ਸੂਬੇ ’ਚ ਡੂੰਗਰਪੁਰ ਜ਼ਿਲ੍ਹੇ ’ਚ ਪ੍ਰਸ਼ਾਸਨ ਨੇ ਸ਼ਨੀਵਾਰ ਤੱਕ 315 ਬੱਚਿਆਂ ’ਚ ਕੋਰੋਨਾ ਇਨਫੈਕਸ਼ਨ ਦੀ ਪੁਸ਼ਟੀ ਕੀਤੀ ਸੀ
ਜੈਪੁਰ - ਰਾਜਸਥਾਨ ਦੇ 2 ਜ਼ਿਲ੍ਹਿਆ 'ਚ ਪਿਛਲੇ 10 ਦਿਨਾਂ ਵਿਚ 700 ਤੋਂ ਵੱਧ ਬੱਚੇ ਕੋਰੋਨਾ ਤੋਂ ਪ੍ਰਭਾਵਿਤ ਪਾਏ ਗਏ ਹਨ। ਦੌਸਾ ਵਿਚ 375 ਤੋਂ ਵੱਧ ਅਤੇ ਡੂੰਗਰਪੁਰ ਵਿਚ ਹੁਣ ਤੱਕ 325 ਬੱਚੇ ਕੋਰੋਨਾ ਪਾਜ਼ੇਟਿਵ ਪਾਏ ਗਏ ਹਨ। ਰਾਜਸਥਾਨ ’ਚ ਕੋਰੋਨਾ ਇਨਫੈਕਸ਼ਨ ਦੇ ਵਧਦੇ ਅੰਕੜਿਆਂ ਦਰਮਿਆਨ ਹੁਣ ਬੱਚਿਆਂ ਦੇ ਪਾਜ਼ੇਟਿਵ ਹੋਣ ਦੀਆਂ ਖਬਰਾਂ ਵੀ ਸਾਹਮਣੇ ਆ ਰਹੀਆਂ ਹਨ।
Coronavirus
ਸੂਬੇ ’ਚ ਡੂੰਗਰਪੁਰ ਜ਼ਿਲ੍ਹੇ ’ਚ ਪ੍ਰਸ਼ਾਸਨ ਨੇ ਸ਼ਨੀਵਾਰ ਤੱਕ 315 ਬੱਚਿਆਂ ’ਚ ਕੋਰੋਨਾ ਇਨਫੈਕਸ਼ਨ ਦੀ ਪੁਸ਼ਟੀ ਕੀਤੀ ਸੀ ਪਰ ਐਤਵਾਰ 10 ਹੋਰ ਬੱਚੇ ਪੀੜਤ ਪਾਏ ਗਏ। ਇਸ ਤਰ੍ਹਾਂ ਡੂੰਗਰਪੁਰ ’ਚ ਕੋਰੋਨਾ ਪੀੜਤ ਬੱਚਿਆਂ ਦੀ ਗਿਣਤੀ ਵੱਧ ਕੇ 325 ਹੋ ਗਈ ਹੈ। ਇਕੱਲੇ ਦੌਸਾ ਵਿਖੇ ਹੀ 341 ਬੱਚੇ ਕੋਰੋਨਾ ਦੀ ਲਪੇਟ ’ਚ ਆ ਚੁੱਕੇ ਹਨ। ਤੀਜੀ ਲਹਿਰ ਦੀ ਸੰਭਾਵਨਾ ਨੂੰ ਵੇਖਦੇ ਹੋਏ ਦੌਸਾ ਜ਼ਿਲ੍ਹੇ ’ਚ ਪ੍ਰਸ਼ਾਸਨ ਅਲਰਟ ਹੋ ਗਿਆ ਹੈ।
corona
