ਡਾਕਟਰ ਹਰਸ਼ਵਰਧਨ ਨੇ ਟੀਕੇ ਬਾਰੇ ਕਿਹਾ, “ਵੈਕਸੀਨ ਕਦੋਂ ਲਾਂਚ ਹੋਵੇਗੀ ਇਸ ਦੀ ਕੋਈ ਪੱਕੀ ਤਾਰੀਖ ਨਹੀਂ ਹੈ।
ਨਵੀਂ ਦਿੱਲੀ - ਕੇਂਦਰੀ ਸਿਹਤ ਮੰਤਰੀ ਡਾ: ਹਰਸ਼ਵਰਧਨ ਨੇ ਅੱਜ ਦੇਸ਼ ਦੇ ਲੋਕਾਂ ਨਾਲ ਗੱਲਬਾਤ ਕਰਨ ਲਈ ‘ਐਤਵਾਰ ਸੰਵਾਦ’ ਨਾਮਕ ਇੱਕ ਪ੍ਰੋਗਰਾਮ ਆਯੋਜਿਤ ਕੀਤਾ। ਡਿਜੀਟਲ ਮਾਧਿਅਮ ਦੁਆਰਾ 1 ਘੰਟੇ ਤੋਂ ਵੱਧ ਸਮੇਂ ਲਈ ਕੀਤੇ ਗਏ ਇਸ ਪ੍ਰੋਗਰਾਮ ਵਿਚ ਉਹਨਾਂ ਨੇ ਕੋਰੋਨਾ ਵੈਕਸੀਨ ਬਾਰੇ ਉਠਾਏ ਸਵਾਲਾਂ ਦੇ ਜਵਾਬ ਦਿੱਤੇ। ਇਸ ਦੇ ਨਾਲ ਹੀ ਕੋਰੋਨਾ ਤੋਂ ਠੀਕ ਹੋ ਕੇ ਦੁਬਾਰਾ ਬਿਮਾਰ ਹੋਏ ਲੋਕਾਂ ਨੇ ਵੀ ਇਸ ਸੰਵਾਦ ਵਿਚ ਹਿੱਸਾ ਲਿਆ।
Dr. Harsh Vardhan
ਡਾਕਟਰ ਹਰਸ਼ਵਰਧਨ ਨੇ ਟੀਕੇ ਬਾਰੇ ਕਿਹਾ, “ਵੈਕਸੀਨ ਕਦੋਂ ਲਾਂਚ ਹੋਵੇਗੀ ਇਸ ਦੀ ਕੋਈ ਪੱਕੀ ਤਾਰੀਖ ਨਹੀਂ ਹੈ। ਉਹਨਾਂ ਕਿਹਾ ਕਿ ਮੈਂ ਆਪਣੇ ਮੰਤਰਾਲੇ ਅਤੇ ਦੇਸ਼ ਦੇ ਪ੍ਰਧਾਨ ਮੰਤਰੀ ਵੱਲੋਂ ਭਰੋਸਾ ਦਿਵਾਉਣਾ ਚਾਹੁੰਦਾ ਹਾਂ ਕਿ ਕਲੀਨਿਕਲ ਅਜ਼ਮਾਇਸ਼ਾਂ ਵਿਚ ਕੋਈ ਕਮੀ ਨਹੀਂ ਆਵੇਗੀ। ਟੀਕਾ ਕੇਵਲ ਤਾਂ ਹੀ ਉਪਲੱਬਧ ਹੋਵੇਗਾ ਜਦੋਂ ਸਰਕਾਰ ਇਸ ਨੂੰ ਸੁਰੱਖਿਅਤ ਅਤੇ ਪ੍ਰਭਾਵਸ਼ਾਲੀ ਬਣਾਏਗੀ। ਆਪਣੀ ਸਰਕਾਰ ਅਤੇ ਸਿਹਤ ਮੰਤਰੀ 'ਤੇ ਪੂਰਾ ਭਰੋਸਾ ਰੱਖੋ।
Corona Vaccine
ਇਸ ਸੰਵਾਦ ਵਿਚ ਡਾ. ਹਰਸ਼ਵਰਧਨ ਨੇ ਖ਼ਾਸ ਗੱਲ ਇਕ ਕਹੀ ਕਿ ਜੇ ਲੋਕਾਂ ਵਿਚ ਕੋਰੋਨਾ ਵਾਇਰਸ ਟੀਕੇ 'ਤੇ ਵਿਸ਼ਵਾਸ ਦੀ ਕਮੀ ਹੈ, ਤਾਂ ਸਭ ਤੋਂ ਪਹਿਲਾਂ ਉਹ ਟੀਕਾ ਮੈਂ ਖ਼ੁਦ ਲਵਾਂਗਾ। ਇਸ ਤੋਂ ਇਲਾਵਾ ਸਿਹਤ ਮੰਤਰੀ ਨੇ ਇਹ ਵੀ ਦੱਸਿਆ ਕਿ ਕੋਵਿਡ ਟੀਕੇ ਦੇ ਆਉਣ ਤੋਂ ਬਾਅਦ ਕਿਸ ਨੂੰ ਇਹ ਟੀਕਾ ਪਹਿਲ ਦੇ ਅਧਾਰ 'ਤੇ ਦਿੱਤਾ ਜਾਵੇਗਾ। ਹਰਸ਼ ਵਰਧਨ ਨੇ ਕਿਹਾ ਕਿ ਕੋਵਿਡ ਟੀਕੇ 'ਤੇ ਐਮਰਜੈਂਸੀ ਅਥਾਰਟੀ ਦੀ ਜਲਦੀ ਹੀ ਸਹਿਮਤੀ ਬਣ ਸਕਦੀ ਹੈ।
