ਜਾਣੋ, ਕੀ ਕਾਰਨ ਹਨ ਕਿ ਪ੍ਰਿਅੰਕਾ ਗਾਂਧੀ ਨੇ ਚੋਣਾਂ ਲੜਨ ਤੋਂ ਮਨ੍ਹਾਂ ਕਰ ਦਿੱਤਾ
ਨਵੀਂ ਦਿੱਲੀ: ਵਾਰਾਣਸੀ ਲੋਕ ਸਭਾ ਸੀਟ ਤੋਂ ਕਾਂਗਰਸ ਜਰਨਲ ਸਕੱਤਰ ਪ੍ਰਿਅੰਕਾ ਗਾਂਧੀ ਦੇ ਨਾਮ ਦੀ ਚਰਚਾ ਤੋਂ ਬਾਅਦ ਅਜੇ ਰਾਏ ਨੂੰ ਉਮੀਦਵਾਰ ਬਣਾਉਣ ਦੇ ਫੈਸਲੇ ’ਤੇ ਕਾਂਗਰਸ ’ਤੇ ਲਗਾਤਾਰ ਸਵਾਲ ਉੱਠ ਰਹੇ ਹਨ। ਹੁਣ ਇਸ ’ਤੇ ਓਵਰਸੀਜ ਕਾਂਗਰਸ ਦੇ ਚੇਅਰਮੈਨ ਅਤੇ ਗਾਂਧੀ ਪਰਵਾਰ ਦੇ ਕਰੀਬੀ ਸੈਮ ਪਿਤਰੋਦਾ ਨੇ ਸਫਾਈ ਦਿੰਦੇ ਹੋਏ ਕਿਹਾ ਕਿ ਚੋਣ ਨਾ ਲੜਨ ਦਾ ਫੈਸਲਾ ਪ੍ਰਿਅੰਕਾ ਗਾਂਧੀ ਦਾ ਅਪਣਾ ਹੀ ਸੀ।
Lok Sabha Election 2019
ਸੈਮ ਪਿਤਰੋਦਾ ਨੇ ਕਿਹਾ ਇਹ ਪ੍ਰਿਅੰਕਾ ਜੀ ਦਾ ਫੈਸਲਾ ਸੀ ਅਤੇ ਉਸ ਕੋਲ ਹੋਰ ਜ਼ਿੰਮੇਵਾਰੀਆਂ ਹਨ। ਉਹਨਾਂ ਨੇ ਸੋਚਿਆ ਕਿ ਇਕ ਸੀਟ ’ਤੇ ਧਿਆਨ ਲਗਾਉਣ ਦੀ ਬਜਾਏ ਉਹਨਾਂ ਨੂੰ ਅਪਣੀਆਂ ਹੋਰਨਾਂ ਡਿਊਟੀਆਂ ’ਤੇ ਫੋਕਸ ਕਰਨਾ ਚਾਹੀਦਾ ਹੈ ਜੋ ਕਿ ਚੋਣ ਇੰਚਾਰਜ ਦੇ ਰੂਪ ਵਿਚ ਉਹਨਾਂ ਨੂੰ ਮਿਲੀਆਂ ਹਨ। ਇਸ ਲਈ ਫੈਸਲਾ ਉਹਨਾਂ ਦਾ ਅਪਣਾ ਹੀ ਸੀ ਅਤੇ ਉਹਨਾਂ ਨੇ ਆਪ ਹੀ ਇਹ ਤੈਅ ਕੀਤਾ ਸੀ।
Priyanka Gandhi
ਦਸ ਦਈਏ ਕਿ ਵਾਰਾਣਸੀ ਤੋਂ ਪ੍ਰਿਅੰਕਾ ਗਾਂਧੀ ਦੇ ਚੋਣ ਲੜਨ ਦੀ ਚਰਚਾ ਹੋਈ ਸੀ ਪਰ ਰਾਏ ਦੇ ਨਾਮ ਦੇ ਐਲਾਨ ਤੋਂ ਬਾਅਦ ਤੈਅ ਹੋ ਗਿਆ ਕਿ ਪ੍ਰਿਅੰਕਾ ਗਾਂਧੀ ਚੋਣ ਨਹੀਂ ਲੜੇਗੀ। ਚਰਚਾ ਇਹ ਵੀ ਹੋਈ ਹੈ ਕਿ ਉਹ ਆਉਣ ਵਾਲੇ ਸਮੇਂ ਵਿਚ ਅਮੇਠੀ ਤੋਂ ਉਪ ਚੋਣਾਂ ਲਈ ਚੋਣ ਮੈਦਾਨ ਵਿਚ ਉੱਤਰ ਸਕਦੀ ਹੈ। ਪਹਿਲਾਂ ਅਜਿਹਾ ਕਿਹਾ ਜਾ ਰਿਹਾ ਸੀ ਕਿ ਪ੍ਰਿਅੰਕਾ ਨੇ ਚੋਣਾਂ ਦੀ ਗੱਲ ਰਾਹੁਲ ਗਾਂਧੀ ’ਤੇ ਛੱਡ ਦਿੱਤੀ ਸੀ ਅਤੇ ਰਾਹੁਲ ਗਾਂਧੀ ਨਹੀਂ ਚਾਹੁੰਦੇ ਸਨ ਕਿ ਪ੍ਰਿਅੰਕਾ ਗਾਂਧੀ ਪਹਿਲਾਂ ਹੀ ਹਾਰ ਸਾਹਮਣਾ ਕਰੇ।
Voting
ਪਾਰਟੀ ਨੂੰ ਲਗਦਾ ਹੈ ਕਿ ਪਹਿਲਾਂ ਹੀ ਚੋਣਾਂ ਵਿਚ ਮੋਦੀ ਵਰਗੇ ਆਗੂ ਦਾ ਸਾਹਮਣਾ ਕਰਨਾ ਅਸਾਨ ਕੰਮ ਨਹੀਂ ਹੈ। ਇਸ ਪਿੱਛੇ ਸੋਚ ਸੀ ਕਿ ਮੋਦੀ ਟੀਮ ਹਰ ਮਾਮਲੇ ਵਿਚ ਪ੍ਰਿਅੰਕਾ ਅਤੇ ਕਾਂਗਰਸ ਤੋਂ ਮਜ਼ਬੂਤ ਹੈ। ਜੇਕਰ ਪ੍ਰਿਅੰਕਾ ਇੱਥੋਂ ਹਾਰ ਜਾਂਦੀ ਹੈ ਤਾਂ ਉਹਨਾਂ ਦਾ ਰਾਜਨੀਤਿਕ ਕਰੀਅਰ ਸ਼ੁਰੂ ਹੋਣ ਤੋਂ ਪਹਿਲਾਂ ਹੀ ਖਤਮ ਹੋ ਜਾਵੇਗਾ। ਦੂਜੇ ਪਾਸੇ ਪਾਰਟੀ ਵਿਚ ਕਿਹਾ ਜਾ ਰਿਹਾ ਹੈ ਕਿ ਪ੍ਰਿਅੰਕਾ ਗਾਂਧੀ ਦੇ ਵਾਰਾਣਸੀ ਤੋਂ ਲੜਨ ਦੀ ਗੱਲ ਹਮੇਸ਼ਾ ਪਰਵਾਰ ਵਿਚ ਹੀ ਰਹੀ ਹੈ।
ਕਦੇ ਵੀ ਪਾਰਟੀ ਵਿਚ ਨਹੀਂ ਆਈ। ਇਹ ਵੀ ਕਿਹਾ ਜਾ ਰਿਹਾ ਹੈ ਕਿ ਕਾਂਗਰਸ ਯੂਪੀ ਵਿਚ ਗਠਜੋੜ ਨੂੰ ਨੁਕਸਾਨ ਨਹੀਂ ਪਹੁੰਚਾਉਣਾ ਚਾਹੁੰਦੀ, ਇਸ ਲਈ ਉਸ ਨੇ ਪ੍ਰਿਅੰਕਾ ਨੂੰ ਉੱਥੋਂ ਉਤਾਰਨ ਤੋਂ ਬਚਣ ਦਾ ਫੈਸਲਾ ਕੀਤਾ ਹੈ। ਦਸ ਦਈਏ ਕਿ ਕਾਂਗਰਸ ਸਮੇਤ ਗਠਜੋੜ ਪ੍ਰਤੀ ਲਗਦਾ ਹੈ ਕਿ ਜੇਕਰ ਪ੍ਰਿਅੰਕਾ ਵਾਰਾਣਸੀ ਤੋਂ ਮੈਦਾਨ ਵਿਚ ਉਤਰੀ ਤਾਂ ਸਿਰਫ ਬਨਾਰਸ ਹੀ ਨਹੀਂ, ਬਲਕਿ ਯੂਪੀ ਸਮੇਤ ਲਖਨਊ ਤਕ ਦੀਆਂ ਸੀਟਾਂ ’ਤੇ ਇਸ ਦਾ ਅਸਰ ਹੋਵੇਗਾ ਅਤੇ ਲੋਕ ਕਾਂਗਰਸ ਵੱਲ ਆਉਂਦੇ ਤਾਂ ਇਸ ਦਾ ਨੁਕਸਾਨ ਬੀਜੇਪੀ ਨੂੰ ਹੋਣ ਦੀ ਬਜਾਏ ਗਠਜੋੜ ਨੂੰ ਹੋਵੇਗਾ।
