ਭਾਰਤੀ ਜਨਤਾ ਪਾਰਟੀ ਦੇ ਨੇਤਾਵਾਂ ਦਾ ਜਥਾ ਵੀਰਵਾਰ ਨੂੰ ਕਲਕੱਤਾ...
ਕੋਲਕਾਤਾ: ਭਾਰਤੀ ਜਨਤਾ ਪਾਰਟੀ ਦੇ ਨੇਤਾਵਾਂ ਦਾ ਜਥਾ ਵੀਰਵਾਰ ਨੂੰ ਕੋਲਕਾਤਾ ਦੇ ਐਮਐਸਕੇਐਮ ਹਸਪਤਾਲ ਵਿਚ ਪਹੁੰਚਿਆ। ਜਿੱਥੇ ਰਾਜ ਦੀ ਮੁੱਖ ਮੰਤਰੀ ਮਮਤਾ ਬੈਨਰਜੀ ਦਾ ਇਲਾਜ ਚੱਲ ਰਿਹਾ ਹੈ। ਹਾਲਾਂਕਿ, ਇਹ ਨੇਤਾ ਮਮਤਾ ਨੂੰ ਨਹੀਂ ਮਿਲ ਸਕੇ। ਮਮਤਾ ਬੈਨਰਜੀ ਬੁੱਧਵਾਰ ਨੂੰ ਨੰਦੀਗ੍ਰਾਮ ਵਿਚ ਇਕ ਕਥਿਤ ਹਮਲੇ ਵਿਚ ਜਖਮੀ ਹੋ ਗਏ ਸਨ। ਉਦੋਂ ਉਨ੍ਹਾਂ ਨੂੰ ਉਥੋਂ ਤੁਰੰਤ ਕੋਲਕਾਤਾ ਲਿਆਂਦਾ ਗਿਆ ਸੀ।
MAMTA
ਅੱਜ ਵੀਰਵਾਰ ਨੂੰ ਮਾਮਲੇ ਉਤੇ ਵਿਵਾਦ ਦੇ ਵਿਚਾਲੇ ਮੇਘਾਲਿਆ ਅਤੇ ਤ੍ਰਿਪੁਰਾ ਦੇ ਸਾਬਕਾ ਰਾਜਪਾਲ ਤਥਾਗਤ ਰਾਏ ਅਤੇ ਬੀਜੇਪੀ ਦੀ ਰਾਜ ਇਕਾਈ ਦੇ ਬੁਲਾਰੇ ਸਾਮਿਕ ਭੱਟਾਚਾਰੀਆ ਹਸਪਤਾਲ ਜਾਣ ਵਾਲੇ ਜਥੇ ਵਿਚ ਸ਼ਾਮਲ ਸਨ । ਉਨ੍ਹਾਂ ਨੇ ਕਿਹਾ ਕਿ ਉਹ ਐਮਰਜੈਂਸੀ ਦੇ ਕਾਰਨਾਂ ਕਰਕੇ ਤ੍ਰਿਣਮੂਲ ਕਾਂਗਰਸ ਦੀ ਪ੍ਰਧਾਨ ਮਮਤਾ ਬੈਨਰਜੀ ਨਾਲ ਮੁਲਾਕਾਤ ਨਹੀਂ ਕਰ ਸਕੇ।
Mamta
ਭੱਟਾਚਾਰੀਆ ਨੇ ਕਿਹਾ, ਅਸੀਂ ਉਥੇ ਮੌਜੂਦ ਮੰਤਰੀ ਅਰੂਪ ਵਿਸਵਾਸ ਸਹਿਤ ਕਾਂਗਰਸ ਦੇ ਨੇਤਾਵਾਂ ਨੂੰ ਅਪਣੀਆਂ ਚਿੰਤਾਵਾਂ ਤੋਂ ਜਾਣੂ ਕਰਵਾ ਦਿੱਤਾ ਹੈ ਅਤੇ ਮੁੱਖ ਮੰਤਰੀ ਦੇ ਜਲਦੀ ਸਿਹਤਮੰਦ ਹੋਣ ਦੀ ਕਾਮਨਾ ਕਰਦੇ ਹਾਂ। ਦੱਸ ਦਈਏ ਕਿ ਮਮਤਾ ਬੈਨਰਜੀ ਨੇ ਬੁੱਧਵਾਰ ਨੂੰ ਦੋਸ਼ ਲਗਾਇਆ ਸੀ ਕਿ ਨੰਦੀਗ੍ਰਾਮ ਵਿਚ ਚੋਣ ਪ੍ਰਚਾਰ ਦੇ ਦੌਰਾਨ ਚਾਰ-ਪੰਜ ਲੋਕਾਂ ਨੇ ਉਨ੍ਹਾਂ ਨੂੰ ਧੱਕਾ ਦਿੱਤਾ ਸੀ।
BJP Trimool
ਜਿਸਦੇ ਕਾਰਨ ਉਹ ਜਮੀਨ ਉਤੇ ਡਿਗ ਗਏ ਅਤੇ ਉਨ੍ਹਾਂ ਦੇ ਖੱਬੇ ਪੈਰ, ਲੱਕ, ਮੋਢੇ ਅਤੇ ਗਰਦਨ ਵਿਚ ਸੱਟ ਲੱਗੀ ਹੈ। ਉਨ੍ਹਾਂ ਦਾ ਐਮਐਸਕੇਐਮ ਹਸਪਤਾਲ ਵਿਚ ਇਲਾਜ ਚੱਲ ਰਿਹਾ ਹੈ।
