ਕਰੋਨਾ ਵਾਇਰਸ ਦੇ ਵੱਧ ਰਹੇ ਪ੍ਰਭਾਵ ਨੂੰ ਦੇਖਦਿਆਂ ਭਾਰਤ ਸਰਕਾਰ ਨੇ 14 ਅਪ੍ਰੈਲ ਤੱਕ ਪੂਰੇ ਦੇਸ਼ ਵਿਚ ਲੌਕਡਾਊਨ ਕਰ ਦਿੱਤਾ ਹੈ

ਕਰੋਨਾ ਵਾਇਰਸ ਦੇ ਵੱਧ ਰਹੇ ਪ੍ਰਭਾਵ ਨੂੰ ਦੇਖਦਿਆਂ ਭਾਰਤ ਸਰਕਾਰ ਨੇ 14 ਅਪ੍ਰੈਲ ਤੱਕ ਪੂਰੇ ਦੇਸ਼ ਵਿਚ ਲੌਕਡਾਊਨ ਕਰ ਦਿੱਤਾ ਹੈ। ਜਿਸ ਦੇ ਕਾਰਨ ਸਾਰੇ ਸਰਕਾਰੀ ਅਤੇ ਗੈਰ-ਸਰਕਾਰੀ ਕਰਮਚਾਰੀਆਂ ਨੂੰ ਘਰ ਤੋਂ ਬੈਠ ਕੇ ਹੀ ਕੰਮ ਕਰਨ ਦੇ ਲਈ ਕਿਹਾ ਗਿਆ ਹੈ। ਅਜਿਹੇ ਵਿਚ ਜੇਕਰ ਤੁਸੀਂ ਵੀ ਘਰ ਵਿਚ ਬੈਠ ਕੇ ਆਪਣੇ ਆਫਿਸ ਦਾ ਕੰਮ ਕਰਦੇ ਹੋ ਤਾਂ ਤੁਹਾਡੇ ਕੋਲ ਇੰਟਰਨੈੱਟ ਦੀ ਵਧੀਆ ਸਪੀਡ ਦਾ ਹੋਣਾ ਬਹੁਤ ਜਰੂਰੀ ਹੈ।

ਜੇਕਰ ਤੁਹਾਡੇ ਕੋਲ ਬ੍ਰਾਡਬੈਂਡ ਕਨੈਕਸ਼ਨ ਹੈ ਅਤੇ ਉਹ ਵੀ ਕਾਫੀ ਹੋਲੀ ਚੱਲਦਾ ਹੈ ਤਾਂ ਉਸ ਦੇ ਕਈ ਕਾਰਨ ਹੋ ਸਕਦੇ ਹਨ। ਉਸ ਦੀ ਰਫਤਾਰ ਨੂੰ ਬੂਸਟ ਵੀ ਕੀਤਾ ਜਾ ਸਕਦਾ ਹੈ। ਇਸ ਦੇ ਲਈ ਤੁਹਾਨੂੰ ਬਹੁਤ ਹੀ ਬੇਸਿਕ ਕੰਮ ਕਰਨ ਦੀ ਲੋੜ ਹੈ। ਸਭ ਤੋਂ ਪਹਿਲਾਂ ਤੁਸੀਂ  ਆਪਣੇ ਇੰਟਰਨੈੱਟ ਦੀ ਸਪੀਡ ਨੂੰ ਚੈੱਕ ਕਰੋ। ਉਸ ਦੇ ਲਈ ਤੁਸੀਂ speedtest ਦੀ ਵੈੱਬ ਸਾਈਟ ਤੇ ਜਾ ਕੇ ਚੈੱਕ ਕਰ ਸਕਦੇ ਹੋ।

