ਬਿਹਾਰ ਦੇ ਪੂਰਣੀਆ ਜ਼ਿਲ੍ਹੇ ਵਿਚ ਚਾਰ ਸਾਲ ਦੀ ਧੀ ਦੀ ਹੱਤਿਆ ਦਾ ਸਨਸਨੀਖੇਜ ਮਾਮਲਾ ਸਾਹਮਣੇ ਆਇਆ ਹੈ। ਇਕ ਵਿਅਕਤੀ ਨੇ ਆਪਣੀ ਚਾਰ ਸਾਲ ਦੀ ਧੀ ਨੂੰ ਕਥਿਤ ਤੌਰ ਉੱਤੇ ਇਸ ...
ਪਟਨਾ (ਭਾਸ਼ਾ) :- ਬਿਹਾਰ ਦੇ ਪੂਰਣੀਆ ਜ਼ਿਲ੍ਹੇ ਵਿਚ ਚਾਰ ਸਾਲ ਦੀ ਧੀ ਦੀ ਹੱਤਿਆ ਦਾ ਸਨਸਨੀਖੇਜ ਮਾਮਲਾ ਸਾਹਮਣੇ ਆਇਆ ਹੈ। ਇਕ ਵਿਅਕਤੀ ਨੇ ਆਪਣੀ ਚਾਰ ਸਾਲ ਦੀ ਧੀ ਨੂੰ ਕਥਿਤ ਤੌਰ ਉੱਤੇ ਇਸ ਲਈ ਮਾਰ ਦਿਤਾ ਸੀ ਕਿਉਂਕਿ ਉਸ ਦੀ ਪਤਨੀ ਨੇ ਸਮੇਂ ਸਿਰ ਉਸ ਨੂੰ ਖਾਣਾ ਨਹੀਂ ਦਿਤਾ ਸੀ। ਪਤਨੀ ਨੇ ਸਮੇਂ ਸਿਰ ਖਾਣਾ ਨਹੀਂ ਦਿੱਤਾ ਤਾਂ ਪਤੀ ਨੂੰ ਗੁੱਸਾ ਆ ਗਿਆ। ਉਸ ਨੇ ਆਪਣੀ ਚਾਰ ਸਾਲ ਦੀ ਮਾਸੂਮ ਧੀ ਨੂੰ ਚੁੱਕ ਕੇ ਪੱਥਰ ਉੱਤੇ ਪਟਕ ਦਿਤਾ।
Death
ਧੀ ਦੀ ਉਥੇ ਹੀ ਤੜਫ਼ - ਤੜਫ਼ ਕੇ ਜਾਨ ਨਿਕਲ ਗਈ। ਦਿਲ ਹਿਲਾ ਦੇਣ ਵਾਲੀ ਇਹ ਘਟਨਾ ਬਿਹਾਰ ਦੇ ਪੂਰਣੀਆ ਸਥਿਤ ਅਮੌਰ ਥਾਣਾ ਖੇਤਰ ਦੇ ਹਰੀਪੁਰ ਪੰਚਾਇਤ ਦੀ ਹੈ। ਮਿਲੀ ਜਾਣਕਾਰੀ ਦੇ ਅਨੁਸਾਰ ਅਮੌਰ ਥਾਣਾ ਖੇਤਰ ਦੇ ਹਰੀਪੁਰ ਪੰਚਾਇਤ ਸਥਿਤ ਫਕੀਰ ਟੋਲੀ ਪਿੰਡ ਦਾ ਸ਼ੋਭਾ ਲਾਲ ਸੂਰਤ 'ਚ ਮਜਦੂਰੀ ਕਰਦਾ ਹੈ। ਹਾਲ ਹੀ ਵਿਚ ਉਹ ਘਰ ਆਇਆ ਹੈ।
ਉਨ੍ਹਾਂ ਦੀ ਪਤਨੀ ਰਾਜਕੁਮਾਰੀ ਦੇਵੀ ਆਪਣੀ ਚਾਰ ਸਾਲ ਦੀ ਧੀ ਸ਼ਾਲੂ ਕੁਮਾਰੀ ਦੇ ਜਿਦ ਕਰਨ 'ਤੇ ਉਸ ਨੂੰ ਨਜ਼ਦੀਕ ਪਾਨੀਪੂੜੀ ਖਿਲਾਉਣ ਲੈ ਗਈ ਸੀ। ਇਸ ਵਿਚ ਸ਼ੋਭਾ ਲਾਲ ਨੂੰ ਭੁੱਖ ਲੱਗ ਗਈ। ਪਤਨੀ ਦੇ ਆਉਣ ਵਿਚ ਦੇਰੀ ਹੋਣ ਉੱਤੇ ਉਹ ਝੱਲਾ ਹੋ ਗਿਆ। ਉਸ ਦੇ ਵਾਪਸ ਆਉਣ ਉੱਤੇ ਜਦੋਂ ਉਸ ਨੂੰ ਪਤਾ ਲਗਿਆ ਕਿ ਉਸ ਨੇ ਖਾਣਾ ਨਹੀਂ ਬਣਾਇਆ ਹੈ ਅਤੇ ਧੀ ਨੂੰ ਪਾਨੀਪੂੜੀ ਖਿਲਾਉਣ ਲੈ ਗਈ ਸੀ ਤਾਂ ਉਸ ਦਾ ਗੁੱਸਾ ਸੱਤਵੇਂ ਅਸਮਾਨ ਉੱਤੇ ਜਾ ਪਹੁੰਚਿਆ।
ਇਸ ਉੱਤੇ ਪਤੀ - ਪਤਨੀ ਵਿਚ ਲੜਾਈ ਹੋ ਗਈ। ਗੁੱਸੇ ਵਿਚ ਹੈਵਾਨ ਬਣਿਆ ਸ਼ੋਭਾ ਲਾਲ ਅਚਾਨਕ ਉਠਿਆ ਅਤੇ ਚਾਰ ਸਾਲ ਦੀ ਧੀ ਨੂੰ ਚੁੱਕ ਕੇ ਘਰ ਦੇ ਪਿਛਵਾੜੇ ਇੱਟ ਸੋਲਿੰਗ ਉੱਤੇ ਹੇਠਾਂ ਪਟਕ ਦਿੱਤਾ। ਜਖ਼ਮੀ ਧੀ ਹੇਠਾਂ ਤੜਫ਼ - ਤੜਫ਼ ਕੇ ਸ਼ਾਂਤ ਹੋ ਗਈ। ਬਾਅਦ ਵਿਚ ਹਸਪਤਾਲ ਲੈ ਜਾਣ ਉੱਤੇ ਉਸ ਨੂੰ ਮ੍ਰਿਤਕ ਐਲਾਨ ਕਰ ਦਿੱਤਾ ਗਿਆ। ਘਟਨਾ ਦੀ ਜਾਣਕਾਰੀ ਮਿਲਣ ਉੱਤੇ ਪੁਲਿਸ ਘਟਨਾ ਸਥਲ ਉੱਤੇ ਪਹੁੰਚੀ। ਪੁਲਿਸ ਨੇ ਮੁਲਜ਼ਮ ਪਿਤਾ ਨੂੰ ਗ੍ਰਿਫ਼ਤਾਰ ਕਰ ਲਿਆ ਹੈ। ਘਟਨਾ ਨਾਲ ਪੂਰੇ ਇਲਾਕੇ ਵਿਚ ਰੋਸ ਹੈ।