ਜਾਣਕਾਰੀ ਅਨੁਸਾਰ ਦੌਸਾ ’ਚ 1 ਮਈ ਤੋਂ 21 ਮਈ ਤੱਕ ਜਿਹੜੇ 341 ਬੱਚੇ ਕੋਰੋਨਾ ਪਾਜ਼ੇਟਿਵ ਪਾਏ ਗਏ ਸਨ, ਉਹਨਾਂ ਦੀ ਉਮਰ 10 ਤੋਂ 18 ਸਾਲ ਦਰਮਿਆਨ ਦੱਸੀ ਜਾ ਰਹੀ ਹੈ। ਜ਼ਿਲ੍ਹੇ ਦੇ ਡੀ.ਐੱਮ. ਮੁਤਾਬਕ ਇਨ੍ਹਾਂ ਬੱਚਿਆਂ ਵਿਚੋਂ ਕੋਈ ਵੀ ਗੰਭੀਰ ਨਹੀਂ ਹੈ। ਜ਼ਿਲ੍ਹਾ ਹਸਪਤਾਲ ਨੂੰ ਪੂਰੀ ਤਰ੍ਹਾਂ ਅਲਰਟ ’ਤੇ ਰੱਖਿਆ ਗਿਆ ਹੈ। ਓਧਰ ਰਾਜਸਥਾਨ ਦੇ ਪੇਂਡੂ ਇਲਾਕਿਆਂ ’ਚ ਕੋਰੋਨਾ ਦੀ ਰੋਕਥਾਮ ਲਈ ਸੂਬਾ ਸਰਕਾਰ ਹੁਣ ਜੰਗੀ ਪੱਧਰ ’ਤੇ ਤਿਆਰੀ ’ਚ ਜੁੱਟ ਗਈ ਹੈ।
corona Test
ਸਿਹਤ ਵਿਭਾਗ ਦੀ ਟੀਮ ਪਿੰਡ-ਪਿੰਡ ਅਤੇ ਘਰ-ਘਰ ਜਾ ਕੇ ਲੋਕਾਂ ਦਾ ਕੋਵਿਡ ਟੈਸਟ ਕਰੇਗੀ। ਪਿੰਡਾਂ ’ਚ ਹੀ ਕੋਵਿਡ ਸੈਂਟਰ ਬਣਾਏ ਜਾਣਗੇ। ਪਾਜ਼ੇਟਿਵ ਮਰੀਜ਼ਾਂ ਦਾ ਇਲਾਜ ਸ਼ੁਰੂ ਕੀਤਾ ਜਾਵੇਗਾ। ਘਰ-ਘਰ ਸਰਵੇਖਣ ਕੀਤਾ ਜਾਵੇਗਾ। ਮਹਾਰਾਸ਼ਟਰ, ਕਰਨਾਟਕ ਅਤੇ ਕੁਝ ਹੋਰਨਾਂ ਸੂਬਿਆਂ ’ਚ ਬੱਚਿਆਂ ’ਚ ਇਨਫੈਕਸ਼ਨ ਤੇਜ਼ੀ ਨਾਲ ਫੈਲ ਰਿਹਾ ਹੈ। ਮਾਹਿਰਾਂ ਮੁਤਾਬਕ ਤੀਜੀ ਲਹਿਰ ਬੱਚਿਆਂ ਲਈ ਖ਼ਤਰਨਾਕ ਹੋ ਸਕਦੀ ਹੈ।
Corona Virus
ਸਿਹਤ ਮਾਹਿਰਾਂ ਦੀ ਮੰਨੀਏ ਤਾਂ ਵਧੇਰੇ ਬੱਚੇ ਜੋ ਕੋਵਿਡ ਤੋਂ ਪੀੜਤ ਹਨ, ਉਨ੍ਹਾਂ ’ਚ ਆਮ ਤੌਰ ’ਤੇ ਹਲਕਾ ਬੁਖਾਰ, ਖੰਘ, ਜੁਕਾਮ, ਸਾਹ ਲੈਣ ’ਚ ਮੁਸ਼ਕਲ, ਭੋਜਨ ਖਾਣ ਸਮੇਂ ਸਵਾਦ ਨਾ ਲੱਗਣਾ, ਸੁੰਘਣ ਦੀ ਸਮਰੱਥਾ ਘੱਟ ਜਾਣੀ, ਥਕਾਵਟ, ਗਲੇ ’ਚ ਖਾਰਿਸ਼, ਮਾਸਪੇਸ਼ੀਆਂ ’ਚ ਦਰਦ ਅਤੇ ਨੱਕ ਵੱਗਣ ਵਰਗੇ ਲੱਛਣ ਸ਼ਾਮਲ ਹਨ।
