ਰੇਡ ਦੌਰਾਨ ਭੁਪਿੰਦਰ ਹੁੱਡਾ ਅਤੇ ਦੀਪੇਂਦਰ ਹੁੱਡਾ ਘਰ ਵਿਚ ਮੌਜੂਦ....
ਚੰਡੀਗੜ੍ਹ : ਸੀਬੀਆਈ ਨੇ ਅੱਜ ਸਵੇਰੇ ਹਰਿਆਣਾ ਦੇ ਸਾਬਕਾ ਮੁੱਖ ਮੰਤਰੀ ਭੁਪਿੰਦਰ ਸਿੰਘ ਹੁੱਡਾ ਦੇ ਘਰ ਛਾਪੇਮਾਰੀ ਕੀਤੀ ਹੈ। ਸੀਬੀਆਈ ਨੇ ਸਾਬਕਾ ਮੁੱਖ ਮੰਤਰੀ ਦੇ ਰੋਹਤਕ ਸਥਿਤ ਘਰ ਵਿਚ ਰੇਡ ਮਾਰੀ ਹੈ। ਰੇਡ ਦੌਰਾਨ ਭੁਪਿੰਦਰ ਹੁੱਡਾ ਅਤੇ ਦੀਪੇਂਦਰ ਹੁੱਡਾ ਘਰ ਵਿਚ ਹੀ ਸਨ। ਮਿਲੀ ਜਾਣਕਾਰੀ ਮੁਤਾਬਿਕ ਸੀਬੀਆਈ ਅਧਿਕਾਰੀ ਕਿਸੇ ਨੂੰ ਵੀ ਘਰ ਦੇ ਅੰਦਰ ਅਤੇ ਬਾਹਰ ਜਾਣ ਨਹੀਂ ਦੇ ਰਹੇ।
Bhupinder singh Huda
ਸੀਬੀਆਈ ਦੇ ਇਹ ਛਾਪੇਮਾਰੀ ਗੁਰੁਗਰਾਮ 'ਚ ਕਥਿਤ ਭੂਮੀ ਘੁਟਾਲੇ ਨਾਲ ਜੁੜੀ ਹੋਈ ਦੱਸੀ ਜਾ ਰਹੀ ਹੈ। ਇਹ ਵੀ ਦੱਸਿਆ ਜਾ ਰਿਹਾ ਹੈ ਕਿ ਸੀਬੀਆਈ ਨੇ ਇਹ ਛਾਪਾ ਸਾਲ 2005 'ਚ ਐਸੋਸੀਏਟਡ ਜਨਰਲਸ ਲਿਮਿਟਿਡ ਨੂੰ ਗਲਤ ਤਰੀਕੇ ਨਾਲ ਜ਼ਮੀਨ ਅਲਾਟ ਕਰਨ ਦੇ ਮਾਮਲੇ ਵਿਚ ਮਾਰਿਆ ਹੈ। ਜ਼ਿਕਰਯੋਗ ਹੈ ਕਿ ਸੀਬੀਆਈ ਨੇ ਭੁਪਿੰਦਰ ਸਿੰਘ ਹੁੱਡਾ, ਸੀਨੀਅਰ ਕਾਂਗਰਸ ਨੇਤਾ ਮੋਤੀਲਾਲ ਵੋਰਾ ਅਤੇ ਏ.ਜੇ.ਐੱਲ ਦੇ ਵਿਰੁੱਧ ਚਾਰਜਸ਼ੀਟ ਦਾਖਲ ਕਰ ਦਿੱਤੀ ਹੈ।
Bhupinder singh Huda
ਮਿਲੀ ਜਾਣਕਾਰੀ ਮੁਤਾਬਿਕ ਅਜੇ ਤਕ ਇਹ ਸੀਬੀਆਈ ਅਧਿਕਾਰੀ ਭੁਪਿੰਦਰ ਹੁੱਡਾ ਦੇ ਘਰ ਵਿਚ ਹਨ ਅਤੇ ਅਜੇ ਤੱਕ ਰੇਡ ਚੱਲ ਰਹੀ ਹੈ।
