File Photo
ਕਾਰ ਦੇ ਕਿੱਕਰ ਵਿਚ ਵੱਜਣ ਨਾਲ ਕਾਰ ਸਵਾਰ ਨੌਜਵਾਨ ਦੀ ਮੌਤ ਹੋ ਗਈ ਹੈ
ਬਟਾਲਾ, 3 ਜੂਨ (ਮੋਹਨ ਸਿੰਘ ਬਰਿਆਰ): ਕਾਰ ਦੇ ਕਿੱਕਰ ਵਿਚ ਵੱਜਣ ਨਾਲ ਕਾਰ ਸਵਾਰ ਨੌਜਵਾਨ ਦੀ ਮੌਤ ਹੋ ਗਈ ਹੈ। ਸਾਬਕਾ ਸਰਪੰਚ ਰੂੜ ਸਿੰਘ ਪੁੱਤਰ ਅੱਛਰ ਸਿੰਘ ਵਾਸੀ ਨਬੀ ਨਗਰ ਨੇ ਦਸਿਆ ਕਿ ਮੈਂ ਮੇਨ ਰੋਡ ਡੇਰਾ ਬਾਬਾ ਨਾਨਕ ਤੋਂ ਗੁਰਦਾਸਪੁਰ ਬਾਹੱਕ ਰਕਬਾ ਸ਼ਾਹਪੁਰ ਗੋਰਾਇਆ ਵਿਖੇ ਅਪਣੇ ਰਿਸ਼ਤੇਦਾਰ ਨਿਰਮਲ ਸਿੰਘ ਕੋਲ ਖੜ੍ਹਾ ਸੀ। ਇਸ ਦੌਰਾਨ ਮੇਰਾ ਭਤੀਜਾ ਜਗਪ੍ਰੀਤ ਸਿੰਘ ਸਪੁੱਤਰ ਲੇਟ ਕਸ਼ਮੀਰ ਸਿੰਘ ਵਾਸੀ ਨਬੀ ਨਗਰ ਅਪਣੀ ਸਵਿਫ਼ਟ ਗੱਡੀ ’ਤੇ ਸਵਾਰ ਹੋ ਕੇ ਡੇਰਾ ਬਾਬਾ ਨਾਨਕ ਤੋਂ ਪਿੰਡ ਜਾ ਰਿਹਾ ਸੀ ਕਿ ਅਚਾਨਕ ਦੇਖਦਿਆ ਹੀ ਦੇਖਦਿਆਂ ਕਾਰ ਪੁਲੀ ਨਾਲ ਟਕਰਾਅ ਕੇ ਖੇਤਾਂ ਵਿਚ ਡੱਕੇੇ-ਡੋਲੇ ਖਾਂਦੀ ਹੋਈ ਜਾ ਡਿੱਗੀ ਅਤੇ ਸੜਕ ਕਿਨਾਰੇ ਲੱਗੇ ਕਿੱਕਰ ਦੇ ਮੁੱਢ ਨਾਲ ਟਕਰਾਉਣ ਤੋਂ ਬਾਅਦ ਜਗਪ੍ਰੀਤ ਸਿੰਘ ਦੀ ਮੌਤ ਹੋ ਗਏ। ਉਪਰੋਕਤ ਹੋਏ ਹਾਦਸੇ ਸਬੰਧੀ ਥਾਣਾ ਡੇਰਾ ਬਾਬਾ ਨਾਨਕ ਦੇ ਥਾਣੇਦਾਰ ਜਤਿੰਦਰ ਸਿੰਘ ਨੇ ਰੂੜ ਸਿੰਘ ਦੇ ਬਿਆਨਾਂ ’ਤੇ 174 ਸੀਆਰ.ਪੀ.ਸੀ ਦੀ ਕਾਰਵਾਈ ਕਰ ਦਿਤੀ ਹੈ।
