ਸਾਨੂੰ ਕੰਗਣਾ ਨੂੰ ਮੱਹਤਤਾ ਦੇਣ ਦੀ ਲੋੜ ਨਹੀਂ

ਨਵੀਂ ਦਿੱਲੀ (ਸ਼ੈਸ਼ਵ ਨਾਗਰਾ)  - ਖੇਤੀ ਕਾਨੂੰਨਾਂ ਨੂੰ ਲੈ ਕੇ ਦਿੱਲੀ ਦੇ ਬਾਰਡਰਾਂ ਤੇ ਕਿਸਾਨਾਂ ਦਾ ਧਰਨਾ ਲਗਾਤਾਰ ਜਾਰੀ ਹੈ। ਇਸ ਧਰਨੇ ਵਿੱਚ ਕਿਸਾਨ ਪਰਿਵਾਰ ਦੀਆਂ ਅਜਿਹੀਆਂ ਧੀਆਂ ਵੀ ਡਟੀਆਂ ਹੋਈਅਂ ਹਨ ਜਿਨ੍ਹਾਂ ਦੇ ਪਿਓ ਤੇ ਭਰਾ ਸਰਹੱਦਾਂ 'ਦੇ ਡਟੇ ਹੋਏ ਹਨ । ਦਿੱਲੀ ਸਿੰਘੂ ਬਾਰਡਰ ਤੇ ਇਹ ਕਿਸਾਨ ਧੀਆਂ ਸ਼ੇਰਨੀਆਂ ਵਾਂਗ ਗਰਜ ਰਹੀਆਂ ਹਨ। ਇਸ ਧਰਨੇ 'ਚ ਸ਼ਾਮਿਲ ਕਿਸਾਨ ਧੀ ਸਿਮਰਨ ਕੌਰ ਨੇ ਸਪੋਕਸਮੈਨ ਨਾਲ ਗੱਲਬਾਤ ਦੌਰਾਨ ਕਿਹਾ ਕਿ "ਸਾਰੇ ਲੋਕ ਜਾਣਦੇ ਹਨ ਕਿ ਇਹ ਕਾਨੂੰਨ ਕਿਸਾਨ ਵਿਰੋਧੀ ਹਨ। ਪੰਜਾਬ ਹਰਿਆਣਾ ਹਾਈਕੋਰਟ ਦੀ ਬਾਰ ਐਸੋਸੀਏਸ਼ਨ ਵੀ ਕਿਸਾਨਾਂ ਦੇ ਹੱਕ ਵਿਚ ਡਟੀ ਹੋਈ ਹੈ, ਕਿਉਂਕਿ ਉਹ ਜਾਣਦੇ ਹਨ ਕਿ ਇਹ ਕਾਨੂੰਨ ਕਿਸਾਨਾਂ ਦੇ ਹੱਕ ਵਿੱਚ ਨਹੀਂ ਹੈ।" 

ਉਨ੍ਹਾਂ ਅੱਗੇ ਕਿਹਾ ਕਿ ਪੜ੍ਹੇ ਲਿਖੇ ਲੋਕ ਇਨ੍ਹਾਂ ਕਾਨੂੰਨਾਂ ਨੂੰ ਚੰਗੀ ਤਰਾਂ ਸਮਝਦੇ ਹਨ ਪਰ ਇਨ੍ਹਾਂ ਨੂੰ ਲੱਗਦਾ ਹੈ ਕਿ ਪੰਜਾਬ ਵਿਚ ਪੜ੍ਹੇ ਲਿਖੇ ਲੋਕ ਨਹੀਂ ਹਨ ਇਹ ਸਭ ਲੋਕ ਸਮਝ ਨਹੀਂ ਸਕਦੇ ਹਨ। ਪਰ ਇਨ੍ਹਾਂ ਦਾ ਭੁਲੇਖਾ ਹੈ।  ਇਨ੍ਹਾਂ ਸਭ ਨੂੰ ਡਾਟਾ ਚੈੱਕ ਕਰਵਾਣਾ ਚਾਹੀਦਾ ਹੈ ਸਭ ਤੋਂ ਜਿਆਦਾ ਲੋਕ ਹੀ ਪੰਜਾਬ ਦੇ ilets ਪਾਸ ਕਰਦੇ ਹਨ,  ਪੰਜਾਬੀ ਲੋਕ ਹੀ ਸਭ ਤੋਂ ਜਿਆਦਾ ਵਿਦੇਸ਼ਾਂ ਵਿੱਚ ਕੰਮ ਕਰ ਰਹੇ ਹਨ। ਕੰਗਨਾ ਰਣਾਵਤ ਬਾਰੇ ਜ਼ਿਕਰ ਕਰਦਿਆਂ ਉਨ੍ਹਾਂ ਕਿਹਾ ਕਿ "ਸਾਨੂੰ ਉਸਨੂੰ ਮੱਹਤਤਾ ਦੇਣ ਦੀ ਲੋੜ ਨਹੀਂ ਉਹ ਬਾਰ ਬਾਰ ਲਿਖਦੀ ਹੈ ਮੈਨੂੰ ਤੁਸੀ ਮਹਾਨ ਬਣਾ ਦਿਓ ਮਹਾਨ ਦਿਓ। " 