ਦੱਸ ਦੱਈਏ ਕਿ ਇਸ ਤੋਂ ਇਲਾਵਾ ਵੀ ਇੰਟਰਨੈਟ ਸਪੀਡ ਚੈੱਕ ਕਰਨ ਦੀਆਂ ਕਈ ਵੈੱਬ ਸਾਈਟਾਂ ਹਨ। ਜੇਕਰ ਸਪੀਡ ਚੈੱਕ ਕਰਨ ਤੋਂ ਬਾਅਦ ਤੁਹਾਨੂੰ ਵਧੀਆ ਸਪੀਡ ਮਿਲ ਰਹੀ ਹੈ ਪਰ ਉਸ ਦੇ ਬਾਵਜੂਦ ਵੀ ਤੁਹਾਡਾ ਨੈੱਟ ਹੋਲੀ ਚੱਲਦਾ ਹੈ ਤਾਂ ਫਿਰ ਉਸ ਦਾ ਮਤਲਬ ਤੁਹਾਡੇ ਕੰਪਿਉਟਰ ਜਾਂ ਫਿਰ ਲੋਕਲ ਨੈੱਟਵਰਕ ਵਿਚ ਖਰਾਬੀ ਹੈ। ਇਸ ਲਈ  ਘਬਰਾਉਣ ਦੀ ਲੋੜ ਨਹੀਂ ਉਸਨੂੰ ਠੀਕ ਕੀਤਾ ਜਾ ਸਕਦਾ ਹੈ।

ਜੇਕਰ ਤੁਹਾਨੂੰ ਸਪੀਡ ਸਹੀ ਨਹੀਂ ਮਿਲ ਰਹੀ ਤਾਂ ਆਪਣੇ ਇੰਟਰਨੈੱਟ ਸਰਵਿਸ ਪ੍ਰੋਵਾਇਡਰ ਨੂੰ ਦੱਸੋਂ ਅਤੇ ਇਸ ਦੀ ਸ਼ਿਕਾਇਤ ਕਰੋ। ਕਈ ਕੰਪਨੀਆਂ ਦੇ ਵੱਲੋਂ ਟਵਿਟਰ ਤੇ ਵੀ ਸਹਾਇਤਾ ਕੀਤੀ ਜਾਂਦੀ ਹੈ ਤੁਸੀਂ ਉਥੇ ਜਾ ਕੇ ਆਪਣੀ ਸ਼ਿਕਾਇਤ ਦਰਜ਼ ਕਰਵਾ ਸਕਦੇ ਹੋ। ਰਾਉਟਰ ਦੇ ਜ਼ਰੀਏ ਤੁਸੀਂ ਆਪਣਾ WiFi ਐਕਸੈਸ ਕਰ ਸਕਦੇ ਹੋ ਜਾਂ ਤੁਸੀਂ ਇਕ ਵਾਰ ਆਪਣਾ ਰਾਉਟਰ ਰੀਬੂਟ ਕਰ ਸਕਦੇ ਹੋ।

ਇਸ ਦਾ ਤਰੀਕਾ ਹੈ ਕਿ ਤੁਸੀਂ ਆਪਣੇ ਡੀਵਾਈਸ ਦੀ ਸਵਿਚ ਬੰਦ ਕਰਕੇ ਪੰਜ ਸੈਕਿਡ ਦਾ ਇੰਤਜ਼ਾਰ ਕਰੋ ਅਤੇ ਉਸ ਤੋਂ ਬਾਅਦ ਰਾਉਟਰ ਨੂੰ ਦੁਬਾਰਾ ਓਨ ਕਰੋ ਤੇ ਦੁਬਾਰਾ ਆਪਣੇ ਲੈਪਟੋਪ ਦੇ ਨਾਲ ਜੋੜੋ। ਦੱਸ ਦੱਈਏ ਕਿ ਕਈ ਵਾਰ ਰਾਉਟਰ ਦੀ ਜਗ੍ਹਾ ਬਦਲਣਾ ਵੀ ਇਸ ਦਾ ਇਕ ਹੱਲ ਹੋ ਸਕਦਾ ਹੈ। ਜੇਕਰ ਦੂਸਰੇ ਕਮਰੇ ਵਿਚ ਰਾਉਟਰ ਪਿਆ ਹੈ

