ਕਰੋਨਾ ਵਾਇਰਸ ਨੂੰ ਠੱਲ ਪਾਉਂਣ ਦੇ ਲਈ ਡਾਕਟਰ ਅਤੇ ਪੁਲਿਸ ਕਰਮਚਾਰੀ ਆਪਣੇ ਪਰਿਵਾਰ ਦੀ ਪ੍ਰਵਾਹ ਕੀਤੇ ਬਿਨਾ ਦਿਨ-ਰਾਤ ਕੰਮ ਕਰਨ ਲੱਗੇ ਹੋਏ ਹਨ
ਕਰੋਨਾ ਵਾਇਰਸ ਨੂੰ ਠੱਲ ਪਾਉਂਣ ਦੇ ਲਈ ਡਾਕਟਰ ਅਤੇ ਪੁਲਿਸ ਕਰਮਚਾਰੀ ਆਪਣੇ ਪਰਿਵਾਰ ਦੀ ਪ੍ਰਵਾਹ ਕੀਤੇ ਬਿਨਾ ਦਿਨ-ਰਾਤ ਕੰਮ ਕਰਨ ਲੱਗੇ ਹੋਏ ਹਨ। ਅਜਿਹਾ ਹੀ ਇਕ ਮਾਮਲਾ ਇੰਦੌਰ ਤੋਂ ਸਾਹਮਣੇ ਆਇਆ। ਜਿੱਥੇ ਡਾਕਟਰ ਦੀ 15 ਮਹੀਨੇ ਦੀ ਬੇਟੀ ਦੀ ਮੌਤ ਹੋ ਗਈ ਜਿਸ ਤੋਂ ਬਾਅਦ ਡਾਕਟਰ ਸਾਹਿਬ ਬੇਟੀ ਦੀ ਮੌਤ ਦੀ ਖਬਰ ਨੂੰ ਸੁਣ ਤੋਂ ਬਾਅਦ ਵੀ ਆਪਣੀ ਡਿਊਟੀ ਨੂੰ ਬਾਖੂਬੀ ਨਿਭਾਉਂਦੇ ਰਹੇ।
Doctor
ਦੱਸ ਦੱਈਏ ਕਿ ਹੋਸੰਗਾਬਾਦ ਦੇ ਸੰਦੀਆ ਵਿਖੇ ਡਿਊਟੀ ਕਰ ਰਹੇ ਡਾਕਟਰ ਦੇਵੇਂਦਰ ਮਹਿਰਾ ਨੂੰ ਇਕ ਹਫ਼ਤੇ ਪਹਿਲਾਂ ਐਮਰਜੈਂਸੀ ਹਲਾਤਾਂ ਵਿਚ ਇੰਦੌਰ ਭੇਜਿਆ ਗਿਆ ਸੀ। ਡਾਕਟਰ ਸਾਹਿਬ ਲਈ ਇੰਦੌਰ ਜਾਣਾ ਸੌਖਾ ਨਹੀਂ ਸੀ ਕਿਉਂਕਿ ਉਹ ਆਪਣੀ 15 ਮਹੀਨਿਆਂ ਦੀ ਬਿਮਾਰ ਲੜਕੀ ਨੂੰ ਇਕ ਪਿਤਾ ਅਤੇ ਡਾਕਟਰ ਦੋਵੇਂ ਰੂਪ ਨਿਭਾਉਂਦਿਆਂ ਪਾਲ ਰਿਹਾ ਸੀ। ਪਰ ਇੰਦੌਰ ਵਿਚ ਕਰੋਨਾ ਦਾ ਕਹਿਰ ਟੂਟਣ ਕਾਰਨ ਉਨ੍ਹਾਂ ਨੇ ਆਪਣੀ ਬੇਟੀ ਨੂੰ ਉਥੇ ਹੀ ਛੱਡ ਕੇ ਇੰਦੌਰ ਕਰੋਨਾ ਦੇ ਮਰੀਜ਼ਾਂ ਦਾ ਇਲਾਜ਼ ਕਰਨ ਲਈ ਆਉਂਣਾ ਪਿਆ ।
Doctor
