ਇਰਾਕ ਵਿਚ ਮਾਰੇ ਗਏ 39 ਭਾਰਤੀਆਂ ਵਿਚੋਂ 38 ਭਾਰਤੀਆਂ ਦੀ ਮ੍ਰਿਤਕ ਦੇਹਾਂ/ਅਵਸ਼ੇਸ਼ਾਂ ਨੂੰ ਲੈ ਕੇ ਵਿਸ਼ੇਸ਼ ਮਿਲਿਟਰੀ ਜਹਾਜ਼ c-17 ਰਾਹੀਂ ਜਨਰਲ ਵੀ.ਕੇ ਸਿੰਘ ਪੰਜਾਬ...
ਅੰਮ੍ਰਿਤਸਰ : ਇਰਾਕ ਵਿਚ ਮਾਰੇ ਗਏ 39 ਭਾਰਤੀਆਂ ਵਿਚੋਂ 38 ਭਾਰਤੀਆਂ ਦੀ ਮ੍ਰਿਤਕ ਦੇਹਾਂ/ਅਵਸ਼ੇਸ਼ਾਂ ਨੂੰ ਲੈ ਕੇ ਵਿਸ਼ੇਸ਼ ਮਿਲਿਟਰੀ ਜਹਾਜ਼ c-17 ਰਾਹੀਂ ਜਨਰਲ ਵੀ.ਕੇ ਸਿੰਘ ਪੰਜਾਬ ਦੇ ਅੰਮ੍ਰਿਤਸਰ ਹਵਾਈ ਅੱਡੇ ‘ਤੇ ਪਹੁੰਚੇ। ਇਨ੍ਹਾਂ 38 ਭਾਰਤੀਆਂ ‘ਚ 27 ਪੰਜਾਬੀ ਹਨ ਜੋ ਗਏ ਤਾਂ ਇਰਾਕ ਕਮਾਈ ਕਰਨ ਦੇ ਸੁਪਨੇ ਨਾਲ ਸਨ ਪਰ ਅੱਜ ਵਾਪਸ ਅਪਣੀ ਧਰਤੀ ‘ਤੇ ਤਾਬੂਤ ‘ਚ ਬੰਦ ਹੋ ਕੇ ਪਹੁੰਚੇ ਹਨ।
deadbody
ਸਰਕਾਰ ਵਲੋਂ ਵੀ.ਕੇ ਸਿੰਘ ਇਨ੍ਹਾਂ ਮ੍ਰਿਤਕ ਦੇਹਾਂ ਨੂੰ ਮਿਲਿਟਰੀ ਜਹਾਜ਼ ਰਾਹੀਂ ਲੈ ਕੇ ਭਾਰਤ ਆਏ ਹਨ। 27 ਪੰਜਾਬੀਆਂ ਸਮੇਤ ਕੁੱਲ 39 ਭਾਰਤੀਆਂ ਦੇ ਅਵਸ਼ੇਸ਼ ਸ੍ਰੀ ਗੁਰੂ ਰਾਮਦਾਸ ਜੀ ਅੰਤਰਰਾਸ਼ਟਰੀ ਹਵਾਈ ਅੱਡੇ ਅੰਮ੍ਰਿਤਸਰ ਵਿਖੇ ਪਹੁੰਚੇ ਹਨ। ਸਰਕਾਰ ਨੇ ਮ੍ਰਿਤਕਾਂ ਦੇ ਪਰਿਵਾਰ ਵਾਲਿਆਂ ਨੂੰ ਬਿਨ੍ਹਾ ਤਾਬੂਤ ਖੋਲਿਆਂ ਹੀ ਇਹਨਾਂ ਅਵਸ਼ੇਸ਼ਾਂ ਦਾ ਅੰਤਿਮ ਸੰਸਕਾਰ ਕਰਨ ਦੀ ਗੱਲ ਕਹੀ ਹੈ
deadbody
ਪਰ ਮ੍ਰਿਤਕ ਪਰਿਵਾਰ ਵਾਲਿਆਂ ਦੇ ਘਰਦਿਆਂ ਦੀ ਇਹ ਜ਼ਿਦ ਹੈ ਕਿ ਉਹ ਸਸਕਾਰ ਤੋਂ ਪਹਿਲਾਂ ਤਾਬੂਤ ਖੋਲ੍ਹ ਕੇ ਅਪਣੇ ਬੱਚਿਆਂ ਦੀ ਦੇਹਾਂ/ਅਵਸ਼ੇਸ਼ ਦੇਖਣਾ ਚਾਹੁੰਦੇ ਹਨ। ਇਸ ਲਈ ਪਰਿਵਾਰ ਵਾਲਿਆਂ ਨੇ ਅੰਮ੍ਰਿਤਸਰ ਹਵਾਈ ਅੱਡੇ ਦੇ ਬਾਹਰ ਅੱਜ ਧਰਨਾ ਵੀ ਦਿਤਾ। ਪੀੜਤ ਪਰਿਵਾਰਾਂ ਦਾ ਇਹ ਕਹਿਣਾ ਹੈ ਕਿ ਉਨ੍ਹਾਂ ਨੂੰ ਹਵਾਈ ਅੱਡੇ ਦੇ ਅੰਦਰ ਨਹੀਂ ਜਾਣ ਦਿਤਾ ਜਾ ਰਿਹਾ ਜੋ ਕਿ ਪੂਰੀ ਤਰ੍ਹਾਂ ਗਲਤ ਹੈ ਪਰ ਹਵਾਈ ਅੱਡੇ ਦੇ ਸੰਚਾਲਕ ਅਤੇ ਸਰਕਾਰ ਸੁਰੱਖਿਆ ਦਾ ਹਵਾਲਾ ਦੇ ਕੇ ਅੰਦਰ ਨਹੀਂ ਜਾਣ ਦੇ ਰਹੇ।
deadbody
ਭਾਰਤ ਬੰਦ ਦੇ ਚਲਦਿਆਂ ਸਰਕਾਰ ਵਲੋਂ ਇਹ ਵੀ ਸੁਨਿਸ਼ਚਤ ਕੀਤਾ ਗਿਆ ਹੈ ਕਿ ਇਨ੍ਹਾਂ ਪੰਜਾਬੀਆਂ ਨੂੰ ਉਨ੍ਹਾਂ ਦੇ ਘਰ ਤਕ ਸਹੀ ਤਰੀਕੇ ਨਾਲ ਪਹੁੰਚਿਆ ਜਾਵੇ। ਕੋਲਕਾਤਾ ਤੇ ਬਿਹਾਰ ਲਿਜਾਏ ਜਾਣ ਵਾਲੇ ਅਵਸ਼ੇਸ਼ਾਂ ਨੂੰ ਪਹਿਲਾਂ ਸਿਵਲ ਹਸਪਤਾਲ ਰੱਖੇ ਗਏ ਹਨ ਅਤੇ ਮੁੜ ਕੇ ਇਥੋਂ ਉਨ੍ਹਾਂ ਨੂੰ ਕੋਲਕਾਤਾ ਅਤੇ ਬਿਹਾਰ ਵਿਖੇ ਪਹੁੰਚਾਇਆ ਜਾਵੇਗਾ।
