ਅਮਿਤ ਸ਼ਾਹ ਨੇ ਕਾਂਗਰਸ, ਬਹੁਜਨ ਸਮਾਜ ਪਾਰਟੀ, ਸਮਾਜਵਾਦੀ ਪਾਰਟੀ ਉੱਤੇ ਅਤਿਵਾਦੀਆਂ ਦੇ ਨਾਲ ਨਰਮਾਈ ਵਿਚ ਪੇਸ਼ ਆਉਣ ਦਾ ਇਲਜ਼ਾਮ ਲਗਾਇਆ
ਗਾਜੀਪੁਰ: ਭਾਰਤੀ ਜਨਤਾ ਪਾਰਟੀ (ਭਾਜਪਾ) ਦੇ ਪ੍ਰਧਾਨ ਅਮਿਤ ਸ਼ਾਹ ਨੇ ਕਾਂਗਰਸ, ਬਹੁਜਨ ਸਮਾਜ ਪਾਰਟੀ, ਸਮਾਜਵਾਦੀ ਪਾਰਟੀ ਉੱਤੇ ਅਤਿਵਾਦੀਆਂ ਦੇ ਨਾਲ ਨਰਮਾਈ ਵਿਚ ਪੇਸ਼ ਆਉਣ ਦਾ ਇਲਜ਼ਾਮ ਲਗਾਉਂਦੇ ਹੋਏ ਕਿਹਾ ਕਿ ਟੁਕੜੇ ਟੁਕੜੇ ਗੈਂਗ ਦੇ ਸਮਰਥਕਾਂ ਤੋਂ ਦੇਸ਼ ਦੀ ਸੁਰੱਖਿਆ ਨਹੀਂ ਹੋਵੇਗੀ ਅਤੇ ਵਿਕਾਸ ਦਾ ਕੋਈ ਮਤਲਬ ਨਹੀਂ ਰਹਿ ਜਾਵੇਗਾ। ਸ਼ਾਹ ਨੇ ਪਾਰਟੀ ਦੇ ਸੀਨੀਅਰ ਨੇਤਾ ਅਤੇ ਕੇਂਦਰੀ ਮੰਤਰੀ ਮਨੋਜ ਸਿਨ੍ਹਾ ਦੇ ਨਾਮਕਨ ਤੋਂ ਪਹਿਲਾਂ ਇੱਕ ਵਿਸ਼ਾਲ ਜਨ ਸਭਾ ਨੂੰ ਸੰਬੋਧਿਤ ਕਰਦੇ ਹੋਏ ਕਿਹਾ ਕਿ ਸਿਨ੍ਹਾ ਦੀ ਕੋਸ਼ਿਸ਼ ਨਾਲ ਪੂਰਵਾਂਚਲ ਵਿਕਾਸ ਦੇ ਰਾਹ ਤੇ ਦੌੜ ਪਿਆ ਹੈ। ਵਿਕਾਸ ਤੋਂ ਵਾਂਝੇ ਗਾਜੀਪੁਰ ਵਿਚ ਚਾਰੇ ਪਾਸੇ ਤਰੱਕੀ ਹੋਈ ਹੈ।
ਉਨ੍ਹਾਂ ਨੇ ਕਿਸਾਨਾਂ ਅਤੇ ਗਰੀਬਾਂ ਨੂੰ ਮਿਲੇ ਲਾਭਾਂ ਦਾ ਚਰਚਾ ਕੀਤੀ। ਭਾਜਪਾ ਪ੍ਰਧਾਨ ਨੇ ਕਿਹਾ ਕਿ ਡਾਕਟਰ ਮਨਮੋਹਨ ਸਿੰਘ ਦੇ ਕਾਰਜਕਾਲ ਵਿਚ ਅਤਿਵਾਦੀ ਭਾਰਤ ਵਿਚ ਵੜਕੇ ਹਮਲਾ ਕਰਦੇ ਸਨ ਅਤੇ ਜਵਾਨਾਂ ਦੇ ਸਿਰ ਕੱਟ ਕੇ ਲੈ ਜਾਂਦੇ ਸਨ ਪਰ ਪ੍ਰਧਾਨਮੰਤਰੀ ਪੀਐਮ ਮੋਦੀ ਦੀ ਸਰਕਾਰ ਨੇ ਉੜੀ ਵਿੱਚ ਹਮਲੇ ਤੋਂ ਬਾਅਦ ਸਰਜੀਕਲ ਸਟ੍ਰਾਈਕ ਕੀਤੀ ਅਤੇ ਪੁਲਵਾਮਾ ਹਮਲੇ ਤੋਂ ਬਾਅਦ ਪਾਕਿਸਤਾਨ ਦੇ ਅੰਦਰ ਵੜ ਕੇ ਬਾਲਾਕੋਟ ਵਿਚ ਅਤਿਵਾਦੀਆਂ ਨੂੰ ਢੇਰ ਕਰ ਦਿੱਤਾ। 40 ਜਵਾਨਾਂ ਦਾ ਪੁਲਵਾਮਾ ਹਮਲੇ ਤੋਂ 13ਵੇਂ ਦਿਨ ਬਦਲਾ ਲੈ ਲਿਆ।
Narender Modi
ਉਨ੍ਹਾਂਨੇ ਕਿਹਾ ਕਿ ਪਰ ਬਾਲਾਕੋਟ ਵਿਚ ਜੈਸ਼-ਏ-ਮੁਹੰਮਦ ਦੇ ਠਿਕਾਣਿਆ ਉੱਤੇ ਏਅਰ ਸਟ੍ਰਾਈਕ ਤੋਂ ਬਾਅਦ ਦੋ ਸਥਾਨਾਂ ਤੇ ਦਹਿਸ਼ਤ ਛਾਈ ਹੋਈ ਸੀ। ਪਾਕਿਸਤਾਨ ਵਿਚ ਰੋਣਾ ਕੁੱਟਣਾ ਹੋ ਰਿਹਾ ਸੀ ਅਤੇ ਭੂਆ ਭਤੀਜੇ ਅਤੇ ਰਾਹੁਲ ਗਾਂਧੀ ਦੇ ਚਿਹਰੇ ਦਾ ਰੰਗ ਉੱਡਿਆ ਹੋਇਆ ਸੀ। ਕੀ ਅਤਿਵਾਦੀ ਉਨ੍ਹਾਂ ਦੇ ਰਿਸ਼ਤੇਦਾਰ ਸਨ। ਉਨ੍ਹਾਂ ਨੇ ਕਿਹਾ ਕਿ ਕਾਂਗਰਸ, ਸਪਾ , ਬਸਪਾ ਅਤਿਵਾਦੀਆਂ ਨਾਲ ਈਲੂ-ਈਲੂ ਕਰਦੇ ਹਨ ਪਰ ਪ੍ਰਧਾਨਮੰਤਰੀ ਨਰਿੰਦਰ ਮੋਦੀ ਦੀ ਨੀਤੀ ਹੈ ਕਿ ਜੇ ਸੀਮਾ ਪਾਰ ਤੋਂ ਗੋਲੀ ਆਵੇਗੀ ਤਾਂ ਇਧਰੋ ਗੋਲਾ ਜਾਵੇਗਾ। ਇੱਟ ਦਾ ਜਵਾਬ ਪੱਥਰ ਨਾਲ ਦਿੱਤਾ ਜਾਵੇਗਾ।
