ਅਧਿਕਾਰੀਆਂ ਵੱਲੋਂ ਸਮਝਾਏ ਜਾਣ ਤੋਂ ਬਾਅਦ ਵੀ ਬਾਜ਼ ਨਾ ਆਏ ਸਟੰਟਬਾਜ਼
ਲੁਧਿਆਣਾ : ਦੇਸ਼ ਦੇ ਕਈ ਹਿੱਸਿਆਂ 'ਚ ਕੁਝ ਅਜਿਹੀ ਵੀਡੀਓਜ਼ ਸਾਹਮਣੇ ਆ ਚੁੱਕੀਆਂ ਹਨ, ਜਿਨ੍ਹਾਂ 'ਚ ਰੇਲ ਗੱਡੀਆਂ 'ਤੇ ਖ਼ਤਰਨਾਕ ਸਟੰਟ ਕਰਦੇ ਨੌਜਵਾਨ ਵਿਖਾਈ ਦਿੰਦੇ ਹਨ। ਹੁਣ ਲੁਧਿਆਣਾ ਦੀ ਗਿੱਲ ਨਹਿਰ 'ਤੇ ਕੁਝ ਨੌਜਵਾਨਾਂ ਵੱਲੋਂ ਆਪਣੀ ਜਾਨ ਨੂੰ ਜ਼ੋਖ਼ਮ 'ਚ ਪਾ ਕੇ ਸਟੰਟਬਾਜ਼ੀ ਕਰਨ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਬੁਧਵਾਰ ਨੂੰ ਆਰਪੀਐਫ਼ ਲੁਧਿਆਣਾ ਦੀ ਵਿਸ਼ੇਸ਼ ਟੀਮ ਨੇ ਪਹਿਲਾਂ ਲੋਕਾਂ ਨੂੰ ਜਾਗਰੂਕ ਕੀਤਾ ਅਤੇ ਨਾ ਮੰਨਣ ਵਾਲੇ 5 ਲੋਕਾਂ ਨੂੰ ਗ੍ਰਿਫ਼ਤਾਰ ਕਰ ਲਿਆ। ਇਹ ਸਾਰੇ ਲੋਕ ਖ਼ਤਰਨਾਕ ਸਟੰਟ ਕਰ ਰਹੇ ਸਨ।
#WATCH Punjab: People seen diving into a canal in Ludhiana, while a train was passing by. Police say "Teams were sent to make them understand it's dangerous. But as soon as they saw u, they ran away. We're alert to see that no mishap takes place there&people can be saved." (03.6) pic.twitter.com/iBbe4PExRZ
— ANI (@ANI) 4 July 2019
ਇਹ ਸਟੰਟਬਾਜ਼ ਨਹਿਰ ਉੱਤੇ ਬਣੇ ਪੁਲ 'ਤੇ ਖੜੇ ਹੁੰਦੇ ਸਨ ਅਤੇ ਰੇਲ ਗੱਡੀ ਦਾ ਇੰਤਜ਼ਾਰ ਕਰਦੇ ਸਨ। ਜਦੋਂ ਰੇਲ ਗੱਡੀ ਆਉਂਦੀ ਸੀ ਤਾਂ ਰੇਲ ਨੂੰ ਹੱਥ ਲਗਾ ਕੇ ਨਹਿਰ 'ਚ ਛਾਲ ਮਾਰਦੇ ਸਨ। ਇਸ ਦੀ ਸੂਚਨਾ ਆਰ.ਪੀ.ਐਫ. ਨੂੰ ਮਿਲੀ, ਜਿਸ 'ਤੇ ਤੁਰੰਤ ਕਾਰਵਾਈ ਕਰਦੇ ਹੋਏ ਅਧਿਕਾਰੀਆਂ ਨੇ ਸਟੰਟਬਾਜ਼ ਫੜ ਲਏ।
5 Youth arrested by police for doing dangerous stunt
ਆਰਪੀਐਫ਼ ਦੇ ਪੋਸਟ ਕਮਾਂਡਰ ਅਨਿਲ ਕੁਮਾਰ ਨੇ ਦੱਸਿਆ ਕਿ ਇਸ ਖ਼ਤਰਨਾਕ ਖੇਡ ਨੂੰ ਲਗਾਮ ਲਗਾਉਣ ਲਈ ਵਿਸ਼ੇਸ਼ ਟੀਮ ਬਣਾਈ ਗਈ। ਉਨ੍ਹਾਂ ਨੂੰ ਹਦਾਇਤਾਂ ਦਿੱਤੀਆਂ ਕਿ ਉਹ ਲੋਕਾਂ ਨੂੰ ਸਮਝਾਉਣ ਕਿ ਅਜਿਹੇ ਸਟੰਟ ਕਰ ਆਪਣੀ ਜਾਨ ਖ਼ਤਰੇ 'ਚ ਪਾਉਂਦੇ ਹਨ। ਰੇਲ ਗੱਡੀ ਦੀ ਚਪੇਟ 'ਚ ਆ ਕੇ ਉਹ ਗੰਭੀਰ ਜ਼ਖ਼ਮੀ ਹੋ ਸਕਦੇ ਹਨ ਜਾਂ ਉਨ੍ਹਾਂ ਦੀ ਜਾਨ ਵੀ ਜਾ ਸਕਦੀ ਹੈ।
5 Youth arrested by police for doing dangerous stunt
ਅਧਿਕਾਰੀਆਂ ਵੱਲੋਂ ਸਮਝਾਏ ਜਾਣ ਤੋਂ ਬਾਅਦ ਵੀ ਅਜਿਹਾ ਨਾ ਕਰਨ ਵਾਲੇ ਪੰਜ ਸਟੰਟਬਾਜ਼ਾਂ ਨੂੰ ਆਰ.ਪੀ.ਐਫ. ਨੇ ਗ੍ਰਿਫ਼ਤਾਰ ਕਰ ਲਿਆ। ਇਨ੍ਹਾਂ ਵਿਰੁੱਧ ਆਰ.ਪੀ.ਐਫ. ਲੁਧਿਆਣਾ ਨੇ ਕਾਨੂੰਨੀ ਕਾਰਵਾਈ ਕਰਦੇ ਹੋਏ ਮਾਮਲੇ ਦਰਜ ਕੀਤੇ ਹਨ। ਇਹ ਨੌਜਵਾਨ ਆਪਸ 'ਚ ਸ਼ਰਤਾਂ ਲਗਾ ਕੇ ਸਟੰਟਬਾਜ਼ੀ ਕਰਦੇ ਸਨ।
