ਜਾਣੋ, ਕੀ ਹੈ ਮੋਦੀ ਮਸਜਿਦ ਦਾ ਅਸਲ ਇਤਿਹਾਸ?
ਨਵੀਂ ਦਿੱਲੀ- ਬੰਗਲੁਰੂ ਵਿਚ ਇਕ ਅਜਿਹੀ ਆਲੀਸ਼ਾਨ ਮਸਜਿਦ ਮੌਜੂਦ ਹੈ, ਜਿਸ ਦਾ ਨਾਂਅ ਮੋਦੀ ਮਸਜਿਦ ਹੈ। ਪਿਛਲੇ 170 ਸਾਲਾਂ ਵਿਚ ਇਹ ਪਹਿਲਾ ਮੌਕਾ ਹੈ ਜਦੋਂ ਇਸ ਮਸਜਿਦ ਨੂੰ ਗ਼ੈਰ ਮੁਸਲਿਮ ਲੋਕਾਂ ਲਈ ਖੋਲ੍ਹਿਆ ਗਿਆ। ਐਤਵਾਰ ਨੂੰ ਇੱਥੇ ਮੁਸਲਮਾਨਾਂ ਦੇ ਨਾਲ-ਨਾਲ ਹਿੰਦੂ ਅਤੇ ਇਸਾਈ ਵੀ ਨਜ਼ਰ ਆਏ ਪਰ ਕੁੱਝ ਲੋਕਾਂ ਵੱਲੋਂ ਸੋਸ਼ਲ ਮੀਡੀਆ 'ਤੇ ਇਸ ਮਸਜਿਦ ਦੀ ਤਸਵੀਰ ਵਾਇਰਲ ਕਰਕੇ ਇਹ ਦਾਅਵਾ ਕੀਤਾ ਜਾ ਰਿਹਾ ਹੈ
File Photo
ਕਿ ਇਹ ਮਸਜਿਦ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੇ ਨਾਂਅ 'ਤੇ ਬਣਾਈ ਗਈ ਹੈ ਅਤੇ ਕੁੱਝ ਲੋਕ ਇਸ ਦਾਅਵੇ ਨੂੰ ਸੱਚ ਵੀ ਮੰਨ ਰਹੇ ਹਨ ਕਿਉਂਕਿ ਉਨ੍ਹਾਂ ਨੂੰ ਲਗਦਾ ਹੈ ਕਿ ਸ਼ਾਇਦ ਮੁਸਲਮਾਨਾਂ ਨੇ ਮੋਦੀ ਨੂੰ ਖ਼ੁਸ਼ ਕਰਨ ਲਈ ਇਸ ਮਸਜਿਦ ਦਾ ਨਿਰਮਾਣ ਕੀਤਾ ਹੋਵੇਗਾ ਪਰ ਅੱਜ ਅਸੀਂ ਤੁਹਾਨੂੰ ਇਸ ਮਸਜਿਦ ਦੇ ਅਸਲ ਇਤਿਹਾਸ ਤੋਂ ਜਾਣੂ ਕਰਵਾਉਂਦੇ ਹਾਂ ਕਿ ਕੀ ਹੈ 170 ਸਾਲ ਪੁਰਾਣੀ ਮੋਦੀ ਮਸਜਿਦ ਦਾ ਇਤਿਹਾਸ?
File Photo
ਬੰਗਲੁਰੂ ਵਿਚ ਬਣੀ ਮੋਦੀ ਮਸਜਿਦ ਕਰੀਬ 170 ਸਾਲ ਪੁਰਾਣੀ ਹੈ ਜਦਕਿ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੀ ਉਮਰ 69 ਸਾਲ ਦੇ ਕਰੀਬ ਹੈ ਇਸ ਲਈ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੇ ਨਾਮ ਨਾਲ ਇਸ ਮਸਜਿਦ ਦਾ ਕੋਈ ਲੈਣਾ ਦੇਣਾ ਨਹੀਂ ਹੈ ਸੋਸ਼ਲ ਮੀਡੀਆ 'ਤੇ ਇਸ ਸਬੰਧੀ ਪੂਰੀ ਤਰ੍ਹਾਂ ਝੂਠ ਫੈਲਾਇਆ ਜਾ ਰਿਹਾ ਹੈ। ਤੁਸੀਂ ਸੋਚਦੇ ਹੋਵੋਗੇ ਕਿ ਫਿਰ ਇਸ ਮਸਜਿਦ ਦਾ ਨਾਮ ਮੋਦੀ ਮਸਜਿਦ ਕਿਵੇਂ ਪਿਆ? ਤਾਂ ਆਓ ਤੁਹਾਨੂੰ ਇਹ ਵੀ ਦੱਸਦੇ ਹਾਂ
Pm Narendra Modi
