ਪਰ ਜੇ ਕੋਈ ਵਿਅਕਤੀ ਉੱਥੇ ਮੌਜੂਦ ਹੁੰਦਾ ਤਾਂ ਇਹ...
ਨਵੀਂ ਦਿੱਲੀ: ਰਾਜਧਾਨੀ ਦਿੱਲੀ ਦੇ ਸਟੇ ਨੋਇਡਾ ਦੇ ਸੈਕਟਰ 134 ਵਿਚ ਗੋਲੀਬਾਰੀ ਦੀ ਘਟਨਾ ਲਈ ਇਕ ਵਿਅਕਤੀ ਨੂੰ ਸ਼ਨੀਵਾਰ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਪੁਲਿਸ ਨੇ ਫਾਇਰਿੰਗ ਪਿੱਛੇ ਇਕ ਹੈਰਾਨ ਕਰ ਦੇਣ ਵਾਲਾ ਕਾਰਨ ਦੱਸਿਆ ਹੈ। ਪੁਲਿਸ ਮੁਤਾਬਕ ਇਹ ਫਾਇਰਿੰਗ ਟਿਕਟੌਕ ਵੀਡੀਉ ਬਣਾਉਣ ਲਈ ਕੀਤੀ ਗਈ ਸੀ। 32 ਸਾਲ ਦੇ ਇਸ ਵਿਅਕਤੀ ਨੇ ਦਿੱਲੀ ਪੁਲਿਸ ਦੇ ਇਕ ਸੀਨੀਅਰ ਅਧਿਕਾਰੀ ਦੇ ਘਰ ਤੇ ਗੋਲੀਆਂ ਚਲਾਈਆਂ ਸਨ।
Photo
ਸ਼ਖ਼ਸ ਦੀ ਇਸ ਹਰਕਤ ਨਾਲ ਅਧਿਕਾਰੀ ਦੇ ਫਲੈਟ ਦੀ ਖਿੜਕੀ ਦੇ ਸ਼ੀਸ਼ੇ ਟੁੱਟ ਗਏ ਅਤੇ ਗੋਲੀਆਂ ਘਰ ਦੀ ਛੱਤ ਤੇ ਜਾ ਲੱਗੀਆਂ। ਸੈਕਟਰ-134 ਸਥਿਤ ਜੇਪੀ ਕਾਸਮਾਸ ਸੋਸਾਇਟੀ ਵਿਚ ਵੀਰਵਾਰ ਰਾਤ ਕਰੀਬ 11.45 ਵਜੇ ਹਵਾਈ ਫਾਇਰਿੰਗ ਹੋਈ ਸੀ। ਫਾਇਰਿੰਗ ਵਿਚ ਦੋ ਗੋਲੀਆਂ 17ਵੇਂ ਫਲੋਰ ਤੇ ਦਿੱਲੀ ਦੇ ਵਿਵੇਕ ਵਿਹਾਰ ਵਿਚ ਤੈਨਾਤ ਐਸਪੀ ਮਿਅੰਕ ਬੰਸਲ ਦੇ ਫਲੈਟ ਤੇ ਜਾ ਲੱਗੀ। ਗੋਲੀਆਂ ਉਹਨਾਂ ਦੇ ਫਲੈਟ ਦਾ ਸ਼ੀਸ਼ਾ ਤੋੜਦੇ ਹੋਏ ਗੈਸਟ ਰੂਮ ਦੀ ਛੱਤ ਤੇ ਲੱਗੀਆਂ।
Tiktok
ਗੋਲੀਆਂ ਚੱਲਣ ਤੋਂ ਬਾਅਦ ਬੰਸਲ ਦੇ ਮਾਤਾ-ਪਿਤਾ ਨੇ ਸ਼ਿਕਾਇਤ ਦਰਜ ਕਰਵਾਈ, ਜੋ ਕਿ ਜੇਪੀ ਕੋਸਮੋਸ ਦੀ 17ਵੀਂ ਮੰਜ਼ਿਲ ਤੇ ਰਹਿੰਦੇ ਹਨ। ਘਟਨਾ ਸਮੇਂ ਮਾਤਾ-ਪਿਤਾ ਘਰ ਨਹੀਂ ਸਨ। ਵਧੀਕ ਪੁਲਿਸ ਕਮਿਸ਼ਨਰ ਅਖਿਲੇਸ਼ ਕੁਮਾਰ ਨੇ ਦਸਿਆ ਕਿ ਉਹਨਾਂ ਨੂੰ ਜਾਣਕਾਰੀ ਮਿਲੀ ਸੀ ਕਿ ਸ਼ੁੱਕਰਵਾਰ ਸ਼ਾਮ ਜੇਪੀ ਕੋਸਮੋਸ ਦੇ ਬਾਹਰ ਕਈ ਰਾਉਂਡ ਫਾਇਰਿੰਗ ਸੁਣੇ ਗਏ ਜਦਕਿ ਕੋਈ ਵੀ ਗੰਭੀਰ ਘਟਨਾ ਨਹੀਂ ਵਾਪਰੀ।