ਇਸ ਤੋਂ ਬਾਅਦ ਦੂਜੀ ਕਿਸਾਨ ਧੀ ਨਾਲ ਗੱਲਬਾਤ ਕੀਤੀ ਉਨ੍ਹਾਂ ਨੇ ਕਿਹਾ ਕਿ "ਪਹਿਲਾਂ ਕਿਸਾਨਾਂ ਨੂੰ ਕਹਿ ਰਹੇ ਸੀ ਬੁਰਾੜੀ ਦੇ ਮੈਦਾਨ ਵਿੱਚ ਚਲੇ ਜਾਣ ਉਦੋਂ ਹੀ ਅਸੀਂ ਮੀਟਿੰਗ ਕਰਾਂਗੇ  ਪਰ ਜਦੋ ਕਿਸਾਨਾਂ ਇਥੇ ਹੀ ਡਟ ਗਏ ਤੇ ਉਦੋਂ ਹੀ ਕਿਸਾਨਾਂ ਨੂੰ  ਮੀਟਿੰਗ ਲਈ ਸੱਦ ਲਿਆ ਹੈ ਪਰ ਅਸੀਂ ਅੱਗੇ ਹੀ ਵੱਧ ਰਹੇ ਹਨ। ਮੈਨੂੰ ਉਮੀਦ ਹੈ ਕਿ ਸਭ ਕਿਸਾਨ ਇੱਥੋਂ ਜਿੱਤ ਕੇ ਹੀ ਵਾਪਸ ਜਾਣਗੇ। ਇਹ ਲੋਕ ਸਾਡੀ ਜ਼ਮੀਨਾਂ ਨੂੰ ਹੜੱਪਣਾ ਚਾਹੁੰਦੇ ਹਨ ਪਰ ਅਸੀਂ ਇਦਾ ਨਹੀਂ ਹੋਣ ਦੇਵੇਗਾ ਅਸੀਂ ਇਹ ਕਾਨੂੰਨ ਰੱਦ ਕਰਵਾ ਕੇ ਹੀ ਰਵਾਂਗੇ।"

ਉਨ੍ਹਾਂ ਨੇ ਕਿਹਾ ਅਸੀਂ ਲੋਕ ਸਿਰਫ ਗਰੀਬ ਪਰਿਵਾਰ ਨਾਲ ਹੀ ਸਬੰਧ ਨਹੀਂ ਰੱਖਦੇ ਸਿਰਫ ਸਾਡੇ ਘਰ ਦੇ ਤਿੰਨ ਮੈਂਬਰ ਆਰਮੀ 'ਚ ਹਨ। ਦਿੱਲੀ ਪੁਲਿਸ ਸਾਡੀ ਰਖਵਾਲੀ ਲਈ ਖੜੀ ਹੈ ਤਾਂ ਜੋ ਕੋਈ ਦੁਰਘਟਨਾ ਨਾ ਹੋ ਜਾਵੇ। ਉਹ ਸਾਡੀ ਮਦਦ ਲਈ ਦਿਨ ਰਾਤ ਖੜ੍ਹੇ ਹਨ। ਅਸੀਂ ਉਨ੍ਹਾਂ ਦਾ ਧੰਨਵਾਦ ਕਰਦੀ ਹਾਂ। ਕਿਸਾਨਾਂ ਨੂੰ 18 ਦਿਨ ਹੋ ਗਏ ਹਨ ਕਿਸਾਨੀ ਧਰਨੇ ਵਿਚ ਬੈਠੇ ਹੋਏ ਅਸੀਂ ਵੀ ਉਨ੍ਹਾਂ ਦਾ ਸਾਥ ਦਵਾਂਗੇ ਹੁਣ ਪਿੱਛੇ ਨਹੀਂ ਹਟਾਂਗੇ ਜਿੱਤ ਕੇ ਵਾਪਿਸ ਜਾਵਾਂਗੇ।   

ਕਿਸਾਨ ਧੀਆਂ ਦੀਆ ਮਾਤਾ ਜੀ ਨੇ ਕਿਹਾ ਕਿ ਮੇਰੇ ਪਤੀ ਪਹਿਲੇ ਦਿਨ ਜਦੋ ਮੋਰਚੇ ਵਿਚ ਆਏ ਸਨ ਤਾਂ ਦਿੱਲੀ ਵਿੱਚ ਉਹ ਸਭ ਤੋਂ ਪਹਿਲਾਂ ਆਏ ਸਨ ਉਦੋਂ ਦਿੱਲੀ ਪੁਲਿਸ ਕਹਿੰਦੇ ਸਨ  ਤੁਹਾਨੂੰ ਬੁਰਾੜੀ ਭੇਜ ਦੇਣਗੇ ਪਰ ਮੇਰੇ ਪਤੀ ਦਿੱਲੀ ਪੁਲਿਸ ਕੋਲੋਂ ਨਜ਼ਰ ਬਚਾ ਕੇ ਭੱਜ ਗਏ ਸਨ। ਉਨ੍ਹਾਂ ਨੇ ਅੱਗੇ ਕਿਹਾ "ਅਸੀਂ ਪੰਜਾਬੀ ਹਾਂ ਅਸੀਂ ਨਹੀਂ ਡਰਦੇ, ਪਿੱਛੇ ਸਮੇਂ ਸ਼ਾਹੀਨ ਬਾਗ ਚ ਮੋਰਚਾ ਲੱਗਿਆ ਹੋਇਆ ਸੀ ਮੇਰੀ ਧੀ ਉਸ ਵੇਲੇ ਪੜ੍ਹਦੀ ਸੀ ਰੋਜ ਫਿਕਰ ਕਰਦੀ ਸੀ, ਉਸ ਵੇਲੇ ਸੋਚਦੇ ਸੀ ਮੁਸਲਿਮਾਂ ਨਾਲ, ਮੁਸਲਿਮਾਂ ਕੁੜੀਆਂ ਨਾਲ ਧੱਕਾ ਹੁੰਦਾ ਸੀ ਕਦੋ ਖ਼ਤਮ ਹੋਵੇਗਾ।" ਉਸ ਵੇਲੇ ਅਸੀਂ ਉਨ੍ਹਾਂ ਬੱਚਿਆਂ ਦੇ ਹੱਕ ਵਿੱਚ ਸੀ। "