ਕੇਂਦਰੀ ਮੰਤਰੀ ਅਨੰਤ ਗੀਤੇ ਨੂੰ ਰਾਏਗੜ੍ਹ ਅਤੇ ਅਰਵਿੰਦ ਸਾਵੰਤ ਨੂੰ ਦੱਖਣੀ ਮੁੰਬਈ ਤੋਂ ਉਮੀਦਵਾਰ ਐਲਾਨਿਆ ਗਿਆ ਹੈ।
Lok Sabha Elections 2024: ਊਧਵ ਠਾਕਰੇ ਦੀ ਅਗਵਾਈ ਵਾਲੀ ਸ਼ਿਵ ਸੈਨਾ ਨੇ ਬੁੱਧਵਾਰ ਨੂੰ ਆਗਾਮੀ ਲੋਕ ਸਭਾ ਚੋਣਾਂ ਲਈ 16 ਉਮੀਦਵਾਰਾਂ ਦੀ ਪਹਿਲੀ ਸੂਚੀ ਜਾਰੀ ਕੀਤੀ, ਜਿਸ ਵਿਚ ਸਾਬਕਾ ਕੇਂਦਰੀ ਮੰਤਰੀ ਅਨੰਤ ਗੀਤੇ ਨੂੰ ਰਾਏਗੜ੍ਹ ਅਤੇ ਅਰਵਿੰਦ ਸਾਵੰਤ ਨੂੰ ਦੱਖਣੀ ਮੁੰਬਈ ਤੋਂ ਉਮੀਦਵਾਰ ਐਲਾਨਿਆ ਗਿਆ ਹੈ।
ਪਾਰਟੀ ਨੇ ਠਾਣੇ ਤੋਂ ਰਾਜਨ ਵਿਚਾਰੇ, ਮੁੰਬਈ ਉੱਤਰ-ਪੱਛਮੀ ਤੋਂ ਅਮੋਲ ਕੀਰਤੀਕਰ ਅਤੇ ਮੁੰਬਈ ਉੱਤਰ-ਪੂਰਬ ਤੋਂ ਸੰਜੇ ਪਾਟਿਲ ਨੂੰ ਉਮੀਦਵਾਰ ਬਣਾਇਆ ਹੈ।ਊਧਵ ਠਾਕਰੇ ਦੀ ਅਗਵਾਈ ਵਾਲੀ ਸ਼ਿਵ ਸੈਨਾ ਸੂਬੇ ਵਿਚ ਮਹਾਂ ਵਿਕਾਸ ਅਗਾੜੀ (ਐਮਵੀਏ) ਦਾ ਇਕ ਹਿੱਸਾ ਹੈ।
ਐਮਵੀਏ ਦੇ ਇਕ ਹੋਰ ਹਿੱਸੇ, ਰਾਸ਼ਟਰਵਾਦੀ ਕਾਂਗਰਸ ਪਾਰਟੀ (ਸ਼ਰਦਚੰਦਰ ਪਵਾਰ), ਨੇ ਲੋਕ ਸਭਾ ਚੋਣਾਂ ਲਈ ਸੂਬੇ ਵਿਚ ਅਜੇ ਤਕ ਅਧਿਕਾਰਤ ਤੌਰ 'ਤੇ ਅਪਣੇ ਉਮੀਦਵਾਰਾਂ ਦਾ ਐਲਾਨ ਨਹੀਂ ਕੀਤਾ ਹੈ। ਦੂਜੇ ਪਾਸੇ ਤੀਜੀ ਧਿਰ ਕਾਂਗਰਸ ਨੇ ਕੁੱਝ ਸੀਟਾਂ 'ਤੇ ਹੀ ਅਪਣੇ ਉਮੀਦਵਾਰਾਂ ਦਾ ਐਲਾਨ ਕੀਤਾ ਹੈ।
ਇਹ ਉਹ ਸੀਟਾਂ ਹਨ ਜਿਥੇ ਗਠਜੋੜ ਦੇ ਭਾਈਵਾਲਾਂ ਵਿਚਾਲੇ ਕੋਈ ਵਿਵਾਦ ਨਹੀਂ ਹੈ। ਮਹਾਰਾਸ਼ਟਰ ਵਿਚ ਲੋਕ ਸਭਾ ਦੀਆਂ 48 ਸੀਟਾਂ ਹਨ। ਉੱਤਰ ਪ੍ਰਦੇਸ਼ (80 ਸੀਟਾਂ) ਤੋਂ ਬਾਅਦ ਮਹਾਰਾਸ਼ਟਰ ਸੱਭ ਤੋਂ ਵੱਧ ਲੋਕ ਸਭਾ ਸੀਟਾਂ ਵਾਲਾ ਰਾਜ ਹੈ। ਸੂਬੇ 'ਚ 19 ਅਪ੍ਰੈਲ ਤੋਂ ਪੰਜ ਪੜਾਵਾਂ 'ਚ ਵੋਟਾਂ ਪੈਣਗੀਆਂ।
(For more Punjabi news apart from Shiv Sena (UBT) first candidates list for Lok Sabha Elections 2024, stay tuned to Rozana Spokesman)
