ਟਰਾਈ ਇਸ ਸਾਲ ਦੇ ਆਖਰ ਤੱਕ ਅਜਿਹਾ ਪ੍ਰਬੰਧ ਕਰਨ ਜਾ ਰਿਹਾ ਹੈ ਜਿਸ ਨਾਲ ਸੈੱਟ ਟਾਪ ਬਾਕਸ ਵਿਚ ਵੀ ਅਪਣੀ ਮਰਜ਼ੀ ਦੀ ਕੰਪਨੀ ਦਾ ਕਾਰਡ ਲਗਾਇਆ ਜਾ ਸਕੇਗਾ।
ਨਵੀਂ ਦਿੱਲੀ : ਕੇਬਲ ਆਪਰੇਟਰ ਜਾਂ ਡੀਟੀਐਚ ਕੰਪਨੀ ਤੋਂ ਪਰੇਸ਼ਾਨ ਹੋਣ ਤੇ ਵੀ ਮੋਬਾਈਲ ਸਿਮ ਦੀ ਤਰ੍ਹਾਂ ਅਪਣੇ ਸੇਵਾ ਪ੍ਰਦਾਤਾ ਨੂੰ ਬਦਲਿਆ ਨਹੀਂ ਜਾ ਸਕਦਾ। ਪਰ ਇਹ ਹਾਲ ਹੁਣ ਜ਼ਿਆਦਾ ਦੇਰ ਨਹੀਂ ਰਹੇਗੀ। ਟੈਲੀਕਾਮ ਰੈਗੂਲੇਟਰੀ ਅਥਾਰਟੀ ਆਫ ਇੰਡੀਆ ਇਸ ਸਾਲ ਦੇ ਆਖਰ ਤੱਕ ਅਜਿਹਾ ਪ੍ਰਬੰਧ ਕਰਨ ਜਾ ਰਿਹਾ ਹੈ ਜਿਸ ਨਾਲ ਸੈੱਟ ਟਾਪ ਬਾਕਸ ਵਿਚ ਵੀ ਅਪਣੀ ਮਰਜ਼ੀ ਦੀ ਕੰਪਨੀ ਦਾ ਕਾਰਡ ਲਗਾਇਆ ਜਾ ਸਕੇਗਾ।
DTH Services
ਟਰਾਈ ਦੇ ਚੇਅਰਮੈਨ ਆਰ.ਐਸ.ਸ਼ਰਮਾ ਨੇ ਦੱਸਿਆ ਕਿ ਮੈਂ ਇਸ 'ਤੇ ਕੰਮ ਕਰ ਰਿਹਾ ਹਾਂ। ਯਕੀਨ ਰੱਖੋ ਇਹ ਹੋਵੇਗਾ। ਅਸੀਂ ਇੰਟਰ ਆਪਰੇਟਰ ਸੈੱਟ ਟਾਪ ਬਾਕਸ ਦੀ ਵਿਵਸਥਾ ਕਰਕੇ ਰਹਾਂਗੇ। ਡੀਟੀਐਚ ਆਪਰੇਟਰਸ ਅਤੇ ਕੇਬਲ ਸਰਵਿਸ ਦੇਣ ਵਾਲੇ ਟਰਾਈ ਦੇ ਇਸ ਕਦਮ ਦਾ ਤਿੱਖਾ ਵਿਰੋਧ ਕਰ ਰਹੇ ਹਨ। ਕੰਟੇਟ ਡਿਸਟਰੀਬਿਊਸ਼ਨ ਕੰਪਨੀਆਂ ਇਹ ਦਲੀਲ ਦਿੰਦੀਆਂ ਹਨ ਕਿ ਆਪਰੇਟਰ ਬਦਲਣ ਦੀ ਸਹੂਲਤ ਦੇਣਾ ਮੁਸ਼ਕਲ ਹੈ,
Set Top Box