ਉਨ੍ਹਾਂ ਨੇ ਕਿਹਾ ਕਿ ਕਾਂਗਰਸ ਦੇ ਸਾਥੀ ਨੈਸ਼ਨਲ ਕਾਨਫਰੰਸ ਦੇ ਨੇਤਾ ਉਮਰ ਅਬਦੁੱਲਾ ਜੰਮੂ-ਕਸ਼ਮੀਰ ਵਿਚ ਦੂਜਾ ਪ੍ਰਧਾਨ ਮੰਤਰੀ ਬਣਾਉਣ ਦੀ ਮੰਗ ਕਰ ਰਹੇ ਹਨ ਪਰ ਰਾਹੁਲ ਗਾਂਧੀ ਇਸ ਉੱਤੇ ਚੁੱਪ ਬੈਠੇ ਹੋਏ ਹਨ। ਉਨ੍ਹਾਂ ਨੇ ਕਿਹਾ ਕਿ ਜਵਾਹਰ ਲਾਲ ਨਹਿਰੂ ਯੂਨੀਵਰਸਿਟੀ ਵਿਚ ਟੁਕੜਾ ਟੁਕੜਾ ਗੈਂਗ ਹੈ। ਪੀਐਮ ਮੋਦੀ ਨੇ ਉਨ੍ਹਾਂ ਨੂੰ ਦੇਸ਼ ਧਰੋਹ ਦੇ ਇਲਜ਼ਾਮ ਵਿਚ ਸਲਾਖਾਂ ਦੇ ਪਿੱਛੇ ਭੇਜ ਦਿੱਤਾ। ਇਸ ਉੱਤੇ ਕਾਂਗਰਸ ਨੇ ਆਪਣੀ ਘੋਸ਼ਣਾ ਕੀਤੀ ਹੈ ਕਿ ਦੇਸ਼ ਧਰੋਹ ਦੇ ਕਨੂੰਨ ਨੂੰ ਖ਼ਤਮ ਕਰ ਦਿੱਤਾ ਜਾਵੇਗਾ।
Omar Abdullah
ਪੂਰਵਾਂਚਲ ਦੀਆਂ ਸਭ ਤੋਂ ਮਹੱਤਵਪੂਰਣ ਸੀਟਾਂ ਵਿਚੋਂ ਇੱਕ ਗਾਜੀਪੁਰ ਦੇ ਲੰਕਾ ਮੈਦਾਨ ਵਿਚ ਪੰਦਰਾਂ ਹਜਾਰ ਤੋਂ ਜਿਆਦਾ ਲੋਕਾਂ ਦੀ ਵਿਸ਼ਾਲ ਜਨ ਸਭਾ ਵਿਚ ਕੇਂਦਰੀ ਮੰਤਰੀ ਜਨਰਲ ਵੀਕੇ ਸਿੰਘ, ਸ਼ਿਵ ਪ੍ਰਤਾਪ ਸ਼ੁਕਲਾ, ਉੱਤਰ ਪ੍ਰਦੇਸ਼ ਸਰਕਾਰ ਦੇ ਮੰਤਰੀ ਸੂਰਜ ਪ੍ਰਤਾਪ ਸ਼ਾਹੀ, ਬਰਜੇਸ਼ ਪਾਠਕ, ਜੈ ਪ੍ਰਕਾਸ਼ ਨਿਸ਼ਾਦ ਲੋਕ ਸਭਾ ਸੀਟਾਂ ਦੇ ਭਾਜਪਾ ਉਮੀਦਵਾਰ ਵੀਰੇਂਦਰ ਸਿੰਘ ਮਸਤ ਅਤੇ ਹਰਿਨਾਰਾਇਣ ਰਾਜਭਰ, ਰਾਜ ਸਭਾ ਸੰਸਦ ਸਕਲਦੀਪ ਰਾਜਭਰ ਆਦਿ ਵੀ ਮੌਜੂਦ ਸਨ। ਉਸ ਤੋਂ ਬਾਅਦ ਸਿਨ੍ਹਾ ਲੰਕਾ ਮੈਦਾਨ ਤੋਂ ਜਿਲ੍ਹਾ ਚੋਣ ਅਧਿਕਾਰੀ ਦਫ਼ਤਰ ਤੱਕ ਰੋਡ ਸ਼ੋ ਕਰਦੇ ਹੋਏ ਗਏ ਅਤੇ ਨਾਮਜ਼ਦਗੀ ਪੱਤਰ ਦਾਖਲ ਕੀਤਾ।
