ਕੋਰੋਨਾ ਵੈਕਸੀਨ ਦੇ ਸਵਦੇਸ਼ੀ ਟੀਕੇ ਦੀ ਕੀਮਤ 100 ਰੁਪਏ ਦੇ ਲਗਪਗ ਹੋ ਸਕਦੀ ਹੈ।
ਨਵੀਂ ਦਿੱਲੀ: ਦੇਸ਼ 'ਚ ਇੱਕ ਵਾਰ ਫਿਰ ਤੋਂ ਕੋਰੋਨਾ ਦੀ ਗਿਣਤੀ ਲਗਾਤਾਰ ਵੱਧ ਰਹੀ ਹੈ। ਇਸ ਦੇ ਚਲਦੇ ਬਹੁਤ ਸਾਰੇ ਵਿਗਿਆਨਿਕਾਂ ਨੇ ਕੋਰੋਨਾ ਵੈਕਸੀਨ ਬਣਾਉਣ ਤੇ ਕੰਮ ਕਰ ਰਹੇ ਹਨ। ਕੋਰੋਨਾ ਵਾਇਰਸ ਦੀ ਭਾਰਤੀ ਵੈਕਸੀਨ ਦਾ ਅੰਤਿਮ ਟ੍ਰਾਇਲ ਅਗਲੇ ਦੋ ਮਹੀਨਿਆਂ 'ਚ ਪੂਰਾ ਹੋ ਜਾਵੇਗਾ, ਜੋ ਕਾਫੀ ਸਸਤੀ ਹੋਵੇਗੀ। ਇਸ ਬਾਰੇ ਕੇਂਦਰੀ ਸਿਹਤ ਮੰਤਰੀ ਹਰਸ਼ਵਰਧਨ ਨੇ ਜਾਣਕਾਰੀ ਦਿੱਤੀ ਹੈ।
ਉਨ੍ਹਾਂ ਨੇ ਦੱਸਿਆ ਕਿ ਕੋਵਿਡ-19 ਦੀ ਸਵਦੇਸ਼ੀ ਵੈਕਸ਼ੀਨ ਦਾ ਟ੍ਰਾਇਲ ਅਗਲੇ ਇਕ ਤੋਂ ਦੋ ਮਹੀਨੇ 'ਚ ਪੂਰਾ ਹੋਣ ਦੀ ਉਮੀਦ ਹੈ। ਇਕ ਵੈੱਬ ਕਾਨਫਰੰਸ ਦੌਰਾਨ ਸਿਹਤ ਮੰਤਰੀ ਨੇ ਇਹ ਗੱਲ ਕਹੀ। ਇਸ ਦੌਰਾਨ ਇੰਡੀਅਨ ਕਾਉਂਸਿਲ ਆਫ ਮੈਡੀਕਲ ਰਿਸਰਚ (ਆਈਸੀਐੱਮਆਰ) ਤੇ Bharat Biotech ਨੇ ਇਸ ਮਹੀਨੇ ਕੋਵੈਕਸੀਨ (COVAXIN) ਦੇ ਤੀਜੇ ਪੜ੍ਹਾਅ ਦਾ ਪ੍ਰੀਖਣ ਸ਼ੁਰੂ ਕਰ ਦਿੱਤਾ ਹੈ, ਜਿਸ 'ਚ 26,000 ਲੋਕ ਹਿੱਸਾ ਲੈ ਰਹੇ ਹਨ।
ਹਰਸ਼ਵਰਧਨ ਨੇ ਕਿਹਾ, 'ਅਸੀਂ ਆਪਣੇ ਸਵਦੇਸ਼ੀ ਟੀਕੇ ਨੂੰ ਵਿਕਸਿਤ ਕਰਨ ਦੀ ਪ੍ਰਕਿਰਿਆ ਦੇ ਆਖਰੀ ਪੜ੍ਹਾਅ 'ਚ ਹਾਂ। ਅਸੀਂ ਅਗਲੇ ਇਕ-ਦੋ ਮਹੀਨਿਆਂ 'ਚ ਤੀਜੇ ਪੜ੍ਹਾਅ ਦੇ ਪ੍ਰੀਖਣ ਨੂੰ ਪੂਰਾ ਕਰਨ ਦੀ ਪ੍ਰਕਿਰਿਆ 'ਚ ਹਾਂ।' ਹਰਸ਼ਵਰਧਨ ਨੇ ਇਹ ਦੋਹਰਾਇਆ ਕਿ ਸਰਕਾਰ ਦੀ ਯੋਜਨਾ ਜੁਲਾਈ ਤਕ 20 ਤੋਂ 25 ਕਰੋੜ ਭਾਰਤੀਆਂ ਦਾ ਟੀਕਾਕਰਨ ਕਰਨ ਦੀ ਹੈ।
ਕੀਮਤ
ਕੋਰੋਨਾ ਵੈਕਸੀਨ ਦੇ ਸਵਦੇਸ਼ੀ ਟੀਕੇ ਦੀ ਕੀਮਤ 100 ਰੁਪਏ ਦੇ ਲਗਪਗ ਹੋ ਸਕਦੀ ਹੈ। ਹਾਲਾਂਕਿ ਹੁਣ ਤਕ ਇਸ ਦੀ ਕੋਈ ਆਧਿਕਾਰਿਕ ਪੁਸ਼ਟੀ ਨਹੀਂ ਹੋਈ ਹੈ।
