ਰਾਜਸਥਾਨ ਸਰਕਾਰ ਨੇ ਚੁੱਕੇ ਸੀ ਗੰਭੀਰ ਸਵਾਲ
ਨਵੀਂ ਦਿੱਲੀ: ਕੋਰੋਨਾ ਰੈਪਿਟ ਟੈਸਟ ਕਿੱਟ ਨੂੰ ਲੈ ਕੇ ਉੱਠ ਰਹੇ ਸਵਾਲਾਂ ਤੇ ਚੀਨ ਵੱਲੋਂ ਸਫ਼ਾਈ ਆਈ ਹੈ। ਭਾਰਤ ਵਿਚ ਚੀਨੀ ਦੂਤਾਵਾਸ ਦੇ ਬੁਲਾਰੇ ਨੇ ਬੁੱਧਵਾਰ ਨੂੰ ਕਿਹਾ ਕਿ ਚੀਨ ਵੱਲੋਂ ਸਪਲਾਈ ਕੀਤੇ ਗਏ ਮੈਡੀਕਲ ਉਤਪਾਦਾਂ ਦੀ ਗੁਣਵੱਤਾ ਨੂੰ ਬਹੁਤ ਮਹੱਤਵ ਦਿੰਦਾ ਹੈ। ਉਹ ਸਬੰਧਿਤ ਭਾਰਤੀ ਏਜੰਸੀਆਂ ਨਾਲ ਸੰਪਰਕ ਵਿਚ ਹਨ ਅਤੇ ਉਹ ਦੇਸ਼ਾਂ ਦੀ ਮਦਦ ਜ਼ਰੂਰ ਕਰਨਗੇ। ਦਰਅਸਲ ਕੇਂਦਰ ਸਰਕਾਰ ਨੇ ਰੈਪਿਡ ਕਿੱਟ ਟੈਸਟ ਤੇ ਦੇਸ਼ਭਰ ਵਿਚ ਦੋ ਦਿਨ ਲਈ ਰੋਕ ਲਗਾ ਦਿੱਤੀ ਹੈ।
Rapid testing kit
ਰਾਜਸਥਾਨ ਸਰਕਾਰ ਦੇ ਰੈਪਿਡ ਟੈਸਟ ਦੇ ਨਤੀਜਿਆਂ ਤੇ ਗੰਭੀਰ ਸਵਾਲ ਉਠਣ ਤੋਂ ਬਾਅਦ ਰੋਕ ਲਗਾਈ ਗਈ ਹੈ। ਹੁਣ ਕੇਂਦਰੀ ਟੀਮਾਂ ਇਸ ਟੈਸਟ ਦੇ ਨਤੀਜਿਆਂ ਦੀ ਗੰਭੀਰਤਾ ਨਾਲ ਜਾਂਚ ਕਰਨਗੇ ਅਤੇ ਉਸ ਤੋਂ ਬਾਅਦ ਹੀ ਅਗਲੇ ਕਦਮ ਦਾ ਐਲਾਨ ਕੀਤਾ ਜਾਵੇਗਾ। ਕੇਂਦਰ ਸਰਕਾਰ ਨੂੰ ਰੈਪਿਡ ਟੈਸਟ ਤੇ ਦੋ ਦਿਨ ਦਾ ਬ੍ਰੈਕ ਇਸ ਲਈ ਲਗਾਉਣਾ ਪਿਆ ਕਿਉਂ ਕਿ ਰਾਜਸਥਾਨ ਸਰਕਾਰ ਨੇ ਇਸ ਦੇ ਨਤੀਜਿਆਂ ਤੇ ਸਵਾਲ ਚੁੱਕੇ ਸਨ।
Rapid Test Kit
ਜੈਪੁਰ ਦੇ ਸਵਾਈ ਮਾਨ ਸਿੰਘ ਹਸਪਤਾਲ ਵਿਚ ਭਰਤੀ 168 ਕੋਰੋਨਾ ਮਰੀਜ਼ਾਂ ਦਾ ਰੈਪਿਡ ਟੈਸਟ ਕੀਤਾ ਗਿਆ ਪਰ ਸਿਰਫ 5 ਫ਼ੀਸਦੀ ਮਰੀਜ਼ ਹੀ ਟੈਸਟ ਵਿਚ ਪਾਜ਼ੀਟਿਵ ਮਿਲੇ ਸਨ। ਇਸ ਤੋਂ ਬਾਅਦ ਗਹਿਲੋਤ ਸਰਕਾਰ ਨੇ ਪ੍ਰਦੇਸ਼ ਵਿਚ ਰੈਪਿਡ ਟੈਸਟ ਕਰਨ ਤੇ ਰੋਕ ਲਗਾ ਦਿੱਤੀ।
Rapid Test Kit
