ਗੁਜਰਾਤ ਦੇ ਗਿਰ ਜੰਗਲਾਤ ਇਲਾਕੇ 'ਚ ਏਸ਼ੀਆਈ ਸ਼ੇਰਾਂ ਦੀ ਆਬਾਦੀ ਵਧ ਗਈ ਹੈ
ਅਹਿਮਦਾਬਾਦ: ਗੁਜਰਾਤ ਦੇ ਗਿਰ ਜੰਗਲਾਤ ਇਲਾਕੇ 'ਚ ਏਸ਼ੀਆਈ ਸ਼ੇਰਾਂ ਦੀ ਆਬਾਦੀ ਵਧ ਗਈ ਹੈ। ਇਸ ਦੀ ਜਾਣਕਾਰੀ ਖ਼ੁਦ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਇਕ ਟਵੀਟ 'ਚ ਦਿਤੀ। ਟਵੀਟ 'ਚ ਪ੍ਰਧਾਨ ਮੰਤਰੀ ਨੇ ਲਿਖਿਆ,''2 ਬਹੁਤ ਚੰਗੀਆਂ ਖ਼ਬਰਾਂ ਹਨ, ਗੁਜਰਾਤ ਦੇ ਗਿਰ ਜੰਗਲ 'ਚ ਰਹਿਣ ਵਾਲੇ ਏਸ਼ੀਆਈ ਸ਼ੇਰਾਂ ਦੀ ਆਬਾਦੀ ਲਗਾਤਾਰ 29 ਫ਼ੀ ਸਦੀ ਤਕ ਵਧ ਗਈ ਹੈ।
Lions
ਭੂਗੋਲਿਕ ਰੂਪ ਨਾਲ ਵੰਡ ਖੇਤਰ (ਫੈਲਾਅ) 36 ਫ਼ੀ ਸਦੀ ਤਕ ਵਧ ਗਿਆ ਹੈ। ਦਰਅਸਲ ਸ਼ੇਰ ਦੀ ਗਿਣਤੀ ਜਿਥੇ ਪਹਿਲਾਂ 523 ਸੀ, ਉਥੇ ਹੁਣ ਵਧ ਕੇ 674 ਹੋ ਗਈ ਹੈ। 2015 'ਚ ਹੋਈ ਆਖ਼ਰੀ ਗਿਣਤੀ ਦੇ ਸਮੇਂ ਗਿਰ ਦੇ ਜੰਗਲਾਂ 'ਚ ਸ਼ੇਰਾਂ ਦੀ ਗਿਣਤੀ 523 ਸੀ। ਇਹ ਗਿਣਤੀ ਹਰ 5 ਸਾਲ ਤੋਂ ਕੀਤੀ ਜਾਂਦੀ ਹੈ।
Lions
ਦੂਜੇ ਪਾਸੇ ਪ੍ਰਧਾਨ ਮੰਤਰੀ ਮੋਦੀ ਨੇ ਅਪਣੇ ਟਵੀਟ 'ਚ ਲਿਖਿਆ,''ਗੁਜਰਾਤ ਦੇ ਲੋਕਾਂ ਅਤੇ ਉਨ੍ਹਾਂ ਸਾਰੇ ਲੋਕਾਂ ਲਈ ਵਧਾਈ, ਜਿਨ੍ਹਾਂ ਦੀਆਂ ਕੋਸ਼ਿਸ਼ਾਂ ਨਾਲ ਇਹ ਵੱਡੀ ਉਪਲਬਧੀ ਹਾਸਲ ਹੋਈ ਹੈ।''ਪ੍ਰਧਾਨ ਮੰਤਰੀ ਨੇ ਇਕ ਹੋਰ ਟਵੀਟ 'ਚ ਲਿਖਿਆ,''ਪਿਛਲੇ ਕਈ ਸਾਲਾਂ ਤੋਂ ਗੁਜਰਾਤ 'ਚ ਸ਼ੇਰਾਂ ਦੀ ਆਬਾਦੀ ਲਗਾਤਾਰ ਵਧ ਰਹੀ ਹੈ।
Lions
ਇਹ ਕਮਿਊਨਿਟੀ ਹਿੱਸੇਦਾਰੀ, ਤਕਨਾਲੋਜੀ 'ਤੇ ਜ਼ੋਰ, ਜੰਗਲੀ ਜੀਵਨ ਦੀ ਸਿਹਤ ਸੰਭਾਲ, ਉਚਿਤ ਰਿਹਾਇਸ਼ ਪ੍ਰਬੰਧਨ ਅਤੇ ਮਨੁੱਖੀ ਤੇ ਸ਼ੇਰਾਂ ਦਰਮਿਆਨ ਸੰਘਰਸ਼ ਨੂੰ ਘੱਟ ਕਰਨ ਦੇ ਕਦਮਾਂ ਦਾ ਨਤੀਜਾ ਹੈ। ਆਸ ਹੈ ਕਿ ਇਹ ਸਕਾਰਾਤਮਕ ਰੁਝਾਨ ਅੱਗੇ ਵੀ ਜਾਰੀ ਰਹੇਗਾ।
Lions
ਜ਼ਿਕਰਯੋਗ ਹੈ ਕਿ ਗੁਜਰਾਤ ਦੇ ਜੂਨਾਗੜ੍ਹ 'ਚ ਸਥਿਤ ਗਿਰ ਜੰਗਲ 'ਬਾਘ ਸੁਰੱਖਿਅਤ ਖੇਤਰ' ਹੈ। ਇਹ ਖੇਤਰ ਪੂਰੀ ਦੁਨੀਆਂ 'ਚ 'ਏਸ਼ੀਆਈ ਬੱਬਰ ਸ਼ੇਰਾਂ' ਲਈ ਚਰਚਿਤ ਹੈ।
Lions
ਜੂਨਾਗੜ੍ਹ ਨਗਰ ਤੋਂ 60 ਕਿਲੋਮੀਟਰ ਦੱਖਣ-ਪੱਛਮ 'ਚ ਸਥਿਤ ਇਸ ਬਾਗ਼ ਦਾ ਖੇਤਰਫਲ ਲਗਭਗ 1,295 ਵਰਗ ਕਿਲੋਮੀਟਰ ਹੈ। ਗਿਰ ਜੰਗਲਾਤ ਸੁਰੱਖਿਆ ਖੇਤਰ ਦੀ ਸਥਾਪਨਾ 1913 'ਚ ਏਸ਼ੀਆਈ ਸ਼ੇਰਾਂ ਨੂੰ ਸੁਰੱਖਿਅਤ ਪ੍ਰਦਾਨ ਕਰਨ ਲਈ ਕੀਤੀ ਗਈ ਸੀ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