Tiktok
ਪਰ ਜੇ ਕੋਈ ਵਿਅਕਤੀ ਉੱਥੇ ਮੌਜੂਦ ਹੁੰਦਾ ਤਾਂ ਇਹ ਘਾਤਕ ਸਾਬਤ ਹੋ ਸਕਦਾ ਸੀ। ਇਕ ਵਾਰ ਜਦੋਂ ਜਾਂਚ ਤੋਂ ਬਾਅਦ ਆਰੋਪੀ ਦੀ ਪਹਿਚਾਣ ਹੋਈ ਤਾਂ ਪਤਾ ਚੱਲਿਆ ਕਿ ਉਹ ਟਿਕਟੌਕ ਵੀਡੀਉ ਬਣਾਉਣ ਦਾ ਸ਼ੌਕੀਨ ਸੀ ਅਤੇ ਉਹ ਬੰਦੂਕ ਨਾਲ ਗੋਲੀ ਚਲਾ ਰਿਹਾ ਸੀ, ਫਾਇਰਿੰਗ ਕਰਨੀ ਉਸ ਦੀ ਵੀਡੀਉ ਦਾ ਇਕ ਹਿੱਸਾ ਸੀ। ਪੁਲਿਸ ਅਨੁਸਾਰ ਸਥਾਨਕ ਲੋਕਾਂ ਨੇ ਦਸਿਆ ਕਿ ਕਾਲੇ ਰੰਗ ਦੀ ਸਕਾਰਪਿਓ ਵਿਚ ਇਕ ਵਿਅਕਤੀ ‘ਤੇਰੇ ਨਾਮ’ ਫ਼ਿਲਮ ਦੇ ਗਾਣੇ ਉੱਚੀ ਆਵਾਜ਼ ਵਿਚ ਛੱਡ ਕੇ ਸੋਸਾਇਟੀ ਦੇ ਬਾਹਰ ਘੁੰਮ ਰਿਹਾ ਸੀ।
TikTok
ਉਹਨਾਂ ਨੇ ਆਰੋਪ ਲਗਾਇਆ ਸੀ ਕਿ ਕਾਰ ਨੂੰ ਤੇਜ਼ ਗਤੀ ਨਾਲ ਚਲਦੇ ਹੋਏ ਉਹ ਸੋਸਾਇਟੀ ਦੇ ਬਾਹਰ ਕਈ ਚੱਕਰ ਲਗਾਉਂਦਾ ਦਿਖਾਈ ਦਿੱਤਾ। ਪਰ ਕਿਸੇ ਨੇ ਵੀ ਕਾਰ ਦੇ ਮਾਲਕ ਪੁਨੀਤ ਦੀ ਪਹਿਚਾਣ ਨਹੀਂ ਕੀਤੀ। ਆਰੋਪੀ ਉਸੇ ਸੋਸਾਇਟੀ ਦਾ ਨਿਵਾਸੀ ਹੈ ਅਤੇ ਇਕ ਵੱਖਰੇ ਟਾਵਰ ਦੀ 15ਵੀਂ ਮੰਜ਼ਿਲ ਤੇ ਰਹਿੰਦਾ ਹੈ। ਪੁਨੀਤ ਨੇ ਨਵੀਂ ਦਿੱਲੀ ਵਿਚ ਡੀਪੀਐਸ ਤੋਂ ਅਪਣੀ ਸਕੂਲੀ ਸਿੱਖਿਆ ਪੂਰੀ ਕੀਤੀ ਹੈ ਅਤੇ ਆਈਐਮਐਸ ਗਾਜ਼ੀਆਬਾਦ ਤੋਂ ਬੀਬੀਏ ਕੀਤੀ ਹੈ।
Scorpio
ਪੁਲਿਸ ਨੇ ਕਿਹਾ ਕਿ ਉਹਨਾਂ ਨੇ ਨੋਇਡਾ ਵਿਚ ਏਪੀਜੇ ਤੋਂ ਪੀਜੀ ਕੋਰਸ ਪੂਰਾ ਕੀਤਾ ਹੈ ਅਤੇ ਰਿਅਲ ਇਸਟੇਟ ਗਰੁਪ ਦੇ ਨਾਲ ਮੈਨੇਜਿੰਗ ਡਾਇਰੈਕਟਰ ਦੇ ਰੂਪ ਵਿਚ ਕੰਮ ਕਰਦਾ ਹੈ। ਦੋਸ਼ੀ ਦਾ ਪਿਤਾ ਰਿਟਾਇਰਡ ਆਟੋ ਇੰਜੀਨੀਅਰ ਹੈ ਅਤੇ ਦਾਦਰੀ ਵਿਚ ਮੋਟਰਸਾਈਕਲ ਦਾ ਸ਼ੋਅਰੂਮ ਚਲਾਉਂਦਾ ਹੈ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
