ਚੀਫ ਵਿਜੀਲੈਂਸ ਅਫ਼ਸਰ ਗਿਆਨੇਸ਼ਵਰ ਸਿੰਘ ਕਰ ਰਹੇ ਹਨ ਮਾਮਲੇ ਦੀ ਡੂੰਘਾਈ ਨਾਲ ਜਾਂਚ
ਮੁੰਬਈ : ਡਰੱਗਜ਼ ਪਾਰਟੀ ਮਾਮਲੇ 'ਚ ਸੋਮਵਾਰ ਨੂੰ ਅਦਾਲਤ 'ਚ ਦੋ ਹਲਫ਼ਨਾਮੇ ਦਾਖ਼ਲ ਕੀਤੇ ਗਏ, ਜਿਨ੍ਹਾਂ 'ਤੇ ਸੈਸ਼ਨ ਕੋਰਟ ਨੇ ਸੁਣਵਾਈ ਕੀਤੀ। ਇੱਕ ਹਲਫ਼ਨਾਮਾ ਨਾਰਕੋਟਿਕਸ ਕੰਟਰੋਲ ਬਿਊਰੋ (NCB) ਵਲੋਂ ਦਾਇਰ ਕੀਤਾ ਗਿਆ ਸੀ, ਜਦਕਿ ਦੂਜਾ ਹਲਫ਼ਨਾਮਾ ਐਨਸੀਬੀ ਅਧਿਕਾਰੀ ਸਮੀਰ ਵਾਨਖੇੜੇ ਵਲੋਂ ਦਾਇਰ ਕੀਤਾ ਗਿਆ ਸੀ। ਇਸ ਦੌਰਾਨ ਸਮੀਰ ਵਾਨਖੇੜੇ ਦੀਆਂ ਮੁਸ਼ਕਲਾਂ ਵਧ ਗਈਆਂ ਹਨ ਅਤੇ ਭ੍ਰਿਸ਼ਟਾਚਾਰ ਦੇ ਦੋਸ਼ਾਂ ਨੂੰ ਲੈ ਕੇ NCB ਨੇ ਵਿਜੀਲੈਂਸ ਜਾਂਚ ਸ਼ੁਰੂ ਕਰ ਦਿਤੀ ਹੈ।
Aryan Khan
ਨਾਰਕੋਟਿਕਸ ਕੰਟਰੋਲ ਬਿਊਰੋ (ਐਨਸੀਬੀ) ਦੀ ਵਿਜੀਲੈਂਸ ਟੀਮ ਨੇ ਗਵਾਹ ਵੱਲੋਂ ਲਾਏ ਗਏ ਰਿਸ਼ਵਤ ਦੇ ਦੋਸ਼ਾਂ ਤੋਂ ਬਾਅਦ ਸਮੀਰ ਵਾਨਖੇੜੇ ਦੀ ਅੰਦਰੂਨੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਮੁੰਬਈ ਦਫ਼ਤਰ ਤੋਂ ਦਿੱਲੀ ਹੈੱਡਕੁਆਰਟਰ ਨੇ NCB 'ਤੇ ਲੱਗੇ ਦੋਸ਼ਾਂ ਦੀ ਪੂਰੀ ਰਿਪੋਰਟ ਤਲਬ ਕੀਤੀ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਐਨਸੀਬੀ ਦੇ ਚੀਫ ਵਿਜੀਲੈਂਸ ਅਫ਼ਸਰ ਗਿਆਨੇਸ਼ਵਰ ਸਿੰਘ ਮਾਮਲੇ ਦੀ ਡੂੰਘਾਈ ਨਾਲ ਜਾਂਚ ਕਰ ਰਹੇ ਹਨ।
ਨਾਰਕੋਟਿਕਸ ਕੰਟਰੋਲ ਬਿਊਰੋ (NCB) ਦੇ ਵਕੀਲ ਅਦਵੈਤ ਸੇਠਨਾ ਨੇ ਕਿਹਾ, ''ਜਾਂਚ ਨੂੰ ਕਮਜ਼ੋਰ ਕਰਨ ਲਈ ਕਾਫੀ ਕੋਸ਼ਿਸ਼ਾਂ ਕੀਤੀਆਂ ਜਾ ਰਹੀਆਂ ਹਨ। ਇਸ ਦੇ ਲਈ ਕਦੇ ਗਵਾਹਾਂ ਨੂੰ ਪ੍ਰਭਾਵਿਤ ਕਰ ਕੇ ਅਤੇ ਕਦੇ ਧਮਕੀਆਂ ਦੇ ਕੇ ਜਾਂਚ ਨੂੰ ਪ੍ਰਭਾਵਿਤ ਕੀਤਾ ਜਾ ਰਿਹਾ ਹੈ।
Aryan Khan
