Army
ਫ਼ੌਜ ਕੋਲ 29 ਸਤੰਬਰ 2016 ਤੋਂ ਪਹਿਲਾਂ ਹੋਏ ਕਿਸੇ ਸਰਜੀਕਲ ਹਮਲੇ ਦਾ ਰੀਕਾਰਡ ਨਹੀਂ।
ਨਵੀਂ ਦਿੱਲੀ, 27 ਅਗੱਸਤ : ਫ਼ੌਜ ਕੋਲ 29 ਸਤੰਬਰ 2016 ਤੋਂ ਪਹਿਲਾਂ ਹੋਏ ਕਿਸੇ ਸਰਜੀਕਲ ਹਮਲੇ ਦਾ ਰੀਕਾਰਡ ਨਹੀਂ।
ਖ਼ਬਰ ਏਜੰਸੀ ਪੀਟੀਆਈ ਦੀ ਆਰਟੀਆਈ ਤਹਿਤ ਅਰਜ਼ੀ ਦੇ ਜਵਾਬ ਵਿਚ ਫ਼ੌਜ ਨੇ ਇਹ ਗੱਲ ਕਹੀ ਹੈ। ਡੀਜੀਐਮਓ ਨੇ ਜਵਾਬ ਵਿਚ ਕਿਹਾ ਹੈ, 'ਜੇ ਇਸ ਸਮੇਂ ਤੋਂ ਪਹਿਲਾਂ ਕੋਈ ਸਰਜੀਕਲ ਹਮਲਾ ਕੀਤਾ ਵੀ ਗਿਆ ਹੈ ਤਾਂ ਇਹ ਸੈਕਸ਼ਨ ਹੋਰ ਕਿਸੇ ਅਜਿਹੇ ਹਮਲੇ ਦਾ ਰੀਕਾਰਡ ਨਹੀਂ ਰਖਦਾ।' ਇਸ ਤੋਂ ਇਲਾਵਾ ਰਖਿਆ ਮੰਤਰਾਲੇ ਨੂੰ 'ਸਰਜੀਕਲ ਸਟਰਾਈਕ' ਦੀ ਪਰਿਭਾਸ਼ਾ ਵੀ ਪੁੱਛੀ ਗਈ ਸੀ।
ਡੀਜੀਐਮਓ ਨੇ ਜਵਾਬ ਵਿਚ ਕਿਹਾ ਕਿ 'ਖੁਲ੍ਹੇ ਸ੍ਰੋਤ' ਵਿਚ ਉਲਲਭਧ ਜਾਣਕਾਰੀ ਮੁਤਾਬਕ ਸਰਜੀਕਲ ਸਟਰਾਈਕ ਦੀ ਪਰਿਭਾਸ਼ਾ ਹੈ-ਅਜਿਹੀ ਮੁਹਿੰਮ ਜੋ ਵਿਸ਼ੇਸ਼ ਖ਼ੁਫ਼ੀਆ ਸੂਚਨਾ 'ਤੇ ਆਧਾਰਤ ਹੈ, ਕਿਸੇ ਵਾਜਬ ਫ਼ੌਜੀ ਟੀਚੇ 'ਤੇ ਕੇਂਦਰਤ ਹੈ ਅਤੇ ਜਿਸ ਵਿਚ ਹਮਲਾ ਕਰਨ ਵਾਲੀ ਧਿਰ ਦਾ ਬਹੁਤ ਘੱਟ ਨੁਕਸਾਨ ਹੁੰਦਾ ਹੈ ਜਾਂ ਹੁੰਦਾ ਹੀ ਨਹੀਂ। ਸੋਚੇ ਸਮਝੇ ਤਰੀਕੇ ਨਾਲ ਕਾਰਵਾਈ ਕੀਤੀ ਜਾਂਦੀ ਹੈ ਅਤੇ ਤੇਜ਼ੀ ਨਾਲ ਜਵਾਨ ਵਾਪਸ ਬੇਸ ਵਿਚ ਆ ਜਾਂਦੇ ਹਨ।' (ਏਜੰਸੀ)
