ਗੁਜਰਾਤ ਵਿੱਚ ਆਉਣ ਵਾਲੇ ਮਹੀਨਿਆਂ ਵਿੱਚ ਵਿਧਾਨ ਸਭਾ ਚੋਣਾਂ ਨੂੰ ਲੈ ਕੇ BJP ਸਰਗਰਮ
ਅਹਿਮਾਦਾਬਾਦ: ਬੀਜੇਪੀ ਨੇ ਗੁਜਰਾਤ ਵਿੱਚ PM ਮੋਦੀ ਦੇ ਰੈਪਰ ਵਾਲੀ ਚਾਕਲੇਟ ਕੀਤੀ ਲਾਂਚ ਆਉਣ ਵਾਲੇ ਮਹੀਨਿਆਂ ਵਿੱਚ ਗੁਜਰਾਤ ਵਿੱਚ ਵਿਧਾਨ ਸਭਾ ਚੋਣਾਂ ਹਨ, ਗੁਜਰਾਤ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦਾ ਗ੍ਰਹਿ ਰਾਜ ਹੈ, ਉਹ ਲੰਬੇ ਸਮੇਂ ਤੋਂ ਇਥੋਂ ਦੇ ਮੁੱਖ ਮੰਤਰੀ ਰਹੇ ਹਨ, ਇਸ ਲਈ ਗੁਜਰਾਤ ਵਿੱਚ ਹਰ ਚੋਣ ਭਾਜਪਾ ਅਤੇ ਮੋਦੀ ਲਈ ਗੁਜਰਾਤ ਦੀ ਪਛਾਣ ਦਾ ਸਵਾਲ ਬਣ ਜਾਂਦੀ ਹੈ।
PM modi
ਭਾਰਤੀ ਜਨਤਾ ਪਾਰਟੀ ਦੀ ਖਾਸੀਅਤ ਇਹ ਹੈ ਕਿ ਇਹ ਪ੍ਰਚਾਰ ਦਾ ਕੋਈ ਮਾਧਿਅਮ ਨਹੀਂ ਛੱਡਦੀ, ਇਹ ਛੋਟੀਆਂ-ਛੋਟੀਆਂ ਗੱਲਾਂ ਨੂੰ ਚੋਣ ਪ੍ਰਚਾਰ ਅਤੇ ਮੋਦੀ ਜੀ ਦੀ ਵਡਿਆਈ ਦਾ ਮਾਧਿਅਮ ਬਣਾਉਂਦੀ ਹੈ, ਇਸੇ ਕੜੀ ਵਿੱਚ ਅੱਜ ਇਸ ਨੇ ਬੱਚਿਆਂ ਲਈ ਇੱਕ ਵਿਸ਼ੇਸ਼ ਚਾਕਲੇਟ ਲਾਂਚ ਕੀਤੀ ਹੈ, ਜਿਸ ਦਾ ਰੈਪਰ ਤੇ ਪ੍ਰਧਾਨ ਮੰਤਰੀ ਦੀ ਫੋਟੋ ਅਤੇ ਭਾਜਪਾ ਦਾ ਚੋਣ ਨਿਸ਼ਾਨ ਹੈ।
PHOTO
ਗੁਜਰਾਤ ਭਾਜਪਾ ਦੇ ਪ੍ਰਧਾਨ ਸੀਆਰ ਪਾਟਿਲ ਨੇ ਮੰਗਲਵਾਰ ਨੂੰ ਕਿਹਾ ਕਿ ਭਾਜਪਾ ਨੇ ਗਰੀਬ ਅਤੇ ਕੁਪੋਸ਼ਿਤ ਬੱਚਿਆਂ ਲਈ ਪੌਸ਼ਟਿਕ ਤੱਤਾਂ ਨਾਲ ਭਰਪੂਰ ਖਾਸ ਕਿਸਮ ਦੀ ਚਾਕਲੇਟ ਤਿਆਰ ਕੀਤੀ ਹੈ। ਉਨ੍ਹਾਂ ਦੱਸਿਆ ਕਿ ਸਾਡੇ ਨਿਰੰਜਨਭਾਈ ਵਲੋਂ ਕੁਪੋਸ਼ਿਤ ਬੱਚਿਆਂ ਲਈ ਤਿਆਰ ਚਾਕਲੇਟਾਂ ਦੇ ਸੈਂਪਲ ਮੰਗਲਵਾਰ ਨੂੰ ਸੰਸਦੀ ਦਲ ਦੀ ਬੈਠਕ ਤੋਂ ਪਹਿਲਾਂ ਸੰਸਦ ਮੈਂਬਰਾਂ ਨੂੰ ਦਿੱਤੇ ਗਏ ਸਨ। ਜਾਣਕਾਰੀ ਮੁਤਾਬਕ ਚਾਕਲੇਟ ਦੇ ਰੈਪਰ 'ਤੇ ਭਾਰਤੀ ਜਨਤਾ ਪਾਰਟੀ ਦਾ ਪ੍ਰਿੰਟ ਹੈ। ਇਸ ਦੇ ਨਾਲ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੀ ਤਸਵੀਰ ਵੀ ਕਮਲ ਦੇ ਚਿੰਨ੍ਹ ਨਾਲ ਛਾਪੀ ਗਈ ਹੈ।