ਕਿਉਂਕਿ ਹਰੇਕ ਆਪਰੇਟਰ ਦੇ ਸੈੱਟ ਤਾਪ ਬਾਕਸ ਇਨਕ੍ਰਿਪਟਡ ਹੁੰਦੇ ਹਨ ਅਤੇ ਇਸ ਵਿਚ ਛੇੜਛਾੜ ਕਰਨਾ ਇਕ ਦੂਜੇ ਦੇ ਕੰਮ ਵਿਚ ਦਖਲ ਦੇਣ ਵਰਗਾ ਹੋਵੇਗਾ। ਇਸ ਸਬੰਧੀ ਦੇਸ਼ ਦੇ ਦੋ ਸੱਭ ਤੋਂ ਵੱਡੇ ਡੀਟੀਆਚ ਸੇਵਾਵਾਂ ਦੇਣ ਵਾਲੇ ਡਿਸ਼ ਟੀਵੀ ਅਤੇ ਟਾਟਾ ਸਕਾਈ ਨੂੰ ਭੇਜੇ ਗਏ ਸਵਾਲ ਦਾ ਕੋਈ ਜਵਾਬ ਨਹੀਂ ਮਿਲਿਆ। ਕੰਟੇਟ ਡਿਸਟਰੀਬਿਊਸ਼ਨ ਇੰਡਸਟਰੀ ਦੇ ਅਧਿਕਾਰੀ ਕਹਿੰਦੇ ਹਨ
Tata Sky
ਕਿ ਹਰੇਕ ਸੈੱਟ ਟਾਪ ਬਾਕਸ ਵਿਚ ਵੱਖ-ਵੱਖ ਸਾਫਟਵੇਅਰ ਅਤੇ ਕਨਫਿਗਰੇਸ਼ਨ ਹੰਦੇ ਹਨ, ਇਸ ਲਈ ਉਹਨਾਂ ਨੂੰ ਦੂਜੀ ਕੰਪਨੀ ਦੀਆਂ ਸੇਵਾਵਾਂ ਲਈ ਵਰਤਿਆ ਨਹੀਂ ਜਾ ਸਕਦਾ। ਟਰਾਈ ਚੇਅਰਮੈਨ ਨੇ ਕਿਹਾ ਕਿ ਸੈੱਟ ਟਾਪ ਬਾਕਸ ਨੂੰ ਪਹਿਲਾਂ ਤੋਂ ਹੀ ਕਿਸੇ ਖ਼ਾਸ ਕੰਪਨੀ ਦਾ ਸਾਫਟਵੇਅਰ ਲੋਡ ਕਰਕੇ ਵੇਚਣ ਦੀ ਥਾਂ ਅਜਿਹਾ ਤਰੀਕਾ ਅਪਣਾਇਆ ਜਾਵੇਗਾ ਜਿਸ ਨਾਲ ਬਾਕਸ ਖਰੀਦਣ ਤੋਂ ਬਾਅਦ ਸਾਫਟਵੇਅਰ ਡਾਊਨਲੋਡ ਦੀ ਇਜਾਜ਼ਤ ਹੋਵੇ।
Trai chairman RS Sharma
ਸ਼ਰਮਾ ਨੇ ਕਿਹਾ ਕਿ ਟਰਾਈ ਇਸ ਦਾ ਹੱਲ ਕੱਢਣ ਲਈ ਸਰਕਾਰੀ ਏਜੰਸੀਆਂ ਤੋਂ ਇਲਾਵਾ ਬਾਹਰਲੇ ਸਲਾਹਕਾਰਾਂ ਨਾਲ ਵੀ ਕੰਮ ਕਰ ਰਹੀ ਹੈ। ਸ਼ਰਮਾ ਮੁਤਾਬਕ ਇਹ ਤਕਨੀਕੀ ਸਮੱਸਿਆ ਹੈ। ਇਸ ਲਈ ਅਸੀਂ ਇਸ ਕੰਮ ਵਿਚ ਸੈਂਟਰ ਫਾਰ ਡਿਵਲਪਮੈਂਟ ਆਫ ਟੈਲੀਮੈਟਿਕਸ ਅਤੇ ਦੂਜੀਆਂ ਸੰਸਥਾਵਾਂ ਨੂੰ ਸ਼ਾਮਲ ਕੀਤਾ ਹੈ। ਦੱਸ ਦਈਏ ਕਿ ਦੇਸ਼ ਵਿਚ 16 ਕਰੋੜ ਪੇ-ਟੀਵੀ ਸਬਸਕ੍ਰਾਈਬਰਸ ਹਨ ਅਤੇ ਜ਼ਿਆਦਾਤਰ ਸੈੱਟ ਟੌਪ ਬਾਕਸ ਨਾਲ ਜੁੜੇ ਹੋਏ ਹਨ।
