ਉੱਤਰ ਪ੍ਰਦੇਸ਼ ਬਸਤੀ ਰੇਲਵੇ ਸਟੇਸ਼ਨ 'ਤੇ ਜਦ ਮਾਲ-ਗੱਡੀ ਦਾ ਖਾਦ ਲਦਿਆ ਹੋਇਆ ਡੱਬਾ ਪਹੁੰਚਿਆ ਤਾਂ ਉਸ ਦੇ ਕਾਗ਼ਜ਼ਾਤ ਵੇਖ ਕੇ ਮਾਲ ਗੋਦਾਮ ਦੇ ਅਧਿਕਾਰੀ ਹੈਰਾਨ.............
ਗੋਰਖਪੁਰ : ਉੱਤਰ ਪ੍ਰਦੇਸ਼ ਬਸਤੀ ਰੇਲਵੇ ਸਟੇਸ਼ਨ 'ਤੇ ਜਦ ਮਾਲ-ਗੱਡੀ ਦਾ ਖਾਦ ਲਦਿਆ ਹੋਇਆ ਡੱਬਾ ਪਹੁੰਚਿਆ ਤਾਂ ਉਸ ਦੇ ਕਾਗ਼ਜ਼ਾਤ ਵੇਖ ਕੇ ਮਾਲ ਗੋਦਾਮ ਦੇ ਅਧਿਕਾਰੀ ਹੈਰਾਨ ਰਹਿ ਗਏ। ਪਤਾ ਲੱਗਾ ਹੈ ਕਿ ਖਾਦ ਭਰੇ ਡੱਬੇ ਨੂੰ ਵਿਸ਼ਾਖਾਪਟਨਮ ਤੋਂ ਬਸਤੀ ਦੀ 1,326 ਕਿਲੋਮੀਟਰ ਦੂਰੀ ਤੈਅ ਕਰਨ ਵਿਚ ਲਗਭਗ ਚਾਰ ਸਾਲ ਲੱਗ ਗਏ। ਇਸ ਡੱਬੇ ਵਿਚ 1,316 ਡਾਈ ਅਮੋਨਿਅਮ ਫ਼ਾਸਫੇਟ (ਡੀਏਪੀ) ਖਾਦ ਦੇ ਬੋਰੇ ਸਨ ਜੋ 10 ਨਵੰਬਰ 2014 ਨੂੰ ਵਿਸ਼ਾਖਾਪਟਨਮ ਤੋਂ ਬੁੱਕ ਕੀਤੇ ਗਏ ਸਨ। ਇਹ ਡੱਬਾ ਸ਼ੁਕਰਵਾਰ ਦੁਪਹਿਰ ਬਸਤੀ ਪਹੁੰਚਿਆ।
ਉੱਤਰ ਪੂਰਬੀ ਰੇਲਵੇ ਦੇ ਸੰਜੇ ਯਾਦਵ ਨੇ ਗੋਰਖਪੁਰ ਤੋਂ ਦਸਿਆ ਕਿ ਇਹ ਖਾਦ ਭਰੀ ਮਾਲ-ਗੱਡੀ 2014 ਵਿਚ ਵਿਸ਼ਾਖਪਟਨਮ ਤੋਂ ਬਸਤੀ ਲਈ ਭੇਜੀ ਗਈ ਸੀ ਪਰ ਇਸ ਦਾ ਇਕ ਡੱਬਾ ਉਥੇ ਤੋਂ ਰਵਾਨਾ ਹੁੰਦੇ ਹੀ ਖ਼ਰਾਬ ਹੋ ਗਿਆ ਅਤੇ ਯਾਰਡ ਵਿਚ ਹੀ ਖੜਾ ਰਿਹਾ। ਸੰਜੇ ਯਾਦਵ ਨੇ ਕਿਹਾ ਕਿ ਇਹ ਕਿਵੇਂ ਹੋਇਆ, ਇਸ ਦੀ ਜਾਂਚ ਦੇ ਆਦੇਸ਼ ਦੇ ਦਿਤੇ ਗਏ ਹਨ। ਡੱਬੇ ਵਿਚ ਲੱਦੀ ਖਾਦ ਯੂਪੀ ਦੇ ਕਾਰੋਬਾਰੀ ਮਨੋਜ ਗੁਪਤਾ ਦੀ ਸੀ। ਮਨੋਜ ਗੁਪਤਾ ਨੇ 10 ਲੱਖ ਰੁਪਏ ਦੀ ਖਾਦ ਵਾਪਸ ਮਿਲਣ ਦੀ ਸਾਰੀ ਉਮੀਦਾਂ ਖੋਹ ਦਿਤੀਆਂ ਸੀ। ਗੁਪਤਾ ਨੇ ਕਿਹਾ, 'ਮੈਂ ਖਾਦ ਦੇ 21 ਡੱਬੇ ਬੁੱਕ ਕੀਤੇ ਸਨ ਸਿਰਫ਼ 20 ਮੇਰੇ ਤਕ ਪਹੁੰਚੇ। ਇਕ ਖੋ ਗਿਆ। ਮੈਂ ਰੇਲਵੇ ਤੋਂ ਮੁਆਵਜ਼ੇ ਦੀ ਵੀ ਮੰਗ ਕੀਤੀ।' (ਏਜੰਸੀ)
