿਡ -19 ਟੀਕੇ ਦੀ ਪਹਿਲੀ ਖ਼ੁਰਾਕ ਲਈ ਹੈ | ਇੰਨਾ ਹੀ ਨਹੀਂ ਔਰਤ ਨੇ ਲੋਕਾਂ ਨੂੰ ਕੋਰੋਨਾ ਟੀਕਾ ਲਗਵਾਉਣ ਤੋਂ ਬਾਅਦ ਟੀਕਾਕਰਨ ਦੀ ਅਪੀਲ ਕੀਤੀ ਹੈ | ਕੋਵਿਡ-19 ਟੀਕੇ ਦੀ ਪਹਿਲੀ ਖ਼ੁਰਾਕ ਸਾਗਰ ਜ਼ਿਲ੍ਹੇ ਦੇ ਖਿੰਮਲਾਸਾ ਖੇਤਰ ਦੇ ਟੀਕਾਕਰਨ ਕੇਂਦਰ ਵਿਖੇ ਲੈਣ ਤੋਂ ਬਾਅਦ ਤੁਲਸੀਬਾਈ ਨੇ ਬੁੰਦੇਲੀ ਭਾਸ਼ਾ ਵਿਚ ਕਿਹਾ ਕਿ ਟੀਕਾ ਲਗਵਾਉਣ ਵਿਚ ਕੋਈ ਮੁਸ਼ਕਲ ਨਹੀਂ ਸੀ ਕਿਉਂਕਿ ਜਿਵੇਂ ਮੈਂ ਲਗਵਾਇਆ, ਤੁਸੀਂ ਵੀ ਉਸੇ ਤਰ੍ਹਾਂ ਲਗਵਾਉ | ਤੁਲਸੀਬਾਈ ਸ਼ਾਇਦ ਭਾਰਤ ਦੀ ਸੱਭ ਤੋਂ ਬਜ਼ੁਰਗ ਔਰਤ ਹੈ ਜਿਸ ਨੂੰ ਕੋਰੋਨਾ ਟੀਕਾ ਲਗਾਇਆ ਗਿਆ ਸੀ | ਇਸ ਤੋਂ ਪਹਿਲਾਂ ਯੂਪੀ ਦੀ 107 ਸਾਲਾ ਬਜ਼ੁਰਗ ਔਰਤ ਦਾ ਨਾਮ ਸੱਭ ਤੋਂ ਵੱਡੀ ਉਮਰ ਵਿੱਚ ਕੋਰੋਨਾ ਟੀਕਾ ਲਗਵਾਉਣ ਕਾਰਨ ਰਿਕਾਰਡ ਸੀ | (ਏਜੰਸੀ)
image
