ਪੂਰੀ ਦੁਨੀਆ ਵਿਚ ਕੋਰੋਨਾ ਤੋਂ ਬਚਣ ਲਈ ਉਪਾਅ ਲੱਭੇ ਜਾ ਰਹੇ ਹਨ।
ਨਵੀਂ ਦਿੱਲੀ: ਪੂਰੀ ਦੁਨੀਆ ਵਿਚ ਕੋਰੋਨਾ ਤੋਂ ਬਚਣ ਲਈ ਉਪਾਅ ਲੱਭੇ ਜਾ ਰਹੇ ਹਨ। ਇਸ ਦੌਰਾਨ ਚੇਨਈ ਦੇ ਇਕ ਡਾਕਟਰ ਨੇ ਕੋਰੋਨਾ ਦੇ ਇਲਾਜ ਲਈ ਬਣਾਈ ਦਵਾਈ ਦਾ ਖੁਦ 'ਤੇ ਹੀ ਪਰੀਖਣ ਕੀਤਾ ਪਰ ਇਸ ਦੌਰਾਨ ਉਸ ਦੀ ਮੌਤ ਹੋ ਗਈ।
Photo
ਦਰਅਸਲ ਸ਼ਿਵਨੇਸਨ ਆਯੁਰਵੈਦਿਕ ਪ੍ਰੋਡਕਸ਼ਨ ਕੰਪਨੀ ਨਾਲ ਫਾਰਮਾਸਿਸਟ ਅਤੇ ਪ੍ਰੋਡਕਸ਼ਨ ਮੈਨੇਜਰ ਵਜੋਂ ਕੰਮ ਕਰ ਰਹੇ ਸੀ। ਜੋ ਕਿ ਕਫ ਸਿਰਪ ਲਈ ਮਸ਼ਹੂਰ ਹੈ। ਇਸ ਦੌਰਾਨ ਸ਼ਿਵਨੇਸਨ ਅਤੇ ਉਹਨਾਂ ਦੇ ਮਾਲਕ ਰਾਜਕੁਮਾਰ ਕੋਰੋਨਾ ਵਾਇਰਸ ਦੇ ਇਲਾਜ ਲਈ ਇਕ ਦਵਾਈ ਦੀ ਖੋਜ ਕਰ ਰਹੇ ਸੀ।
Photo
ਉਹਨਾਂ ਨੇ ਕੋਰੋਨਾ ਲਈ ਜੋ ਦਵਾਈ ਬਣਾਈ ਸੀ, ਉਸ ਦਾ ਅਪਣੇ 'ਤੇ ਹੀ ਟੈਸਟ ਕਰਨ ਲੱਗੇ। ਉਹਨਾਂ ਦੇ ਮਾਲਕ ਨੇ ਦਵਾਈ ਦੀਆਂ ਕੁੱਝ ਬੁੰਦਾਂ ਪੀ ਲਈਆਂ ਜਦਕਿ ਸ਼ਿਵਨੇਸਨ ਨੇ ਜ਼ਿਆਦਾ ਮਾਤਰਾ ਵਿਚ ਦਵਾਈ ਦਾ ਸੇਵਨ ਕਰ ਲਿਆ। ਇਸ ਤੋਂ ਬਾਅਦ ਦੋਵੇਂ ਬੇਹੋਸ਼ ਹੋ ਗਏ ਤੇ ਉਹਨਾਂ ਨੂੰ ਨਜ਼ਦੀਕੀ ਹਸਪਤਾਲ ਵਿਚ ਭਰਤੀ ਕਰਵਾਇਆ ਗਿਆ।
Photo
ਸ਼ਿਵਨੇਸਨ ਦੀ ਹਸਪਤਾਲ ਵਿਚ ਹੀ ਮੌਤ ਹੋ ਗਈ ਜਦਕਿ ਮਾਲਕ ਦੀ ਹਾਲਤ ਸਥਿਰ ਦੱਸੀ ਜਾ ਰਹੀ ਹੈ ਅਤੇ ਉਹਨਾਂ ਦਾ ਇਲ਼ਾਜ ਚੱਲ ਰਿਹਾ ਹੈ। ਪੁਲਿਸ ਇਸ ਮਾਮਲੇ ਦੀ ਜਾਂਚ ਕਰ ਰਹੀ ਹੈ। ਦੱਸ ਦਈਏ ਕਿ ਪੂਰੀ ਦੁਨੀਆ ਕੋਰੋਨਾ ਵਾਇਰਸ ਦੀ ਦਵਾਈ ਲਈ ਚਿੰਤਤ ਹੈ।
Photo
ਹੁਣ ਤੱਕ ਕੋਈ ਵੀ ਦੇਸ਼ ਇਸ ਨਾਲ ਲੜਨ ਲਈ ਕੋਈ ਟੀਕਾ ਨਹੀਂ ਲੱਭ ਸਕਿਆ ਹੈ। ਹਾਲਾਂਕਿ ਦੁਨੀਆ ਦੇ ਜ਼ਿਆਦਾਤਰ ਦੇਸ਼ ਇਸ ਬਿਮਾਰੀ ਦਾ ਇਲਾਜ ਲੱਭਣ ਲਈ ਦਿਨ-ਰਾਤ ਕੋਸ਼ਿਸ਼ ਕਰ ਰਹੇ ਹਨ।
