ਦੇਸ਼ ਵਿਚ ਇਕ ਦਿਨ 'ਚ 58 ਹਜ਼ਾਰ ਤੋਂ ਵੱਧ ਨਵੇਂ ਮਾਮਲੇ, ਓਮੀਕਰੋਨ ਵੀ 2 ਹਜ਼ਾਰ ਤੋਂ ਪਾਰ
ਨਵੀਂ ਦਿੱਲੀ, 5 ਜਨਵਰੀ : ਭਾਰਤ 'ਚ ਹੁਣ ਤਕ ਕੋਰੋਨਾ ਵਾਇਰਸ ਦੇ ਨਵੇਂ ਰੂਪ 'ਓਮੀਕਰੋਨ' ਦੇ 2,135 ਮਾਮਲੇ ਸਾਹਮਣੇ ਆਏ ਹਨ, ਜਿਨ੍ਹਾਂ 'ਚੋਂ 828 ਲੋਕ ਠੀਕ ਹੋ ਚੁਕੇ ਹਨ ਜਾਂ ਹੋਰ ਸਥਾਨਾਂ 'ਤੇ ਚਲੇ ਗਏ ਹਨ | ਇਹ ਮਾਮਲੇ 24 ਸੂਬਿਆਂ ਅਤੇ ਕੇਂਦਰ ਸ਼ਾਸ਼ਤ ਪ੍ਰਦੇਸ਼ਾਂ 'ਚ ਸਾਹਮਣੇ ਆਏ | ਕੇਂਦਰੀ ਸਿਹਤ ਮੰਤਰਾਲਾ ਨੇ ਬੁਧਵਾਰ ਨੂੰ ਦਸਿਆ ਕਿ ਮਹਾਰਾਸ਼ਟਰ 'ਚ ਸਭ ਤੋਂ ਵੱਧ 653 ਮਾਮਲੇ ਸਾਹਮਣੇ ਆਏ, ਇਸ ਤੋਂ ਬਾਅਦ ਦਿੱਲੀ 'ਚ 464, ਕੇਰਲ 'ਚ 185, ਰਾਜਸਥਾਨ 'ਚ 174, ਗੁਜਰਾਤ 'ਚ 154 ਅਤੇ ਤਾਮਿਲਨਾਡੂ 'ਚ 121 ਮਾਮਲੇ ਸਾਹਮਣੇ ਆਏ |
ਮੰਤਰਾਲਾ ਵਲੋਂ ਸਵੇਰੇ ਜਾਰੀ ਅੰਕੜਿਆਂ ਅਨੁਸਾਰ, ਭਾਰਤ 'ਚ ਇਕ ਦਿਨ 'ਚ ਕੋਰੋਨਾ ਦੇ 58,097 ਨਵੇਂ ਮਾਮਲੇ ਸਾਹਮਣੇ ਆਉਣ ਤੋਂ ਬਾਅਦ ਦੇਸ਼ 'ਚ ਪੀੜਤਾਂ ਦੀ ਗਿਣਤੀ ਵੱਧ ਕੇ 3,50,18,358 ਹੋ ਗਈ ਹੈ | ਕਰੀਬ 199 ਦਿਨਾਂ ਬਾਅਦ ਇੰਨੇ ਵੱਧ ਰੋਜ਼ਾਨਾ ਮਾਮਲੇ ਸਾਹਮਣੇ ਆਏ ਹਨ | ਇਸ ਤੋਂ ਪਹਿਲਾਂ 20 ਜੂਨ 2021 ਨੂੰ 58,419 ਨਵੇਂ ਮਾਮੇਲ ਸਾਹਮਣੇ ਆਏ ਸਨ | ਦੇਸ਼ 'ਚ 534 ਹੋਰ ਪੀੜਤਾਂ ਦੀ ਮੌਤ ਤੋਂ ਬਾਅਦ ਮਿ੍ਤਕਾਂ ਦੀ ਗਿਣਤੀ ਵੱਧ ਕੇ 4,82,551 ਹੋ ਗਈ ਹੈ | (ਏਜੰਸੀ)