ਪਿਤਾ ਦੇ ਦੂਰ ਹੁੰਦਿਆਂ ਹੀ ਛੋਟੀ ਲੜਕੀ ਜਿੰਦਗੀ ਦੀ ਜੰਗ ਹਾਰ ਗਈ। ਅਜਿਹੇ ਸਮੇਂ ਵਿਚ ਮਾਂ ਪ੍ਰਿੰਯਕਾ ਦੇ ਲਈ ਬੇਟੀ ਦੀ ਮੌਤ ਦਾ ਸਦਮਾ ਸਹਿਣ ਕਰ ਪਾਉਂਣਾ ਕਾਫੀ ਮੁਸ਼ਕਿਲ ਸੀ ਜਦੋਂ ਉਸ ਦਾ ਪਤੀ ਡਾਕਟਰ ਹੋਣ ਦੇ ਨਾਤੇ ਦੂਰ ਆਪਣਾ ਫਰਜ਼ ਨਿਭਾ ਰਿਹਾ ਸੀ। ਜਦੋਂ ਡਾ. ਮਹਿਰਾ ਨੇ ਧੀ ਦੀ ਮੌਤ ਦੀ ਖ਼ਬਰ ਸੁਣੀ ਤਾਂ ਉਨ੍ਹਾਂ ਨੂੰ ਇਕ ਦਮ ਧੱਕਾ ਲੱਗਾ, ਪਰ ਫਿਰ ਵੀ ਉਹ ਆਪਣੇ ਸਾਹਮਣੇ ਮਰੀਜ਼ਾਂ ਨੂੰ ਵੇਖਦੇ ਰਹੇ। ਇਸ ਦੇ ਨਾਲ ਹੀ ਉਨ੍ਹਾਂ ਨੂੰ ਇਹ ਵੀ ਪਤਾ ਸੀ ਕਿ ਉਨ੍ਹਾਂ ਦਾ ਇੰਦੌਰ ਤੋਂ ਹੋਸ਼ੰਗਾਬਾਦ ਆਉਣਾ ਉਚਿਤ ਨਹੀਂ ਹੈ,
Doctors
ਇਸ ਲਈ ਡਾਕਟਰ ਮਹਿਰਾ ਨੇ ਇੰਦੌਰ ਦੇ ਪ੍ਰਸ਼ਾਸਨਿਕ ਅਧਿਕਾਰੀਆਂ ਨੂੰ ਕਿਹਾ ਕਿ ਮੇਰੀ ਬੇਟੀ ਚਲੀ ਗਈ ਹੈ ਪਰ ਹੁਣ ਇੰਦੌਰ ਨੂੰ ਮੇਰੀ ਲੋੜ ਹੈ। ਪਰ ਅਫਸਰਾਂ ਨੇ ਇਨ੍ਹਾਂ ਦਿਲ ਦੀਆਂ ਪੀੜਾਂ ਨੂੰ ਮਹਿਸੂਸ ਕਰਦਿਆਂ ਡਾ. ਮਹਿਰਾ ਨੂੰ ਇੰਦੌਰ ਤੋਂ ਹੋਸ਼ੰਗਾਬਾਦ ਭੇਜਣ ਦਾ ਪ੍ਰਬੰਧ ਕੀਤਾ। ਉਧਰ ਹੋਸ਼ੰਗਾਬਾਦ ਪਹੁੰਚੇ ਡਾ. ਮਹਿਰਾ ਨੇ ਕਿਹਾ ਕਿ ਤੁਸੀਂ ਸਮਝ ਸਕਦੇ ਹੋ ਕਿ ਅਸੀਂ ਇਸ ਸਮੇਂ ਕਿਸ ਦੌਰ ਵਿਚੋਂ ਗੁਜਰ ਰਹੇ ਹਾਂ। ਇਕ ਪਾਸੇ ਬੇਟੀ ਦਾ ਦੁਨੀਆਂ ਤੋਂ ਚਲੇ ਜਾਣਾ ਅਤੇ ਦੂਜੇ ਪਾਸੇ ਦੇਸ਼ ਵਿਚ ਕਰੋਨਾ ਦੀ ਮਾਰ ਦੋਨੋਂ ਹੀ ਦਰਦਨਾਕ ਹਨ।
Doctor
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
