ਮਾਂ ਨੇ ਪੁੱਤਰ ਨੂੰ ਖੰਭੇ ਨਾਲ ਬੰਨ੍ਹ ਕੇ ਉਸ ਮਗਰੋਂ ਉਸ ਦੀਆਂ ਅੱਖਾਂ ’ਚ ਲਾਲ ਮਿਰਚੀ ਪਾਊਡਰ ਪਾ ਦਿੱਤਾ।
ਹੈਦਰਾਬਾਦ - ਤੇਲੰਗਾਨਾ ਦੀ ਇਕ ਵੀਡੀਓ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੀ ਹੈ ਜਿਸ ਵਿਚ ਇਕ ਮਾਂ ਅਪਣੇ ਬੱਚੇ ਨੂੰ ਇਕ ਅਨੋਖੀ ਸਜ਼ਾ ਦਿੰਦੀ ਨਜ਼ਰ ਆ ਰਹੀ ਹੈ। ਦਰਅਸਲ ਤੇਲੰਗਾਨਾ ’ਚ ਇਕ ਮਹਿਲਾ ਨੇ ਆਪਣੇ ਪੁੱਤਰ ਨੂੰ ਗਾਂਜਾ(ਨਸ਼ੇ) ਦੀ ਆਦਤ ਲਈ ਅਜਿਹੀ ਸਜ਼ਾ ਦਿੱਤੀ ਕਿ ਦੇਸ਼ ਦੀ ਪੁਲਿਸ ਦਾ ਟਾਰਚਰ ਵੀ ਉਸ ਅੱਗੇ ਫੇਲ੍ਹ ਸਾਬਤ ਹੋਇਆ। 15 ਸਾਲ ਦੇ ਪੁੱਤਰ ਦੀ ਗਾਂਜਾ ਪੀਣ ਦੀ ਆਦਤ ਤੋਂ ਨਾਰਾਜ਼ ਮਾਂ ਨੇ ਚੌਰਾਹੇ ’ਚ ਖੜ੍ਹਾ ਕੇ ਪੁੱਤਰ ਅਜਿਹੀ ਸਜ਼ਾ ਦਿੱਤੀ ਕਿ ਸਭ ਦੇਖਦੇ ਰਹਿ ਗਏ। ਇਸ ਮਾਂ ਨੇ ਪੁੱਤਰ ਨੂੰ ਖੰਭੇ ਨਾਲ ਬੰਨ੍ਹ ਕੇ ਉਸ ਮਗਰੋਂ ਉਸ ਦੀਆਂ ਅੱਖਾਂ ’ਚ ਲਾਲ ਮਿਰਚੀ ਪਾਊਡਰ ਪਾ ਦਿੱਤਾ।
What happened when a mother found out that her 15-yr-old son was becoming a ganja addict? She came up with a unique treatment. Tie him to a pole & rub mirchi powder in his eyes & not untie him until he promises to quit. Incident in Kodad, #Suryapet dt, #Telangana. pic.twitter.com/Kw8FXaqtz7
— Krishnamurthy (@krishna0302) April 4, 2022
ਅੱਖਾਂ ’ਚ ਮਿਰਚੀ ਪਾਊਡਰ ਦੀ ਜਲਣ ਨਾਲ ਨੌਜਵਾਨ ਚੀਕਦਾ ਰਿਹਾ। ਜਿਸ ਤੋਂ ਬਾਅਦ ਗੁਆਂਢੀਆਂ ਨੇ ਲੜਕੇ ਦੀ ਮਾਂ ਨੂੰ ਪਾਣੀ ਪਾਉਣ ਲਈ ਕਿਹਾ ਪਰ ਮਾਂ ਨੇ ਇਕ ਨਾ ਸੁਣੀ। ਇਸ ਤੋਂ ਬਾਅਦ ਮਾਂ ਨੇ ਉਸ ਨੂੰ ਉਦੋਂ ਤੱਕ ਨਾ ਖੋਲ੍ਹਿਆ ਜਦੋਂ ਤੱਕ ਉਸ ਨੇ ਨਸ਼ਾ ਛੱਡਣ ਦਾ ਵਾਅਦਾ ਨਹੀਂ ਕਰ ਦਿੱਤਾ। ਇਹ ਘਟਨਾ ਤੇਲੰਗਾਨਾ ਦੇ ਸੂਰਯਾਪੇਟ ਜ਼ਿਲ੍ਹੇ ਦੇ ਕੋਡਾਡ ਦੀ ਹੈ।
