ਦਿਮਾਗ 'ਚੋਂ ਕੱਢਿਆ ਟਿਊਮਰ
ਨਵੀਂ ਦਿੱਲੀ - ਦਿੱਲੀ ਏਮਜ਼ ਨੇ ਇਕ ਪੰਜ ਸਾਲ ਦੀ ਬੱਚੀ ਦੇ ਹੋਸ਼ ਵਿਚ ਹੀ ਹੋਣ 'ਤੇ ਦਿਮਾਗ ਦੀ ਸਰਜਰੀ ਕਰਕੇ ਨਵਾਂ ਰਿਕਾਰਡ ਬਣਾਇਆ ਹੈ। ਬੱਚੀ ਦੇ ਦਿਮਾਗ ਦੇ ਖੱਬੇ ਹਿੱਸੇ 'ਚ ਟਿਊਮਰ ਸੀ, ਜਿਸ ਨੂੰ ਏਮਜ਼ ਨੇ ਸਰਜਰੀ ਰਾਹੀਂ ਸਫਲਤਾਪੂਰਵਕ ਹਟਾ ਦਿੱਤਾ ਹੈ। ਇਸ ਦੇ ਨਾਲ ਹੀ ਬੱਚੀ ਹੋਸ਼ 'ਚ ਹੁੰਦੇ ਹੋਏ ਸਫ਼ਲਤਾਪੂਰਵਕ ਸਰਜਰੀ ਕਰਵਾਉਣ ਵਾਲੀ ਦੁਨੀਆ ਦੀ ਪਹਿਲੀ ਵਿਅਕਤੀ ਬਣ ਗਈ ਹੈ।
ਹਸਪਤਾਲ ਪ੍ਰਸ਼ਾਸਨ ਨੇ ਦੱਸਿਆ ਕਿ ਬੱਚੀ ਨੇ ਪੂਰੀ ਪ੍ਰਕਿਰਿਆ 'ਚ ਕਾਫ਼ੀ ਸਹਿਯੋਗ ਦਿੱਤਾ ਹੈ ਅਤੇ ਅੰਤ 'ਚ ਉਹ ਆਪਰੇਸ਼ਨ ਤੋਂ ਬਾਅਦ ਵੀ ਠੀਕ ਰਹੀ। ਏਮਜ਼ ਨੇ ਕਿਹਾ ਕਿ ਨਿਊਰੋਅਨੇਸਥੀਸੀਆ ਅਤੇ ਨਿਊਰੋਰਾਡੀਓਲੋਜੀ ਟੀਮ ਨੇ ਦਿਮਾਗ ਦੇ ਐਮਆਰਆਈ ਦਾ ਬਹੁਤ ਚੰਗੀ ਤਰ੍ਹਾਂ ਅਧਿਐਨ ਕੀਤਾ ਅਤੇ ਸਰਜਰੀ ਦੌਰਾਨ ਸਾਰੇ ਮੈਂਬਰਾਂ ਨੇ ਵਧੀਆ ਟੀਮ ਵਰਕ ਕੀਤਾ।
'ਅਵੇਕ ਕ੍ਰੈਨੀਓਟੋਮੀ' ਇੱਕ ਨਿਊਰੋਸੁਰਜੀਕਲ ਤਕਨੀਕ ਅਤੇ ਕ੍ਰੈਨੀਓਟੋਮੀ ਦੀ ਕਿਸਮ ਹੈ ਜੋ ਇੱਕ ਸਰਜਨ ਨੂੰ ਦਿਮਾਗੀ ਟਿਊਮਰ ਨੂੰ ਹਟਾਉਣ ਦੀ ਇਜਾਜ਼ਤ ਦਿੰਦੀ ਹੈ ਜਦੋਂ ਕਿ ਮਰੀਜ਼ ਸਰਜਰੀ ਦੌਰਾਨ ਹੋਸ਼ ਵਿਚ ਹੁੰਦਾ ਹੈ। ਸਰਜਰੀ ਦੇ ਦੌਰਾਨ, ਨਿਊਰੋਸਰਜਨ ਦਿਮਾਗ ਦੇ ਵੱਖ-ਵੱਖ ਹਿੱਸਿਆਂ ਦੀ ਕੋਰਟੀਕਲ ਮੈਪਿੰਗ ਕਰਦਾ ਹੈ ਤਾਂ ਜੋ ਟਿਊਮਰ ਨੂੰ ਹਟਾਉਣ ਦੌਰਾਨ ਕੋਈ ਬੇਅਰਾਮੀ ਨਾ ਹੋਵੇ।
