file photo
ਅੱਜ ਜਲੰਧਰ 'ਚ ਕੋਰੋਨਾ ਵਾਇਰਸ ਦੇ 15 ਹੋਰ ਸ਼ੱਕੀ ਮਰੀਜ਼ ਦੇ ਸੈਂਪਲ ਦੀ ਰੀਪੋਰਟ ਪਾਜ਼ੇਟਿਵ
ਜਲੰਧਰ, 2 ਮਈ (ਲਖਵਿੰਦਰ ਸਿੰਘ ਲੱਕੀ, ਵਰਿਦਰ ਸ਼ਰਮਾ) : ਅੱਜ ਜਲੰਧਰ 'ਚ ਕੋਰੋਨਾ ਵਾਇਰਸ ਦੇ 15 ਹੋਰ ਸ਼ੱਕੀ ਮਰੀਜ਼ ਦੇ ਸੈਂਪਲ ਦੀ ਰੀਪੋਰਟ ਪਾਜ਼ੇਟਿਵ ਆਉਣ ਨਾਲ ਜਿੱਥੇ ਅੱਜ ਇਕ ਦਿਨ 'ਚ 16 ਮਰੀਜ਼ਾਂ ਦੇ ਪਾਜ਼ੇਟਿਵ ਹੋਣ ਦੀ ਪੁਸ਼ਟੀ ਹੋਈ ਹੈ, ਉਥੇ ਪਾਜ਼ੇਟਿਵ ਮਰੀਜ਼ਾਂ ਦੀ ਗਿਣਤੀ ਵੱਧ ਕੇ 121 ਹੋ ਗਈ ਹੈ। ਜਾਣਕਾਰੀ ਅਨੁਸਾਰ ਅੱਜ ਪਾਜ਼ੇਟਿਵ ਆਏ ਸਾਰੇ ਮਰੀਜ਼ ਪਹਿਲਾਂ ਪਾਜ਼ੇਟਿਵ ਆਏ ਮਰੀਜ਼ਾਂ ਨਾਲ ਸਬੰਧਤ ਹਨ। ਵਰਨਣਯੋਗ ਹੈ ਕਿ ਇਕ ਮਰੀਜ਼ ਦੀ ਰੀਪੋਰਟ ਅੱਜ ਸਵੇਰੇ ਪਾਜ਼ੇਟਿਵ ਆਈ ਸੀ।
File Photo
ਹਸਪਤਾਲ ਵਲੋਂ ਮਰੀਜ਼ ਦਾ ਗ਼ਲਤ ਪਤਾ ਪਿੰਡ ਰਸੂਲਪੁਰ ਦੱਸਣ ਕਾਰਨ ਦੁਪਿਹਰ ਤਕ ਪੁਲਿਸ ਅਤੇ ਪਤਰਕਾਰਾਂ ਨੂੰ ਘੁੰਮਣਘੇਰੀ ਵਿਚ ਪਾਈ ਰਖਿਆ। ਪੁਲਿਸ ਕਦੇ ਰਾਏਪੁਰ ਰਸੂਲਪੁਰ, ਕਦੇ ਰਸੂਲਪੁਰ ਬ੍ਰਹਮਣਾ ਕਦੇ ਨਕੋਦਰ ਦੇ ਨਜ਼ਦੀਕੀ ਪਿੰਡ ਰਸੂਲਪੁਰ ਘੁਮਦੀ ਰਹੀ ਆਖਰਕਾਰ ਪਹਿਲੇ ਪਾਜ਼ੇਟਿਵ ਮਰੀਜ਼ ਦਾ ਪਿੰਡ ਫੂਲਪੁਰ ਲਾਬੜੇ ਦੇ ਨਜ਼ਦੀਕ ਨਿਕਲਿਆ। ਪੁਲਿਸ ਵਲੋਂ ਉਸ ਪਿੰਡ ਨੂੰ ਤੁਰਤ ਸੀਲ ਕਰ ਦਿਤਾ ਹੈ।
