Anganwadi worker died due to electrocution
ਬਿਜਲੀ ਦੇ ਪੱਖੇ ਵਾਲੀ ਤਾਰ ਦਰਵਾਜ਼ੇ ਵਿਚ ਆਉਣ ਕਰ ਕੇ ਉਸ ’ਚ ਕਰੰਟ ਆ ਗਿਆ
ਫ਼ਤਹਿਗੜ੍ਹ ਸਾਹਿਬ : ਪਿੰਡ ਪੀਰਜੈਨ ਦੀ ਆਂਗਣਵਾੜੀ ਦੀ ਵਰਕਰ ਦੀ ਕਰੰਟ ਲੱਗਣ ਨਾਲ ਮੌਤ ਹੋ ਗਈ। ਮ੍ਰਿਤਕਾ ਸੁਰਿੰਦਰ ਕੌਰ ਦੇ ਪਤੀ ਮਲਾਗਰ ਸਿੰਘ ਨੇ ਪੁਲਿਸ ਨੂੰ ਦਸਿਆ ਕਿ ਬੀਤੇ ਦਿਨ ਉਹ ਅਪਣੀ ਲੜਕੀ ਕੋਲ ਗਿਆ ਹੋਇਆ ਸੀ, ਜਦੋਂ ਸ਼ਾਮ ਨੂੰ 6 ਵਜੇ ਘਰੇ ਪੁੱਜਿਆ ਤਾਂ ਉਸ ਦੇ ਗੁਆਂਡੀ ਬੇਅੰਤ ਸਿੰਘ ਨੇ ਦਸਿਆ ਕਿ ਬਲਜਿੰਦਰ ਕੌਰ ਨੇ ਦੇਖਿਆ ਕਿ ਸੁਰਿੰਦਰ ਕੌਰ ਅਪਣੇ ਘਰ ਦੇ ਦਰਵਾਜ਼ੇ ਕੋਲ ਲੱਗੀ ਹੋਈ ਸੀ, ਜਦੋਂ ਉਸ ਦੇ ਬਲਜਿੰਦਰ ਕੌਰ ਨੇ ਹੱਥ ਲਾਇਆ ਤਾਂ ਉਸ ਨੂੰ ਕਰੰਟ ਦਾ ਝਟਕਾ ਲੱਗਾ, ਤਾਂ ਬੇਅੰਤ ਸਿੰਘ ਨੇ ਕਰੰਟ ਵਾਲੀ ਤਾਰ ਨੂੰ ਕਹੀ ਨਾਲ ਵੱਢ ਦਿਤਾ।
ਜਿਸ ਤੋਂ ਲਗਦਾ ਹੈ ਕਿ ਉਸ ਦੀ ਪਤਨੀ ਸੁਰਿੰਦਰ ਕੌਰ ਦੀ ਮੌਤ ਕਰੰਟ ਲੱਗਣ ਨਾਲ ਹੋਈ ਹੈ। ਉਸ ਨੇ ਦਸਿਆ ਕਿ ਬਿਜਲੀ ਦੇ ਪੱਖੇ ਵਾਲੀ ਤਾਰ ਦਰਵਾਜ਼ੇ ਵਿਚ ਆਉਣ ਕਰ ਕੇ ਅਤੇ ਕਰੰਟ ਲੱਗਣ ਨਾਲ ਉਸ ਦੀ ਪਤਨੀ ਸੁਰਿੰਦਰ ਕੌਰ ਦੀ ਮੌਤ ਹੋਈ।
