ਮੰਡਲ ਕਮਿਸ਼ਨ ਦੇ ਸਕੱਤਰ ਨੇ ਏਟੀਐਸ ਅਤੇ ਇੰਟੈਲੀਜੈਂਸ ਯੂਨਿਟ ਨੂੰ ਲਾਪਤਾ ਪਾਕਿਸਤਾਨੀਆਂ ਦੀ ਭਾਲ ਅਤੇ ਉਹਨਾਂ ਬਾਰੇ ਪੂਰੀ ਜਾਣਕਾਰੀ ਇਕੱਠੀ ਕਰਨ ਦੇ ਨਿਰਦੇਸ਼ ਦਿੱਤੇ।
ਲਖਨਊ : ਮੰਡਲ ਕਮਿਸ਼ਨ ਦੇ ਨਿਰਦੇਸ਼ਾਂ ਤੋਂ ਬਾਅਦ ਪਾਕਿਸਤਾਨ ਤੋਂ ਆ ਕੇ ਲਾਪਤਾ ਹੋਏ 31 ਪਾਕਿਸਤਾਨੀਆਂ ਦੀ ਭਾਲ ਏਟੀਐਸ ਅਤੇ ਇੰਟੈਲੀਜੈਂਸ ਅਧਿਕਾਰੀਆਂ ਨੇ ਸ਼ੁਰੂ ਕਰ ਦਿਤੀ ਗਈ ਹੈ। ਅਜ਼ਾਦੀ ਮਗਰੋਂ ਪਾਕਿਸਤਾਨ ਤੋਂ ਵਿਜ਼ੀਟਰ ਵੀਜ਼ਾ 'ਤੇ ਭਾਰਤ ਆਏ 31 ਪਾਕਿਸਤਾਨੀ ਅੱਜ ਵੀ ਲਾਪਤਾ ਹਨ। ਇਹਨਾਂ ਸਬੰਧੀ ਇਥੋਂ ਤੋਂ ਲੈ ਕੇ ਪਾਕਿਸਤਾਨ ਤੱਕ ਭਾਲ ਕੀਤੀ ਗਈ ਪਰ ਸੁਰੱਖਿਆ ਏਜੰਸੀਆਂ ਉਹਨਾਂ ਬਾਰੇ ਕਝ ਵੀ ਪਤਾ ਨਹੀਂ ਲਗਾ ਸਕੀਆਂ ਕਿ ਭਾਰਤ ਆਉਣ ਤੋਂ ਬਾਅਦ ਉਹ ਕਿਥੇ ਗਏ। ਇਹਨਾਂ ਦਾ ਕੋਈ ਲੇਖਾ-ਜੋਖਾ ਨਹੀਂ ਹੈ।
Pakistan
ਮੰਡਲ ਕਮਿਸ਼ਨ ਦੇ ਸਕੱਤਰ ਅਨਿਲ ਗਰਗ ਨੇ ਖੁਫੀਆ ਏਜੰਸੀਆਂ ਦੇ ਨਾਲ ਬੈਠਕ ਕਰ ਕੇ ਸੁਰੱਖਿਆ ਵਿਵਸਥਾ ਦੇ ਲਈ ਏਜੰਸੀਆਂ ਵੱਲੋਂ ਕੀਤੇ ਜਾ ਰਹੀਆਂ ਕੋਸ਼ਿਸ਼ਾਂ ਦੀ ਪੜਤਾਲ ਕੀਤੀ ਤਾਂ 31 ਲਾਪਤਾ ਪਾਕਸਿਤਾਨੀਆਂ ਦਾ ਮੁੱਦਾ ਵੀ ਸਾਹਮਣੇ ਆਇਆ। ਇਸ ਤੇ ਮੰਡਲ ਕਮਿਸ਼ਨ ਦੇ ਸਕੱਤਰ ਨੇ ਏਟੀਐਸ ਅਤੇ ਇੰਟੈਲੀਜੈਂਸ ਯੂਨਿਟ ਨੂੰ ਲਾਪਤਾ ਪਾਕਿਸਤਾਨੀਆਂ ਦੀ ਭਾਲ ਅਤੇ ਉਹਨਾਂ ਬਾਰੇ ਪੂਰੀ ਜਾਣਕਾਰੀ ਇਕੱਠੀ ਕਰਨ ਦੇ ਨਿਰਦੇਸ਼ ਦਿੱਤੇ। ਇਹਨਾਂ ਨਿਰਦੇਸ਼ਾਂ ਤੋਂ ਬਾਅਦ ਏਟੀਐਸ ਤੋਂ ਲੈ ਕੇ ਇੰਟੈਲੀਜੈਂਸ ਸ਼ਾਖਾ ਤੱਕ ਦੇ ਜਵਾਨਾਂ ਨੇ ਲਾਪਤਾ ਪਾਕਿਤਾਨੀਆਂ ਬਾਰੇ ਭਾਲ ਸ਼ੁਰੂ ਕਰ ਦਿਤੀ ਹੈ।
