ਫ਼ਿਲੀਪੀਨ, 13 ਨਵੰਬਰ: ਭਾਰਤ ਨੇ ਫ਼ਿਲੀਪੀਨ 'ਚ ਕੌਮਾਂਤਰੀ ਝੋਨਾ ਖੋਜ ਕੇਂਦਰ (ਆਰ.ਆਰ.ਆਰ.ਆਈ.) ਦੇ ਜੀਨ ਬੈਂਕ ਨੂੰ ਅੱਜ ਝੋਨੇ ਦੀਆਂ ਦੋ ਭਾਰਤੀ ਕਿਸਮਾਂ ਦੇ ਬੀਜ ਸੌਂਪੇ। ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਇਸ ਮੌਕੇ ਕਿਹਾ ਕਿ ਆਈ.ਆਰ.ਆਰ.ਆਈ. ਝੋਨੇ ਵਰਗੀ ਮਹੱਤਵਪੂਰਨ ਅੰਨ ਦੀ ਖੇਤੀ 'ਚ ਸੁਧਾਰ ਕਰ ਕੇ ਗ਼ਰੀਬੀ ਅਤੇ ਭੁਖਮਰੀ ਘੱਟ ਕਰਨ ਦੀ ਦਿਸ਼ਾ 'ਚ ਕੰਮ ਕਰ ਰਿਹਾ ਹੈ। ਲੋਸ ਬਾਨੋਸ 'ਚ ਸਥਾਪਤ ਇਸ ਕੇਂਦਰ ਦੇ ਅਪਣੇ ਦੌਰੇ ਦੌਰਾਨ ਪ੍ਰਧਾਨ ਮੰਤਰੀ ਮੋਦੀ ਨੇ ਇਸ 'ਚ ਕੰਮ ਕਰਲ ਵਾਲੇ ਭਾਰਤੀ ਵਿਗਿਆਨੀਆਂ ਨਾਲ ਗੱਲਬਾਤ ਕੀਤੀ।
ਆਈ.ਆਰ.ਆਰ.ਆਈ. ਦੇ ਵਿਗਿਆਨੀਆਂ ਨੇ ਪ੍ਰਧਾਨ ਮੰਤਰੀ ਮੋਦੀ ਨੂੰ ਹੜ੍ਹਾਂ ਦੀ ਸਥਿਤੀ 'ਚ ਵੀ ਟਿਕੀਆਂ ਰਹਿਣ ਵਾਲੀਆਂ ਝੋਨੇ ਦੀਆਂ ਕਿਸਮਾਂ ਬਾਰੇ ਦਸਿਆ, ਜੋ ਕਿ 14 ਤੋਂ 18 ਦਿਨਾਂ ਤਕ ਪਾਣੀ 'ਚ ਡੁੱਬੇ ਰਹਿਣ ਦੇ ਬਾਵਜੂਦ ਬਚੀਆਂ ਰਹਿ ਸਕਦੀਆਂ ਹਨ। ਇਸ ਦੀ ਖੇਤੀ ਤੋਂ ਹੜ੍ਹ ਪ੍ਰਭਾਵਤ ਇਲਾਕਿਆਂ 'ਚ ਝੋਨੇ ਦੀ 1 ਤੋਂ 3 ਟਨ ਪ੍ਰਤੀ ਹੈਕਟੇਅਰ ਜ਼ਿਆਦਾ ਉਪਜ ਲਈ ਜਾ ਸਕਦੀ ਹੈ। (ਏਜੰਸੀ)
