ਕੋਵਿਡ-19 ਦੇ 75809 ਨਵੇਂ ਮਾਮਲੇ ਆਏ ਸਾਹਮਣੇ, 1133 ਲੋਕਾਂ ਦੀ ਮੌਤ

ਨਵੀਂ ਦਿੱਲੀ, 8 ਸਤੰਬਰ : ਦੇਸ਼ ਵਿਚ ਇੱਕ ਦਿਨ ਵੀ ਕੋਵਿਡ-19 ਦੇ 75809 ਨਵੇਂ ਮਾਮਲੇ ਸਾਹਮਣੇ ਆਉਣ ਤੋਂ ਬਾਅਦ ਦੇਸ਼ ਵਿਚ ਕੋਰੋਨਾ ਨਾਲ ਪ੍ਰਭਾਵਿਤ ਮਾਮਲਿਆਂ ਦੀ ਗਿਣਤੀ ਮੰਗਲਵਾਰ ਨੂੰ 4280422 ਹੋ ਗਈ ਹੈ। ਉਥੇ ਹੀ ਕੋਰੋਨਾ ਨਾਲ ਮਰਨ ਵਾਲਿਆਂ ਦੀ ਗਿਣਤੀ 1,133 ਅਤੇ ਹੁਣ ਤੱਕ ਕੁੱਲ ਮ੍ਰਿਤਕਾਂ ਦੀ ਗਿਣਤੀ 72,775 ਤੇ ਪਹੁੰਚ ਗਈ ਹੈ। ਕੇਂਦਰੀ ਸਿਹਤ ਮੰਤਰਾਲੇ ਦੁਆਰਾ ਸਵੇਰੇ 8 ਵਜੇ ਜਾਰੀ ਕੀਤੇ ਗਏ ਅੰਕੜਿਆਂ ਅਨੁਸਾਰ ਬੀਤੇ 4 ਘੰਟਿਆਂ ਵਿੱਚ 33,23,950 ਲੋਕ ਸਿਹਤਯਾਬ ਹੋਏ ਹਨ। ਜਿਸ ਉਪਰਾਂਤ ਠੀਕ ਹੋਣ ਵਾਲੇ ਮਰੀਜਾਂ ਦੀ ਦਰ 77.65 ਪ੍ਰਤੀਸ਼ਤ ਹੋ ਗਈ ਹੈ। ਆਂਕੜਿਆਂ ਅਨੁਸਾਰ ਕੋਵਿਡ-19 ਦੀ ਮੌਤ ਦਰ 1.7 ਪ੍ਰਤੀਸ਼ਤ ਹੈ। ਹੁਣ ਵੀ ਭਾਰਤ ਵਿਚ 8,83,697 ਮਰੀਜਾਂ ਦਾ ਇਲਾਜ ਜਾਰੀ ਹੈ। ਜੋ ਕੁੱਲ ਮਾਮਲਿਆਂ ਦਾ 20.65 ਪ੍ਰਤੀਸ਼ਤ ਹੈ। ਦੇਸ਼ ਵਿਚ ਹੁਣ ਤੱਕ 5,06,50,128 ਨਮੂਨਿਆਂ ਦੀ ਜਾਂਚ ਕੀਤੀ ਗਈ ਹੈ। ਜਿਸ ਵਿਚੋਂ 10,98,621 ਦੀ ਜਾਂਚ ਬੀਤੇ ਸੋਮਵਾਰ ਨੂੰ ਕੀਤੀ ਗਈ ਹੈ।

image

ਬੀਤੇ 24 ਘੰਟਿਆਂ  ਵਿਚ ਮਰਨ ਵਾਲੇ 1133 ਲੋਕਾਂ ਵਿਚੋਂ ਸਭ ਤੋਂ ਵੱਧ 423 ਲੋਕ ਮਹਾਂਰਾਸ਼ਟਰ ਦੇ ਸਨ। ਕਰਨਾਟਕ ਦੇ 141, ਤਮਿਲਨਾਡੂ ਦੇ 89, ਆਂਧਰਾ ਪ੍ਰਦੇਸ਼ ਦੇ 70, ਪੰਜਾਬ ਦੇ 61, ਪੱਛਮ ਬੰਗਾਲ ਦੇ 58 , ਉੱਤਰ ਪ੍ਰਦੇਸ਼ ਦੇ 56, ਦਿੱਲੀ ਦੇ 32, ਹਰਿਆਣਾ ਦੇ 23, ਮੱਧ ਪ੍ਰਦੇਸ਼ ਅਤੇ ਜੰਮੂ ਕਸ਼ਮੀਰ ਦੇ 17-17, ਛੱਤੀਸਗੜ੍ਹ ਅਤੇ ਗੁਜਰਾਤ  ਦੇ 15-15 , ਰਾਜਸਥਾਨ ਦੇ 14, ਝਾਰਖੰਡ ਦੇ 13, ਕੇਰਲ ਦੇ 12, ਬਿਹਾਰ , ਪੰਡੂਚੇਰੀ ਅਤੇ ਤੇਲਗਾਨਾ ਦੇ 11-11, ਅਸਮ ਅਤੇ ਉਡੀਸਾ ਦੇ  10-10. ਗੋਆ ਦੇ 9, ਉਤਰਾਖੰਡ ਦੇ 7, ਚੰਡੀਗੜ੍ਹ ਅਤੇ ਤਿਰਪੁਰਾ ਦੇ 3-3 ਅਤੇ ਹਿਮਾਚਲ ਅਤੇ ਮੇਘਾਲਿਆ ਦੇ 1-1 ਵਿਅਕਤੀ ਦੀ ਮੌਤ ਹੋਈ ਹੈ। (ਏਜੰਸੀ)