Visa
ਇਹਨਾਂ ਦਾ ਪਤਾ ਲਗਾਉਣ ਲਈ ਉਹਨਾਂ ਲੋਕਾਂ ਸਬੰਧੀ ਵੀ ਜਾਂਚ ਕੀਤੀ ਜਾ ਰਹੀ ਹੈ ਜਿਹਨਾਂ ਦੇ ਪਤੇ 'ਤੇ ਉਹ ਵਿਜ਼ੀਟਰ ਵੀਜ਼ਾ 'ਤੇ ਭਾਰਤ ਆਏ ਸੀ। ਕੈਂਟ ਨਿਵਾਸੀ ਮੁਹੰਮਦ ਸ਼ਫੀ ਦੇ ਪਤੇ 'ਤੇ ਕਰਾਚੀ ਨਿਵਾਸੀ ਯਾਕੂਬ ਭਾਰਤ ਆਏ ਪਰ ਉਸ ਤੋਂ ਬਾਅਦ ਉਹਨਾਂ ਬਾਰੇ ਕੁਝ ਵੀ ਪਤਾ ਨਹੀਂ ਚਲ ਰਿਹਾ ਹੈ। ਸ਼ਫੀ ਵੀ ਰੋਜ਼ਾਨਾ ਦੀ ਇਸ ਪੁਛਗਿਛ ਤੋਂ ਪਰੇਸ਼ਾਨ ਹਨ। ਕੈਂਟ ਪੁਲਿਸ ਨੂੰ ਉਹ ਲਿਖ ਕੇ ਵੀ ਦੇ ਚੁੱਕੇ ਹਨ ਕਿ ਯਾਕੂਬ ਨਾਮ ਦੇ ਸ਼ਖਸ ਨੂੰ ਉਹ ਨਹੀਂ ਜਾਣਦੇ। ਉਥੇ ਹੀ ਕੈਸਰਬਾਗ ਨਿਵਾਸੀ ਮੁਸਤਫਾ ਵੀ ਜਾਂਚ ਤੋਂ ਤੰਗ ਆ ਚੁੱਕੇ ਹਨ।
Intelligence bureau
ਜਾਂਚ ਕਰਨ ਆਏ ਇੰਟੈਲੀਜੈਂਸ ਅਧਿਕਾਰੀ ਨਾਲ ਉਹਨਾਂ ਨੇ ਅਪਣਾ ਦਰਦ ਬਿਆਨ ਕੀਤਾ ਅਤੇ ਪਾਕਿਸਤਾਨ ਨਾਗਰਿਕ ਸ਼ਮੀਮ ਸਬੰਧੀ ਜਾਣਕਾਰੀ ਹੋਣ ਤੋਂ ਇਨਕਾਰ ਕੀਤਾ ਹੈ। ਦੂਜੇ ਪਾਸੇ ਜਾਂਚ ਕਰ ਰਹੇ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਭਾਰਤ ਆਉਣ ਤੋਂ ਬਾਅਦ ਲਾਪਤਾ ਹੋਣ ਵਾਲੇ ਪਾਕਿਸਤਾਨੀਆਂ ਵਿਚ ਜਿਆਦਾਤਰ ਕਰਾਚੀ ਦੇ ਰਹਿਣ ਵਾਲੇ ਹਨ। ਇਹ ਜਾਨਣ ਦੀ ਕੋਸ਼ਿਸ਼ ਵੀ ਕੀਤੀ ਜਾ ਰੀਹ ਹੈ ਕਿ ਉਹਨਾਂ ਦਾ ਲਖਨਊ ਆਉਣ ਦਾ ਮਕਸਦ ਕੀ ਸੀ।