133 ਕਰੋੜ ਦੀ ਅਬਾਦੀ ਵਾਲੇ ਭਾਰਤ ਵਿਚ ਕੋਰੋਨਾ ਜਾਂਚ ਲਈ ਰੈਪਿਡ ਟੈਸਟ ਨੂੰ ਗੇਮਚੇਂਜਰ ਮੰਨਿਆ ਜਾ ਰਿਹਾ ਸੀ ਪਰ ਟੈਸਟ ਦੇ ਇਸ ਮੈਥਡ ਦੇ ਨਤੀਜਿਆਂ ਤੇ ਸਵਾਲ ਖੜ੍ਹੇ ਹੋਣ ਤੋਂ ਬਾਅਦ ਸਿਹਤ ਵਿਭਾਗ ਅਤੇ ਆਈਸੀਐਮਆਰ ਨੇ ਦੋ ਦਿਨ ਲਈ ਰੈਪਿਡ ਟੈਸਟ ਤੇ ਰੋਕ ਲਗਾ ਦਿੱਤੀ ਹੈ। ਇਹਨਾਂ ਦੋ ਦਿਨਾਂ ਵਿਚ ਕੇਂਦਰ ਦੀਆਂ ਖੋਜ ਟੀਮਾਂ ਰੈਪਿਡ ਟੈਸਟ ਕਿਟ ਦੀ ਜਾਂਚ ਕਰਨਗੀਆਂ। ਹੁਣ ਤਕ ਦੇਸ਼ ਦੇ ਤਮਾਮ ਰਾਜਾਂ ਵਿਚ ਲੱਖਾਂ ਰੈਪਿਡ ਟੈਸਟ ਕਿੱਟਾਂ ਵੰਡੀਆਂ ਜਾ ਚੁੱਕੀਆਂ ਹਨ।
Coronavirus
ਦਿੱਲੀ ਨੂੰ 42000 ਕਿੱਟਾਂ ਦਿੱਤੀਆਂ ਗਈਆਂ ਹਨ। ਰਾਜਸਥਾਨ ਕੋਲ ਵੀ 10 ਹਜ਼ਾਰ ਕਿੱਟਾਂ ਪਹੁੰਚ ਚੁੱਕੀਆਂ ਹਨ। ਉੱਤਰ ਪ੍ਰਦੇਸ਼ ਵਿਚ 8500 ਰੈਪਿਡ ਟੈਸਟਿੰਗ ਕਿੱਟਾਂ ਹਨ। ਪੰਜਾਬ ਅਤੇ ਗੁਜਰਾਤ ਕੋਲ 10 ਹਜ਼ਾਰ, 100 ਅਤੇ 24 ਹਜ਼ਾਰ ਕਿੱਟਾਂ ਹਨ। ਇਸ ਟੈਸਟ ਵਿਚ ਉਂਗਲੀ ਵਿਚੋਂ ਖੂਨ ਦੀਆਂ ਇਕ-ਦੋ ਬੂੰਦਾਂ ਕੱਢੀਆਂ ਜਾਂਦੀਆਂ ਹਨ। ਫਿਰ ਕਿਟ ਵਿਚ ਪਾ ਕੇ ਐਂਟੀਬਾਡੀ ਟੈਸਟ ਕੀਤਾ ਜਾਂਦਾ ਹੈ।
Vaccine
ਜੇ ਇਨਸਾਨ ਦੇ ਸ਼ਰੀਰ ਵਿਚ ਕੋਰੋਨਾ ਜਾਂ ਕਿਸੇ ਹੋਰ ਵਾਇਰਸ ਦਾ ਇਨਫੈਕਸ਼ਨ ਹੈ ਤਾਂ ਐਂਟੀਬਾਡੀ ਟੈਸਟ ਪਾਜ਼ੀਟਿਵ ਆਉਂਦਾ ਹੈ। ਹਾਲਾਂਕਿ ਉਸ ਵਿਅਕਤੀ ਨੂੰ ਕੋਰੋਨਾ ਦਾ ਹੀ ਇੰਫੈਕਸ਼ਨ ਹੈ ਇਸ ਦੇ ਲਈ ਫਿਰ ਅੱਗੇ ਟੈਸਟ ਕਰਨ ਦੀ ਜ਼ਰੂਰਤ ਪੈਂਦੀ ਹੈ। ਇਸ ਨੂੰ ਰੈਪਿਡ ਟੈਸਟ ਇਸ ਲਈ ਕਿਹਾ ਜਾਂਦਾ ਹੈ ਕਿ ਉਂ ਕਿ ਇਸ ਦੇ ਨਤੀਜੇ 15 ਤੋਂ 20 ਮਿੰਟ ਵਿਚ ਹੀ ਆ ਜਾਂਦੇ ਹਨ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
