ਜੱਜ ਨੇ ਕ੍ਰਿਸ਼ਨ ਜੀ ਦੀ 'ਮੱਖਣ ਚੋਰੀ' ਕਹਾਣੀ ਦਾ ਹਵਾਲਾ ਦਿੰਦੇ ਹੋਏ ਮਠਿਆਈ ਚੋਰੀ ਕਰਨ ਦੇ ਦੋਸ਼ੀ, ਬੱਚੇ ਨੂੰ ਬਰੀ ਕਰ ਦਿੱਤਾ।
ਬਿਹਾਰ ਸ਼ਰੀਫ: ਇੱਕ ਅਨੋਖਾ ਫੈਸਲਾ ਲੈਂਦਿਆਂ ਬਿਹਾਰ ਦੇ ਜੱਜ ਨੇ ਇੱਕ ਲੜਕੇ ਨੂੰ ਬਰੀ ਕਰ ਦਿੱਤਾ, ਜਿਸ ਉੱਤੇ ਚੋਰੀ ਅਤੇ ਮਠਿਆਈ ਖਾਣ ਦੇ ਦੋਸ਼ ਲੱਗੇ ਸਨ। ਬਾਲ ਨਿਆਂ ਬੋਰਡ (JJB) ਦੇ ਜੱਜ ਮਾਨਵੇਂਦਰ ਮਿਸ਼ਰਾ ਨੇ ਕ੍ਰਿਸ਼ਨ ਜੀ (Lord Krishna's Tale) ਦੀ 'ਮੱਖਣ ਚੋਰੀ' ਕਹਾਣੀ ਦਾ ਹਵਾਲਾ ਦਿੰਦੇ ਹੋਏ ਮਠਿਆਈ ਚੋਰੀ ਕਰਨ ਦੇ ਦੋਸ਼ੀ, ਕਿਸ਼ੋਰ ਨੂੰ ਬਰੀ ਕਰ ਦਿੱਤਾ ਹੈ।
ਹੋਰ ਵੀ ਪੜ੍ਹੋ: ਗੁਜਰਾਤ: ਹੀਰਾ ਕਾਰੋਬਾਰੀ ’ਤੇ IT ਵਿਭਾਗ ਦਾ ਛਾਪਾ, ਕਰੋੜਾਂ ਰੁਪਏ ਦੀ ਟੈਕਸ ਚੋਰੀ ਦਾ ਦਾਅਵਾ
PHOTO
ਇਹ ਘਟਨਾ ਬਿਹਾਰ ਦੇ ਨਾਲੰਦਾ ਜ਼ਿਲ੍ਹੇ ਦੇ ਹਰਨੌਤ ਥਾਣਾ ਖੇਤਰ ਅਧੀਨ ਆਉਂਦੇ ਇੱਕ ਪਿੰਡ ਵਿਚ ਵਾਪਰੀ ਹੈ। ਜੱਜ ਨੇ ਕਿਹਾ ਕਿ, “ਜਦੋਂ ਭਗਵਾਨ ਕ੍ਰਿਸ਼ਨ ਦੀ ‘ਮੱਖਣ ਚੋਰੀ’ ਬਾਲ-ਲੀਲਾ ਹੋ ਸਕਦੀ ਹੈ ਤਾਂ ਇਸ ਬੱਚੇ ਦੀ ਮਠਿਆਈ ਚੋਰੀ (Child Stealing Sweets) ਨੂੰ ਵੀ ਅਪਰਾਧ ਨਹੀਂ ਮੰਨਿਆ ਜਾਣਾ ਚਾਹੀਦਾ। ਉਹ ਵੀ ਉਦੋਂ ਜਦੋਂ ਨਾਬਾਲਗ ਕੋਲ ਭੋਜਨ ਨਹੀਂ ਸੀ। ਸਮਾਜ ਵਿਚ ਦੋਹਰੇ ਮਾਪਦੰਡ ਨਹੀਂ ਹੋਣੇ ਚਾਹੀਦੇ।”
ਹੋਰ ਵੀ ਪੜ੍ਹੋ: 'ਆਪ' 'ਚ ਸ਼ਾਮਲ ਹੋਣ ਦੀਆਂ ਖ਼ਬਰਾਂ ਨੂੰ ਸੋਨੀਆ ਮਾਨ ਨੇ ਨਕਾਰਿਆਂ
PHOTO