ਦਰਅਸਲ ਇਸ ਮਸਜਿਦ ਦਾ ਨਾਮ ਇਕ ਮੁਸਲਿਮ ਵਪਾਰੀ ਮੋਦੀ ਅਬਦੁਲ ਗਫੂਰ ਦੇ ਨਾਂਅ 'ਤੇ ਰੱਖਿਆ ਗਿਆ ਸੀ। ਗੱਲ 1849 ਦੀ ਹੈ ਜਦੋਂ ਬੰਗਲੁਰੂ ਦੇ ਟਾਸਕ ਟਾਊਨ ਨੂੰ ਮਿਲਟਰੀ ਅਤੇ ਸਿਵਲ ਸਟੇਸ਼ਨ ਦੇ ਰੂਪ ਵਿਚ ਜਾਣਿਆ ਜਾਂਦਾ ਸੀ। ਮੋਦੀ ਅਬਦੁਲ ਗਫ਼ੂਰ ਇੱਥੇ ਹੀ ਰਹਿੰਦੇ ਸਨ ਜਦੋਂ ਉਨ੍ਹਾਂ ਨੇ ਇਸ ਜਗ੍ਹਾ 'ਤੇ ਮਸਜਿਦ ਦੀ ਲੋੜ ਮਹਿਸੂਸ ਕੀਤੀ ਤਾਂ 1849 ਵਿਚ ਉਨ੍ਹਾਂ ਨੇ ਇਸ ਮਸਜਿਦ ਦਾ ਨਿਰਮਾਣ ਕਰਵਾਇਆ।
File Photo
ਬੰਗਲੁਰੂ ਵਿਚ ਇਹ ਇਕੱਲੀ ਇਕੋ ਇਕ ਮੋਦੀ ਮਸਜਿਦ ਨਹੀਂ ਹੈ ਇਸ ਤੋਂ ਇਲਾਵਾ ਮੋਦੀ ਅਬਦੁਲ ਗਫ਼ੂਰ ਦੇ ਪਰਿਵਾਰ ਨੇ ਕੁੱਝ ਹੋਰ ਮਸਜਿਦਾਂ ਵੀ ਬਣਵਾਈਆਂ, ਜਿਨ੍ਹਾਂ ਦਾ ਨਾਂਅ ਵੀ ਮੋਦੀ ਮਸਜਿਦ ਰੱਖਿਆ ਗਿਆ। ਇੱਥੋਂ ਦੇ ਟੇਨਰੀ ਖੇਤਰ ਵਿਚ ਇਕ ਸੜਕ ਨੂੰ ਵੀ ਮੋਦੀ ਰੋਡ ਦੇ ਨਾਂਅ ਨਾਲ ਜਾਣਿਆ ਜਾਂਦਾ ਹੈ।
Modi
ਇਸ ਮਸਜਿਦ ਦੇ ਇਮਾਮ ਸਾਹਿਬ ਗ਼ੁਲਾਮ ਰੱਬਾਨੀ ਦਾ ਕਹਿਣਾ ਹੈ ਕਿ ਅਬਦੁਲ ਗਫ਼ੂਰ ਅਪਣੇ ਸਮੇਂ ਦੇ ਵੱਡੇ ਵਪਾਰੀ ਸਨ, ਜਿਸ ਕਰਕੇ ਬ੍ਰਿਟਿਸ਼ ਹਕੂਮਤ ਨੇ ਉਨ੍ਹਾਂ ਨੂੰ ਮੋਦੀ ਦੇ ਲਕਬ ਨਾਲ ਨਿਵਾਜ਼ਿਆ ਸੀ ਉਨ੍ਹਾਂ ਨੇ ਹੀ ਇਸ ਮਸਜਿਦ ਦਾ ਨਿਰਮਾਣ ਕਰਵਾਇਆ ਸੀ। ਸਾਲ 2015 ਵਿਚ ਪੁਰਾਣੀ ਮਸਜਿਦ ਨੂੰ ਢਾਹ ਕੇ ਨਵੀਂ ਇਮਾਰਤ ਦਾ ਨਿਰਮਾਣ ਕੀਤਾ ਗਿਆ।
File Photo
ਨਵੀਂ ਬਣੀ ਮਸਜਿਦ ਨੂੰ ਪਿਛਲੇ ਮਹੀਨੇ ਕੁੱਝ ਮਹੀਨੇ ਪਹਿਲਾਂ ਹੀ ਜਨਤਕ ਤੌਰ 'ਤੇ ਖੋਲ੍ਹਿਆ ਗਿਆ ਸੀ, ਲਗਭਗ ਉਸੇ ਸਮੇਂ ਜਦੋਂ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਅਪਣੇ ਦੂਜੇ ਕਾਰਜਕਾਲ ਦੀ ਸਹੁੰ ਚੁੱਕੀ ਸੀ ਇਹੀ ਵਜ੍ਹਾ ਹੈ ਕਿ ਕੁੱਝ ਲੋਕ ਇਸ ਮਸਜਿਦ ਨੂੰ ਮੋਦੀ ਦੇ ਨਾਂਅ 'ਤੇ ਬਣੀ ਮਸਜਿਦ ਦੱਸ ਰਹੇ ਹਨ ਜਦਕਿ ਇਹ ਦਾਅਵਾ ਬਿਲਕੁਲ ਝੂਠ ਹੈ।
Modi
ਦੱਸ ਦਈਏ ਕਿ 30 ਹਜ਼ਾਰ ਵਰਗ ਫੁੱਟ ਵਿਚ ਬਣੀ ਇਸ ਮਸਜਿਦ ਵਿਚ ਔਰਤਾਂ ਲਈ ਵੀ ਇਕ ਮੰਜ਼ਿਲ ਬਣਾਈ ਗਈ ਹੈ। ਪਹਿਲਾਂ ਇਸ ਮਸਜਿਦ ਨੂੰ ਸਿਰਫ਼ ਮੁਸਲਮਾਨਾਂ ਲਈ ਖੋਲ੍ਹਿਆ ਗਿਆ ਸੀ ਪਰ ਹੁਣ ਇਸ ਮਸਜਿਦ ਨੂੰ ਗ਼ੈਰ ਮੁਸਲਿਮ ਲੋਕਾਂ ਲਈ ਵੀ ਖੋਲ੍ਹ ਦਿੱਤਾ ਗਿਆ। ਸੋ ਇਹ ਸੀ ਮੋਦੀ ਮਸਜਿਦ ਦਾ ਪੂਰਾ ਇਤਿਹਾਸ ਜਿਸ ਦਾ ਪੀਐਮ ਮੋਦੀ ਨਾਲ ਕੋਈ ਸਬੰਧ ਨਹੀਂ।
