ਆਪਣੇ ਵਿਆਹ ਦਾ ਚਾਅ ਸਾਰਿਆਂ ਨੂੰ ਹੁੰਦਾ ਹੈ। ਅਕਸਰ ਵਿਆਹਾਂ-ਸ਼ਾਦੀਆਂ ਦੌਰਾਨ ਹਾਸਾ-ਠਾਠਾਂ ਕਰਦੇ ਕੋਈ ਰੁੱਸ ਵੀ ਜਾਂਦਾ ਹੈ। ਡੀ. ਜੇ. ਨਾ ਵੱਜਣ ਤਾਂ
ਜੋਨਪੁਰ— ਆਪਣੇ ਵਿਆਹ ਦਾ ਚਾਅ ਸਾਰਿਆਂ ਨੂੰ ਹੁੰਦਾ ਹੈ। ਅਕਸਰ ਵਿਆਹਾਂ-ਸ਼ਾਦੀਆਂ ਦੌਰਾਨ ਹਾਸਾ-ਠਾਠਾਂ ਕਰਦੇ ਕੋਈ ਰੁੱਸ ਵੀ ਜਾਂਦਾ ਹੈ। ਡੀ. ਜੇ. ਨਾ ਵੱਜਣ ਤਾਂ ਵਿਆਹ ਅਧੂਰਾ ਜਾਪਦਾ ਹੈ ਪਰ ਉੱਤਰ ਪ੍ਰਦੇਸ਼ 'ਚ ਡੀ. ਜੇ. ਵੀ ਵੱਜੇ ਤੇ ਸਭ ਨੇ ਭੰਗੜਾ ਵੀ ਪਾਇਆ।
File Photo
ਵਿਆਹ ਦੌਰਾਨ ਕੁਝ ਅਜਿਹਾ ਵਾਪਰ ਗਿਆ ਕਿ ਖੁਸ਼ੀਆਂ ਦਾ ਮਾਹੌਲ ਗਮ 'ਚ ਬਦਲ ਗਿਆ। ਬਰਾਤ ਦੀ ਤਿਆਰੀ ਧੂਮਧਾਮ ਨਾਲ ਹੋ ਰਹੀ ਸੀ। ਉਸ ਸਮੇਂ ਤੇਜ਼ ਆਵਾਜ਼ 'ਚ ਡੀ.ਜੇ. ਵੱਜਣ ਲੱਗਾ, ਜਿਸ ਕਾਰਨ ਘੋੜੀ ਡਰ ਕੇ ਭੱਜਣ ਲੱਗੀ ਅਤੇ ਲਾੜਾ ਘੋੜੀ ਤੋਂ ਡਿੱਗ ਗਿਆ ਅਤੇ ਜ਼ਖਮੀ ਹੋ ਗਿਆ।
File Photo
ਇਹ ਮਾਮਲਾ ਉੱਤਰ ਪ੍ਰਦੇਸ਼ ਦੇ ਜੋਨਪੁਰ ਦਾ ਹੈ। ਇਸ ਹਾਦਸੇ 'ਚ 5 ਲੋਕਾਂ ਦੇ ਸੱਟਾਂ ਲੱਗੀਆਂ ਹਨ। ਉੱਥੇ ਹੀ ਬੇਲਗਾਮ ਘੋੜੀ ਇਕ ਚਾਰ ਪਹੀਆ ਵਾਹਨ ਨਾਲ ਟਕਰਾ ਗਈ, ਜਿਸ ਕਾਰਨ ਉਸ 'ਚ ਬੈਠੇ ਲੋਕ ਵੀ ਜ਼ਖਮੀ ਹੋ ਗਏ।
File Photo
ਇਕ ਮਹਿਲਾ ਦੀ ਹਾਲਤ ਗੰਭੀਰ ਬਣੀ ਹੋਈ ਹੈ, ਜਿਸ ਨੂੰ ਪ੍ਰਾਈਵੇਟ ਹਸਪਤਾਲ 'ਚ ਭਰਤੀ ਕਰਵਾਇਆ ਗਿਆ ਹੈ। ਘਟਨਾ ਜੋਨਪੁਰ ਜ਼ਿਲੇ ਦੇ ਰਾਮਪੁਰ ਥਾਣਾ ਇਲਾਕੇ ਦੇ ਜਮਾਲਾਪੁਰ ਬਾਜ਼ਾਰ ਦੀ ਹੈ। ਘੋੜੀ ਕਾਰਨ ਬਰਾਤੀਆਂ 'ਚ ਵੀ ਭੱਜ-ਦੌੜ ਮਚ ਗਈ। ਦੱਸ ਦੀਏ ਕਿ ਅਜਿਹਾ ਹਾਦਸਾ ਪਹਿਲੀ ਵਰ ਵਾਪਰਿਆ ਹੈ।
