ਕਾਰਟੂਨ ’ਚ ਦਸਿਆ, ‘3.3 ਕਰੋੜ ਦੇਵੀ- ਦੇਵਤੇ ਵੀ ਆਕਸੀਜਨ ਨਹੀਂ ਬਣਾ ਪਾ ਰਹੇ’
ਨਵੀਂ ਦਿੱਲੀ/ਪੇਰਿਸ : ਫ਼ਰਾਂਸ ਦੀ ਹਫ਼ਤਾਵਾਰੀ ਕਾਰਟੂਨ ਮੈਗਜ਼ੀਨ ‘ਸ਼ਾਰਲੀ ਹੇਬਦੋ’ ਇਕ ਵਾਰ ਫਿਰ ਸੁਰਖੀਆਂ ਵਿਚ ਹੈ। ਇਸ ਵਾਰ, ਉਸਨੇ ਭਾਰਤ ਵਿਚ ਕੋਵਿਡ-19 ਤੋਂ ਪੈਦਾ ਹੋਈ ਸਥਿਤੀ ਅਤੇ ਆਕਸੀਜਨ ਦੀ ਘਾਟ ਬਾਰੇ ਕਾਰਟੂਨ ਰਾਹੀਂ ਵਿਅੰਗ ਕਸਿਆ ਹੈ। ਸ਼ੋਸ਼ਲ ਮੀਡੀਆ ’ਤੇ ਕੁੱਝ ਲੋਕ ਚਾਰਲੀ ਹੇਬਦੋ ਨੂੰ ਜਾਇਜ਼ ਠਹਿਰਾ ਰਹੇ ਹਨ, ਅਤੇ ਦੂਜੇ ਪਾਸੇ ਇਕ ਵਰਗ ਸਰਕਾਰ ਅਤੇ ਪ੍ਰਸ਼ਾਸਨ ਦੀ ਨਾਕਾਮੀ ਨੂੰ ਧਰਮ ਨਾਲ ਜੋੜਨ ਲਈ ਸਹਿਮਤ ਨਹੀਂ ਹੈ।
Cartoon mocking Indians
ਦੇਸ਼ ਵਿਚ ਕੋਵਿਡ ਦੀ ਦੂਜੀ ਲਹਿਰ ਚਲ ਰਹੀ ਹੈ। ਹਰ ਰੋਜ਼ ਤਿੰਨ ਲੱਖ ਲੋਕ ਪੀੜਤ ਹੋ ਰਹੇ ਹਨ। ਕੇਂਦਰ ਅਤੇ ਰਾਜ ਸਰਕਾਰਾਂ ਲਾਗ ਅਤੇ ਮੌਤ ਦੇ ਅੰਕੜਿਆਂ ਨੂੰ ਲੁਕਾਉਣ ਦੇ ਗੰਭੀਰ ਦੋਸ਼ਾਂ ਦਾ ਸਾਹਮਣਾ ਕਰ ਰਹੀਆਂ ਹਨ। ਲੋਕ ਆਕਸੀਜਨ ਦੀ ਘਾਟ ਨਾਲ ਮਰ ਰਹੇ ਹਨ।
Oxygen
ਸਿਹਤ ਢਾਂਚਾ ਵਿਗੜ ਗਿਆ ਹੈ। ਮੈਗਜ਼ੀਨ ਨੇ ਇਸ ਮੁੱਦੇ ਨੂੰ ਕਾਰਟੂਨ ਦੇ ਜ਼ਰੀਏ ਦਿਖਾਇਆ ਅਤੇ ਇਸ ਨੂੰ ਕਿਤੇ ਨਾ ਕਿਤੇ ਧਾਰਮਕ ਰੰਗ ਦੇ ਦਿਤਾ। ਕਾਰਟੂਨ ਦੇ ਨਾਲ ਨਾਲ ਫ੍ਰੈਂਚ ਵਿਚ ਕੈਪਸ਼ਨ ਵੀ ਹੈ ਜਿਸ ਦਾ ਅਰਥ ਹੈ ਕਿ - ਭਾਰਤ ਵਿਚ 33 ਕਰੋੜ ਦੇਵੀ-ਦੇਵਤੇ ਹਨ, ਫਿਰ ਵੀ ਕੋਈ ਆਕਸੀਜਨ ਨਹੀਂ ਬਣਾ ਪਾ ਰਿਹਾ।