Dr. Harsh Vardhan
ਡਾ: ਹਰਸ਼ਵਰਧਨ ਨੇ ਕਿਹਾ ਕਿ ਕੋਵਿਡ -19 ਟੀਕਾ ਸਿਹਤ ਕਰਮਚਾਰੀਆਂ, ਬਜ਼ੁਰਗ ਨਾਗਰਿਕਾਂ, ਹੋਰ ਬਿਮਾਰੀਆਂ ਤੋਂ ਪੀੜਤ ਲੋਕਾਂ ਨੂੰ ਪਹਿਲ ਦੇ ਅਧਾਰ ’ਤੇ ਦਿੱਤਾ ਜਾਵੇਗਾ। ਸਿਹਤ ਮੰਤਰੀ ਨੇ ਕਿਹਾ ਕਿ ਜੇਕਰ ਲੋਕਾਂ ਦੇ ਦਿਮਾਗ ਵਿਚ ਕੋਵਿਡ ਟੀਕੇ ਬਾਰੇ ਕੋਈ ਵੀ ਸ਼ੱਕ ਹੈ, ਤਾਂ ਉਹ ਪਹਿਲਾਂ ਇਹ ਟੀਕਾ ਖ਼ੁਦ ਲੈਣਗੇ। ਦੱਸ ਦਈਏ ਕਿ ਦੇਸ਼ ਵਿੱਚ ਟੀਕੇ ਦੇ ਤਿੰਨ ਉਮੀਦਵਾਰ ਕਲੀਨਿਕਲ ਅਜ਼ਮਾਇਸ਼ਾਂ ਦੇ ਵੱਖ ਵੱਖ ਪੜਾਵਾਂ ਵਿੱਚ ਹਨ।
Grateful to thousands of you who wrote to me for #SundaySamvaad !
— Dr Harsh Vardhan (@drharshvardhan) September 13, 2020
Great to have started a 2-way communication with social media friends. Learning a lot from the conversations.
Hope we can keep up & further strengthen the dialogue????https://t.co/su977Pnzxk
ਇਨ੍ਹਾਂ ਵਿਚੋਂ ਦੋ ਭਾਰਤ ਦੀਆਂ ਹਨ ਜਦਕਿ ਤੀਜੀ ਟੀਕਾ ਆਕਸਫੋਰਡ ਯੂਨੀਵਰਸਿਟੀ ਦਾ ਹੈ। ਹਾਲ ਹੀ ਵਿਚ ਆਕਸਫੋਰਡ ਟੀਕੇ ਦੇ ਟਰਾਇਲ 'ਤੇ ਪਾਬੰਦੀ ਲਗਾਈ ਗਈ ਹੈ। ਇਸ ਤੋਂ ਬਾਅਦ ਸੀਰਮ ਇੰਸਟੀਚਿਊਟ ਆਫ ਇੰਡੀਆ ਇੰਡੀਅਨ ਨੇ ਸ਼ਨੀਵਾਰ ਨੂੰ ਕਿਹਾ ਕਿ ਉਹ ਭਾਰਤ ਦੇ ਡਰੱਗ ਕੰਟਰੋਲਰ ਜਨਰਲ (ਡੀ.ਸੀ.ਜੀ.ਆਈ) ਤੋਂ ਮਨਜ਼ੂਰੀ ਮਿਲਣ ਤੋਂ ਬਾਅਦ ਐਸਟਰਾ ਜਨੇਕਾ ਦੇ ਕੋਵਿਡ -19 ਟੀਕੇ ਦੇ ਕਲੀਨਿਕਲ ਟਰਾਇਲ ਦੁਬਾਰਾ ਸ਼ੁਰੂ ਕਰੇਗੀ।
