ਦੇਸ਼ 'ਚ ਕੋਰੋਨਾ ਪੀੜਤਾਂ ਦੀ ਗਿਣਤੀ 63 ਲੱਖ ਦੇ ਪਾਰ ਹੋਈ
ਨਵੀਂ ਦਿੱਲੀ, 1 ਅਕਤੂਬਰ : ਭਾਰਤ 'ਚ ਕੋਰੋਨਾ ਦੇ 86,821 ਨਵੇਂ ਮਾਮਲੇ ਸਾਹਮਣੇ ਆਉਣ ਤੋਂ ਬਾਅਦ ਅੱਜ ਦੇਸ਼ 'ਚ ਪੀੜਤਾਂ ਦਾ ਕੁੱਲ ਅੰਕੜਾ 63 ਲੱਖ ਤੋਂ ਪਾਰ ਹੋ ਗਿਆ ਹੈ, ਜਦਕਿ 52,73,201 (83.53 ਫ਼ੀ ਸਦੀ) ਲੋਕ ਹੁਣ ਤਕ ਇਸ ਮਹਾਂਮਾਰੀ ਤੋਂ ਠੀਕ ਹੋ ਚੁਕੇ ਹਨ। ਅੰਕੜਿਆਂ ਅਨੁਸਾਰ, ਨਵੇਂ ਮਾਮਲੇ ਸਾਹਮਣੇ ਆਉਣ ਤੋਂ ਬਾਅਦ ਦੇਸ਼ 'ਚ ਪੀੜਤਾਂ ਦਾ ਕੁੱਲ ਅੰਕੜਾ ਹੁਣ 63,12,584 ਹੋ ਗਿਆ ਹੈ। ਉੱਥੇ ਹੀ ਬੀਤੇ 24 ਘੰਟਿਆਂ 'ਚ ਇਨਫ਼ੈਕਸ਼ਨ ਨਾਲ 1,181 ਲੋਕਾਂ ਦੀ ਮੌਤ ਤੋਂ ਬਾਅਦ ਮ੍ਰਿਤਕਾਂ ਦਾ ਅੰਕੜਾ 98,678 ਹੋ ਗਿਆ ਹੈ। ਅੰਕੜਿਆਂ ਅਨੁਸਾਰ, ਦੇਸ਼ 'ਚ ਹੁਣ ਕੋਰੋਨਾ ਵਾਇਰਸ ਪੀੜਤ 9,40,705 ਮਰੀਜ਼ ਇਲਾਜ ਅਧੀਨ ਹਨ, ਕੋਵਿਡ-19 ਨਾਲ ਮੌਤ ਦਰ ਘੱਟ ਕੇ 1.56 ਫ਼ੀ ਸਦੀ ਰਹਿ ਗਈ ਹੈ। ਭਾਰਤ 'ਚ ਪੀੜਤਾਂ ਦੀ ਗਿਣਤੀ 16 ਸਤੰਬਰ ਨੂੰ 50 ਲੱਖ ਤੋਂ ਵੱਧ ਹੋ ਗਈ,28 ਸਤੰਬਰ ਨੂੰ ਕੁੱਲ ਮਾਮਲੇ 60 ਲੱਖ ਤੋਂ ਵੱਧ ਹੋ ਗਏ ਸਨ। ਆਈ.ਸੀ.ਐਮ.ਆਰ. ਅਨੁਸਾਰ ਹੁਣ ਤਕ ਦੇਸ਼ 'ਚ ਕੁੱਲ 7,56,19,781 ਕੋਵਿਡ-19 ਨਮੂਨਿਆਂ ਦੀ ਜਾਂਚ ਹੋ ਚੁਕੀ ਹੈ। ਇਨ੍ਹਾਂ 'ਚੋਂ ਸਿਰਫ਼ 14,23,052 ਨਮੂਨਿਆਂ ਦੀ ਜਾਂਚ ਬੁਧਵਾਰ ਨੂੰ ਹੋਈ। (ਏਜੰਸੀ)