ਅਤੇ ਤੁਸੀਂ ਉਥੇ ਕੰਮ ਨਹੀਂ ਕਰ ਰਹੇ ਤਾਂ ਇਹ ਚੈੱਕ ਕਰੋਂ ਕਿ ਉਸ ਕੋਲ ਕੋਈ ਅਜਿਹੀ ਚੀਜ ਤਾਂ ਨਹੀਂ ਪਈ ਜਿਸ ਨਾਲ ਉਸ ਦੀ ਸਪੀਡ ਵਿਚ ਕੋਈ ਖਰਾਬੀ ਆ ਰਹੀ ਹੋਵੇ। ਹਮੇਸ਼ਾਂ ਖਾਲੀ ਜਗ੍ਹਾ ਤੇ ਹੀ ਰਾਉਟਰ ਨੂੰ ਰੱਖੋ ਜੇਕਰ ਤੁਹਾਡੇ ਕੋਲ ਰਾਉਟਰ ਐਕਸ਼ਟੈਡਰ ਹੈ ਤਾਂ ਉਸ ਦੀ ਵਰਤੋਂ ਕਰੋ ਕਿਉਂਕਿ ਉਸ ਨਾਲ ਕਨੈਕਟਿਵੀਟੀ ਵਧੀਆ ਹੁੰਦੀ ਹੈ।ਇਕ ਹੋਰ ਗੱਲ ਦਾ ਖਾਸ ਧਿਆਨ ਰੱਖਣਾ ਚਾਹੀਦਾ ਹੈ

ਜੇਕਰ ਤੁਹਾਡੇ ਘਰ ਮਾਈਕ੍ਰੋਵੇਬ ਹੈ ਤਾਂ ਇੰਟਰਨੈਟ ਦੀ ਵਰਤੋਂ ਕਰਦੇ ਸਮੇਂ ਮਾਈਕ੍ਰੋਵੇਬ ਨੂੰ ਬੰਦ ਰੱਖੋ ਕਿਉਂਕਿ ਨਹੀਂ ਤਾਂ ਇਸ ਨਾਲ ਤੁਹਾਡੇ ਇੰਟਰਨੈਟ ਦੀ ਸਪੀਡ ਘੱਟ ਹੋਵੇਗੀ। ਜੇਕਰ ਤੁਸੀਂ ਬੰਦ ਕਮਰੇ ਵਿਚ WiFi ਦੀ ਵਰਤੋਂ ਕਰ ਰਹੇ ਹੋ ਤਾਂ ਦਰਵਾਜੇ ਨੂੰ ਖੁੱਲਾ ਰੱਖੋ ਕਿਉਂਕਿ ਕਦੀ-ਕਦੀ ਬੰਦ ਕਮਰੇ ਵਿਚ ਵੀ ਸਿੰਗਨਲ ਵਿਚ ਫਰਕ ਪੈਂਦਾ ਹੈ। ਰਾਉਟਰ ਦੀ ਤਾਰ ਨੂੰ ਕੱਡ ਕੇ 5 ਤੋਂ 7 ਸੈਕਿੰਡ ਤੱਕ ਰੁੱਕਣ ਤੋਂ ਬਾਅਦ ਦੁਬਾਰਾ ਸਪੀਡ ਚੈੱਕ ਕਰੋ।

ਜੇਕਰ ਤੁਹਾਡਾ ਕੰਪਿਊਟਰ ਜਾਂ ਫਿਰ ਲੈਪਟੋਪ ਸਲੋਅ ਚੱਲ਼ ਰਿਹਾ ਹੈ ਤਾਂ ਉਸ ਵਿਚੋਂ ਵਾਧੂ ਡਾਟੇ ਨੂੰ ਡਲੀਟ ਕਰ ਦਿਓ ਜਾਂ ਫਿਰ ਤੁਸੀਂ ਥਰਡ ਪਾਰਟੀ ਕਲੀਨਰ ਦੀ ਵੀ ਵਰਤੋਂ ਕਰ ਸਕਦੇ ਹੋ। ਇਸ ਤੋਂ ਇਲਾਵਾ ਆਪਣੇ ਕੰਪਿਉਟਰ ਦੇ ਡੈਸਕਟੋਪ ਤੋਂ ਵਾਧੂ ਡਾਟੇ ਨੂੰ ਹਟਾ ਦਿਉ ਅਤੇ ਕੰਪਿਊਟਰ ਦੀ ਉਹ ਡਿਵਾਇਸ ਜਿਸ ਵਿਚ ਓਪਰੇਟਿੰਗ ਸਿਸਟਮ ਅੱਪਲੋਡ ਹੁੰਦਾ ਹੈ ਜਿਵੇਕਿ C ਡਰਾਈਵ ਵਿਚ ਵੱਧ ਤੋਂ ਵੱਧ ਸਪੇਸ ਰੱਖੋ।

Punjabi News  ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ  Facebook  ਤੇ ਲਾਈਕ Twitter  ਤੇ follow  ਕਰੋ।