ਐਨਸੀਬੀ ਅਧਿਕਾਰੀ ਸਮੀਰ ਵਾਨਖੇੜੇ ਨੇ ਹਲਫ਼ਨਾਮੇ ਵਿੱਚ ਕਿਹਾ, 'ਮੇਰੇ ਪਰਿਵਾਰ ਨੂੰ ਧਮਕੀ ਦਿਤੀ ਜਾ ਰਹੀ ਹੈ ਅਤੇ ਅੱਜ ਵੀ ਸੋਸ਼ਲ ਮੀਡੀਆ 'ਤੇ ਮੇਰੇ ਨਿੱਜੀ ਨਾਂ ਬਾਰੇ ਪੋਸਟ ਕੀਤਾ ਗਿਆ ਹੈ। ਮਾਮਲੇ ਦੇ ਗਵਾਹ ਸਾਹਮਣੇ ਆ ਰਹੇ ਹਨ ਅਤੇ ਜਾਂਚ ਨੂੰ ਮੋੜਨ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ। ਮੈਂ ਮਾਮਲੇ ਦੀ ਕਿਸੇ ਵੀ ਜਾਂਚ ਲਈ ਤਿਆਰ ਹਾਂ। ਸਮੀਰ ਵਾਨਖੇੜੇ ਨੇ ਅਦਾਲਤ ਵਿਚ ਇੱਕ ਹਲਫ਼ਨਾਮਾ ਦਾਇਰ ਕਰ ਕੇ ਬੇਨਤੀ ਕੀਤੀ ਕਿ ਧਮਕੀ ਦੇਣ ਅਤੇ ਜਾਂਚ ਵਿਚ ਰੁਕਾਵਟ ਪਾਉਣ ਦੀਆਂ ਕੋਸ਼ਿਸ਼ਾਂ ਦਾ ਨੋਟਿਸ ਲਿਆ ਜਾਵੇ।
Aryan Khan and detective KP Gosavi
ਇਹ ਵੀ ਪੜ੍ਹੋ : ਪਾਕਿਸਤਾਨ ਦੀ ਜਿੱਤ 'ਤੇ ਦੇਸ਼ 'ਚ ਪਟਾਕੇ ਚਲਾਏ ਗਏ, ਫਿਰ ਦੀਵਾਲੀ 'ਤੇ ਚਲਾਉਣ 'ਚ ਕੀ ਹਰਜ਼ ?:ਸਹਿਵਾਗ
ਡਰੱਗ ਮਾਮਲੇ 'ਚ NCB ਦੇ ਦੋਸ਼ਾਂ 'ਚ ਘਿਰੇ ਆਰੀਅਨ ਖਾਨ ਦੇ ਮਾਮਲੇ 'ਚ ਕੱਲ੍ਹ ਨਵਾਂ ਮੋੜ ਆਇਆ ਹੈ। ਡਰੱਗਜ਼ ਮਾਮਲੇ ਵਿੱਚ ਇੱਕ 'ਰਿਕਵਰੀ ਕਨੈਕਸ਼ਨ' ਦਾ ਦਾਅਵਾ ਕੀਤਾ ਜਾ ਰਿਹਾ ਹੈ ਅਤੇ ਦਾਅਵੇਦਾਰ ਉਹ ਵਿਅਕਤੀ ਹੈ ਜਿਸ ਨੂੰ ਐਨਸੀਬੀ ਵਲੋਂ ਗਵਾਹ ਬਣਾਇਆ ਗਿਆ ਸੀ। ਪ੍ਰਭਾਕਰ ਸੇਲ ਦਾ ਇਲਜ਼ਾਮ ਹੈ ਕਿ NCB ਨੇ ਉਸ ਨੂੰ ਇੱਕ ਕੋਰੇ ਕਾਗਜ਼ 'ਤੇ ਦਸਤਖ਼ਤ ਕਰਵਾਏ ਅਤੇ ਆਰੀਅਨ ਦੀ ਰਿਹਾਈ ਲਈ 18 ਕਰੋੜ ਵਿਚ ਸੌਦਾ ਕੀਤਾ ਗਿਆ। ਸਮੀਰ ਵਾਨਖੇੜੇ ਨੇ ਦੋਸ਼ਾਂ ਤੋਂ ਇਨਕਾਰ ਕੀਤਾ ਹੈ।
parbhakar Sail
ਪ੍ਰਭਾਕਰ ਸੇਲ ਦਾ ਪਹਿਲਾ ਇਲਜ਼ਾਮ ਹੈ ਕਿ ਉਸ ਨੂੰ ਗਵਾਹ ਬਣਾਉਣ ਲਈ ਸਾਦੇ ਕਾਗਜ਼ 'ਤੇ ਦਸਤਖਤ ਕੀਤੇ ਗਏ ਸਨ। ਦੂਜਾ ਇਲਜ਼ਾਮ ਹੈ ਕਿ ਐਨਸੀਬੀ ਨੇ ਇਸ ਨੂੰ ਪੰਚਨਾਮਾ ਪੇਪਰ ਦੱਸ ਕੇ ਦਸਤਖ਼ਤ ਕਰਵਾਏ ਸਨ। ਤੀਜਾ ਇਲਜ਼ਾਮ ਹੈ ਕਿ 18 ਕਰੋੜ ਰੁਪਏ ਦਾ ਸੌਦਾ ਹੋਇਆ ਸੀ। ਚੌਥਾ ਇਲਜ਼ਾਮ ਹੈ ਕਿ 8 ਕਰੋੜ ਰੁਪਏ ਸਮੀਰ ਵਾਨਖੇੜੇ ਨੂੰ ਦਿਤੇ ਜਾਣੇ ਸਨ। ਤੁਹਾਨੂੰ ਦੱਸ ਦਈਏ ਕਿ ਪ੍ਰਭਾਕਰ ਕਿਰਨ ਗੋਸਾਵੀ ਦਾ ਬਾਡੀਗਾਰਡ ਹੈ, ਜਿਸ ਦੀ ਆਰੀਅਨ ਖਾਨ ਨਾਲ ਫ਼ੋਟੋ ਸਾਹਮਣੇ ਆਈ ਸੀ ਅਤੇ ਇਸ ਨੂੰ ਲੈ ਕੇ ਵਿਵਾਦ ਹੋ ਗਿਆ ਸੀ। ਉਸ ਵਿਰੁੱਧ ਧੋਖਾਧੜੀ ਅਤੇ ਧੋਖਾਧੜੀ ਦੇ ਕਈ ਮਾਮਲੇ ਦਰਜ ਹਨ ਅਤੇ ਉਹ ਫ਼ਰਾਰ ਹੈ।