ਕ੍ਰਿਸ਼ਨਾ ਦੀ ਕਹਾਣੀ ਨੂੰ ਧਿਆਨ ਵਿਚ ਰੱਖ ਕੇ ਜੱਜ ਨੇ ਫੈਸਲਾ ਸੁਣਾਉਂਦਿਆਂ ਕਿਹਾ ਕਿ ਸਮਾਜ ਵਿਚ ਦੋਹਰੇ ਮਾਪਦੰਡ ਨਹੀਂ ਹੋਣੇ ਚਾਹੀਦੇ। ਜੱਜ ਨੇ ਬਾਲ ਭਲਾਈ ਪੁਲਿਸ ਅਧਿਕਾਰੀ ਦੀ ਕਾਰਵਾਈ 'ਤੇ ਵੀ ਟਿੱਪਣੀਆਂ ਕਰਦਿਆਂ ਕਿਹਾ ਕਿ, “ਅਜਿਹੇ ਮਾਮਲਿਆਂ ਵਿਚ FIR ਨਹੀਂ ਹੋਣੀ ਚਾਹੀਦੀ ਸੀ। ਇਸ ਮਾਮਲੇ ਨੂੰ ਪੁਲਿਸ ਸਟੇਸ਼ਨ ਦੀ ਡਾਇਰੀ ਵਿਚ ਦਰਜ ਕਰ ਕੇ ਹੀ ਹੱਲ ਕੀਤਾ ਜਾਣਾ ਚਾਹੀਦਾ ਸੀ।”
ਹੋਰ ਵੀ ਪੜ੍ਹੋ: ਇਕਬਾਲਪ੍ਰੀਤ ਸਿੰਘ ਸਹੋਤਾ ਬਣੇ ਪੰਜਾਬ ਦੇ ਨਵੇਂ DGP, ਦਿਨਕਰ ਗੁਪਤਾ ਨੂੰ ਅਹੁਦੇ ਤੋਂ ਹਟਾਇਆ
ਜੱਜ ਨੇ ਸ਼ਿਕਾਇਤ ਕਰਨ ਵਾਲੀ ਔਰਤ ਦੇ ਵਕੀਲ ਤੋਂ ਇਹ ਵੀ ਪੁੱਛਿਆ ਕਿ ਜੇ ਉਸ ਦਾ ਬੱਚਾ ਪਰਸ ਵਿਚੋਂ ਪੈਸੇ ਕੱਢ ਲੈਂਦਾ ਹੈ ਤਾਂ ਕੀ ਉਹ ਆਪਣੇ ਬੱਚੇ ਨੂੰ ਜੇਲ੍ਹ ਭੇਜਦੀ? ਔਰਤ ਨੇ 7 ਸਤੰਬਰ ਨੂੰ ਲੜਕੇ 'ਤੇ ਫਰਿੱਜ ਵਿਚੋਂ ਮਠਿਆਈ ਚੋਰੀ ਕਰਨ ਅਤੇ ਖਾਣ ਅਤੇ ਉਸ ਦਾ ਮੋਬਾਈਲ ਫੋਨ ਖੋਹ ਲੈਣ ਦਾ ਦੋਸ਼ ਲਾਇਆ ਸੀ। ਇਸ ਤੋਂ ਬਾਅਦ ਕਿਸ਼ੋਰ ਨੂੰ ਬਾਲ ਅਦਾਲਤ ਵਿਚ ਪੇਸ਼ ਕੀਤਾ ਗਿਆ, ਜਿਥੇ ਉਸ ਨੇ ਮੰਨਿਆ ਸੀ ਕਿ ਉਸ ਨੇ ਭੁੱਖੇ ਹੋਣ ਦੇ ਕਾਰਨ ਮਠਿਆਈ ਖਾਧੀ ਅਤੇ ਗੇਮ ਖੇਡਣ ਲਈ ਮੋਬਾਈਲ ਖੋਹ ਲਿਆ ਸੀ।
PHOTO
ਕਿਸ਼ੋਰ ਨੇ ਦੱਸਿਆ ਕਿ ਉਸ ਦੇ ਪਿਤਾ ਬੱਸ ਚਲਾਉਂਦੇ ਸਨ, ਜਿਨ੍ਹਾਂ ਦੀ ਰੀੜ੍ਹ ਦੀ ਹੱਡੀ ਸੜਕ ਹਾਦਸੇ ਵਿਚ ਟੁੱਟ ਗਈ ਹੈ ਅਤੇ ਹੁਣ ਘਰ ਵਿਚ ਕਮਾਉਣ ਵਾਲਾ ਕੋਈ ਨਹੀਂ ਹੈ। ਉਸ ਦੀ ਮਾਂ ਮਾਨਸਿਕ ਤੌਰ ਤੇ ਬਿਮਾਰ ਹੈ। ਕਿਸ਼ੋਰ ਦੇ ਕਹਿਣ ’ਤੇ ਉਸ ਨੂੰ ਉਸ ਦੇ ਜੀਜੇ ਨੂੰ ਸੌਂਪ ਦਿੱਤਾ ਗਿਆ ਹੈ। ਜੱਜ ਨੇ ਭੋਜਪੁਰ ਬਾਲ ਭਲਾਈ ਵਿਭਾਗ ਦੇ ਅਧਿਕਾਰੀਆਂ ਨੂੰ ਕਿਸ਼ੋਰ ਦੀ ਵਿਦਿਅਕ ਅਤੇ ਹੋਰ ਜ਼ਰੂਰਤਾਂ ਦਾ ਧਿਆਨ ਰੱਖਣ ਦੇ ਆਦੇਸ਼ ਦਿੱਤੇ ਹਨ।
